ليلة زفاف لم تكتمل

الفصل الخامس عشر

رواية ليلة زفاف لم تكتمل الحلقة الخامسة عشر 🌼🌼

وفاء: بقولك يا حنان
حنان: قولى
وفاء: كنا عاوزين نعمل حفلة لادهم علشان عيد ميلاده
حنان: اه اووى اووى نعمل احنا عاوزين نفرح بدل الخنقة دى
وفاء: طيب كويس انك وافقتى هو عيد ميلاده بعد بكرة ظبطى نفسك وشغلك وشوفى فاضية امتى علشان نبتدى الترتيبات
حنان: تمام هرد عليكى بكرة
وفاء: تمام شوفى وقوليلى علشان عاوزة ارد على كريمة
حنان: تمام انا ماشية بقى
وفاء: ليه ما تخليكى شوية
حنان: لا بعدين علشان الحق اظبط الى ورايا
وفاء: تمام مع السلامة يا قلبى
حنان: سلام
مروة: عاو
حنان: بسم الله الرحمن الرحيم مروة مش هتبطلى حركاتك دى
مروة: عيب عليكى انا لو بطلتها اعيا
حنان: منا عارفة ايه المفاجاة دى مقولتليش انك جاية
مروة: ولو قلتلك كانت هتبقى مفاجاة ازاى
حنان: طيب يا لمضة تعالى يلا ندخل الاوضة
مروة: لا اوضة ايه انا مخنوقة وعاوزة اخرج انا مش جايا علشان اقعد فى اوض
حنان: طب عايزة ايه ما انتى عارفة انا مش عايزة اخرج
مروة: لا بقى هتخرجى يعنى هتخرجى يلا رزحى البسى انا خدت ازن من عمو وطنط يلا بقى متبقيش خنيقة
حنان: طب هنروح فين بس
مروة: انشالله نقعد فى الجنينة الى جمب البيت اهم حاجة اشم هوا اخرج وخلاص
حنان: اوف اما اشوف اخرتها معاكى حاضر هروح البس واجى
مروة: مستنيك يا قمر
فى الجنينة الى تحت البيت
حسن: الله ايه يا بنى الى مبهدلك كدة ايه معندكش هدوم دة منظر وكيل نيابة
ادهم: اعمل ايه عندى اخت مخها طاير نسيت ترعملى زراير القميص لابس الى فى وشى وجيت
رؤوف: هههه كل الاخوات كدة يابنى عادى ولا يهمك
ادهم: اخباركوا ايه
حسن: مخنوقين زهقنا من قعدتنا كدة
ادهم: ليه يعنى
رؤوف: قصدوا يقولك زهقنا من الوحدة وقررنا نرتبط
حسن: ايوة عليك نور بالظبط كدة
ادهم: ههه طب ما ترتبطوا حد ماسكم هو اى الحكاية كل شوية الاقى حد بيرتبط
حسن: ليه مين عقل وهيعمل زينا
ادهم: هههه عقل ما هو واضح يا سيدى شريف اخو حنان هيخطب ملك صحبة حنان
رؤوف: طب الله يسهلوا لاقى حد احنا لسة بناجر عجل
ادهم: هههه امال هتخطبوا ازاى
حسن: هههه قصدوا يقولك ان احنا بنفكر قيد التنفيذ لسة بنضور ادينا
ادهم: اه طب وقررتوا على مين
رؤوف: هو حسن معجب بوحدة فى دماغه ومحتاج مساعدتك
ادهم: مساعدتى فى ايه انشالله
حسن: البنت الى معجب بيها تكون البنت الى شفتها فى عيد ميلاد يونس الى كانت مع حنان عارفها
ادهم: انتا تقصد مروة
حسن: هى اسمها مروة حلو قوى
ادهم: ما تفوق يا عم النحنوح قصدك عليها
حسن: ايوة هى دى الى عينى عليها
ادهم: محتاج مساعدتى فى ايه بقى
حسن: تروح تكلم حنان علشان تعرفنى عليها
ادهم: نعم عاوزنى اروح لحنان اكلمها فى موضوع جواز صحبتها انتا بتستهبل مستحيل اديقها بموضوع جواز تانى
حسن: ليه ياعم انا هرتكب خطئية على العموم لو مش عايز هكلمها انا خلاص
ادهم: حسك عينك تفتح الموضوع دة مع حنان لا فى وجودى ولا فى غيابى وكان صوت ادهم عالى فسمعوه حنان ومروة
حنان: الله دة صوت ادهم مالو بيزعق ليه
مروة: طب تعالى نشوف
وقبل ان يرد حسن تكلمت حنان
حنان: فى اى يا جماعة مالكوا بتزعقوا ليه دى اول مرة تزعقوا مع بعض
ادهم: حنان ابدا دة احنا بنتناقش يعنى مفيش حاجة ولا ايه ونكز حسن فى كتفه
حسن: اه يا حنان احنا بنتكلم بس انتوا اخباركوا ايه
حنان: احنا كويسين انتوا بقى الى متاكدين انو مفيش حاجة
حسن: اه يابنتى مفيش حاجة بقولك يا حنان كنت عاوزاك فى موضوع على جمب
انتهز حسن الفرصة خاصة بعد ما شاف مروة ليفتح معها الموضوع دون خوف من ادهم الذى كان يرمقه بنظرات غضب
حنان: اتفضل يا حسن
حسن: طب يلا نقف هناك
حنان: تمام يلا
ادهم: شوفت عمايله ودينى لاموته
رؤوف: الله ما تكبرش الموضوع ياعم ادهم حنان كويسة وانشالله مش هتدايق بس اهدى بس لما نشوف رد فعلها
مروة: هو فى حاجة ولا ايه
ادهم: لا مفيش تعالو نقعد احنا لحد ما يخلص البيه
مروة ورؤوف: اوك يلا
حسن: حنان حابة تعرفى ادهم كان بيزعق ليه
حنان: يعنى كان بيزعق امال بتقولوا انكم عادى ليه
حسن: الصراحة يا حنان انا كنت طلبت من ادهم يكلمك فى موضوع وهو رفض
حنان: موضوع ايه قلقتونى
حسن: الموضوع وبختصار يا ستى انا عاوزة اخطب مروة صحبتك وطلبت من ادهم يساعدنى انو يكلمك ويقولك وهو رفض وزعقلى
حنان: طيب وفيها ايه عادى جدا ان كان الموضوع انك عاوز تخطب مروة ايه الى يديقوا فى كدة بالعكس دة حاجة تفرح
حسن: هو مكنش عاوز يفتح سيرة جواز ولا افراح قدامك علشان متديقيش وتفكرى فى اللفات
حنان: ابدا وايه الى يزعلنى مروة دى صحبتى وافرحلها جدا بالعكس انا هساعدك فى الموضوع دة من كل قلبى ومتزعلش من ادهم هو كان بس خايف على مشاعرى ومتقلقش موضوعك عندى
حسن: بجد متشكر قوى يا حنان ربنا يخليكى
حنان: خلاص خلاص يابنى فى اى لدة كلوا انا هكلمها وابقى ابعتلك الرد مع ادهم باذن الله
حسن: باذن الله وشكرا قوى يا حنان
حنان: العفو على ايه ويلا بينا علشان بيبصولنا
حسن: تمام يلا

يتبع فى الحلقة القادمة 🏵🏵
🤩🤩😍😍😻😻♥♥💗💗🌷🌷🌹🌹💖💖
توقيع المجهول بقلم اسود 🌺🌺🌺
#رواية_الف_ليلة_وليلة