رواية ليلة زفاف لم تكتمل الحلقة الثامنة عشر 🌹🌹
وصلت حنان الى المنزل وبعد الغداء قعدت مع اخويها ووالديها لتتناقش معهم حول موضوع خطوبتهم
كامل: ها يا حنان ايه الموضوع
حنان: طبعا يا بابا المفروض منا لاخر الشهر خطوبة ملك وشريف صح
كامل : ايوة يا حبيبتى ليه غيرتى رايك
حنان: لا طبعا يابابا دة انا عايزة اخلى الفرحة فرحتين
ماجدة: فرحى قلبى وقولى انك قررتى تغيرى رايك وتفكرى فى موضوع الجواز تانى
حنان: وبعدين ياماما انا قفلت الموضوع دة انا بتكلم فى موضوع تانى
كامل: كملى يا بنتى عاوزة تقولى ايه
حنان: كنت عاوزة ان خطوبة شريف وملك تكون مع خطوبة زياد
كامل: يا حبيبتى زياد مش هيخطب
حنان: هو دة الموضوع يابابا زياد بيحب وفاء بنت عم احمد منصور وكانوا مقررين يفتحوا الموضوع بعد خطوبة شريف ليه ناجل ونعمل مصاريف مرتين ما خير البر عاجله يابابا
كامل: الكلام دة صحيح يا زياد
زياد: يا بابا
حنان: فى ايه يا بابا هو عمل ايه يعنى غلط لا دة بيحب وبعدين ما انتا سمحتلى زمان احب سامح وبعدين انا موافقة ومش هلاقى احسن من وفاء تبقى مرات اخويا
كامل: يا بنتى انا مش بحاسبه انا زعلان انو مجاش فاتحنى فى الموضوع
حنان: هو كان هيفاتحك من نفسه بعد خطوبة شريف يعنى مغلطتش انا الى بوظتله خطته لانى مش حابة الموضوع يستنى وان الخطوبتين يكونوا مع بعض ايه رايك يا بابا
كامل: والله يا بنتى دى حياتكم وانتوا حرين انتوا الى هتتجوزوا مش انا وان كان على الراى تاخدى راى العريس الى هتشاركوه فى يومه الراى راى شريف
حنان: عداك العيب يابابا ايه رايك يا شريف
شريف: والله يا حنان الى تشوفيه مدام انتى مبسوطة احنا مبسوطين
حنان: على خيرة الله يعنى اقول مبروك
شريف: قولى يا حبيبتى
حنان: طبعا يا بابا لازم انتا وماما تروحوا وتطلبوا البنت من اهلها
كامل: تمام يا بنتى خديلنا معاد معاهم
حنان: انشالله يا بابا انا هروح لوفاء واكلم عمى احمد واخد منوا معاد
كامل: ماشى يا حبيبتى روحى
حنان: ماشى مبروك يا حبايبى
شريف وزياد: الله يبارك فيكى يا اجمل اخت فى الدنيا
زياد: مش حرام الى بيحصل لحنان دة عايزة تسعد الكل وهى اكتر وحدة تستاهل السعادة
شريف: هنعمل ايه امر ربنا اكيد شيالها الاحسن حنان قلبها نضيف وتستاهل كل خير
ذهبت حنان الى منزل وفاء والى فتحلها ادهم
ادهم: حنان اتفضلى
حنان: يذيد فضلك امال وفاء وعمى وطنط فين
ادهم: موجودين فى التراث
حنان: طيب انا داخلالهم
ادهم: ادخلى
حنان: مساء الفل على احلى عموا احمد فى الدنيا
احمد: اهلا بالبكاشة بتاعتى تعالى يا بنتى
حنان: انا بكاشة برضو وانا عندى كام عمو احمد
احمد: اممم طيب اهو موجود عاوزاه فى ايه بقى مدام بدائتيها معايا كدة يبقى عاوزة حاجة
حنان: كدة برضو يعمى انا ما اجيش اهزر معاك غير لما اعوز حاجة
احمد: اممم طيب ما تتقمصيش وتعالى علشان نتكلم بعيد لما اشوف عايزة ايه
حنان: الله عليك يا الى فاهمنى احبك وانتا معايا على الخط
احمد: بنت عيب
حنان: هههه اسفة اسفة
احمد: طب تعالى يلا
ذهبت حنان مع والد ادهم الى غرفة اخرى لتتكلم معه
احمد: ايه الموضوع
حنان: الموضوع يا سيدى بابا وماما عاوزين يجوا زيارة علشان ناخد منك كيس الجوافة الى بره
احمد: هههه يخرب عقلك بقى وفاء بنتى كيس جوافة
حنان: ههه منتا عارف اللقب اهو امال بتزوغ من الموضوع ليه
احمد: عارفة لولا انك غالية عندى كنت زعلت من طريقتك دى
حنان: خلاص خلاص احنا اسفين يا صلاح المهم زياد بيحب وفاء وانا مش هلاقى احسن منها لاخويا لانها اختى دة اولا ثانيا كان المفروض انى اجى ابلغك ان بابا عاوز معاد وما احكيلكش حاجة بس انا حبيت تيجى منى انا لانك بالنسبالى ابويا التانى واكيد مش هتكسف من ابويا
احمد: اخ منك يا بت كامل دايما بتغلبينى بالكلام انتى اكتر من بنتى بالنسبالى ومستحيل ارفضلك طلب يا غالية على قلبى
حنان: تسلملى يا عم احمد
احمد: بصى يا بنتى انا هحكيلك حكاية عاوز منك حل ليها واشوف بقى ضميرك ولا عقلك ولا قلبك الى هيحلها
حنان: وانا تحت امرك
احمد: كان فى اتنين ولد وبنت متربين مع بعض اصحاب قوى الى يديقها يديقوا والى يزعلها يزعلوا مرة البنت كانت بتلعب على المرجيحة وجه طفل تانى وقعها وصديقها من الطفولة شافها بتعيط مسك الولد وضربه وخد فصل اسبوع من المدرسة بسببها ومرة تانية كانت بتلعب فى الشارع وجات عربية كانت هتخبطها قام زقها وخبطته العربية وقعد 3 شهور فى الجبس ومرة تالت مسكوه وهو بيغششها فى الامتحان واتحرم انه يمتحن المادة وخد ملحق برضو بسببه ولما كبرت قدام عينه يوم بعد يوم هى مكنتش صديقة ولا اخت فى حياته هى كانت البنت الى دخلت قلبه من وهو طفل الى كان بيحلم يوم بعد يوم انو يكمل حياته معاها كان دايما كل عيد يجبلها عروسة جديدة ويفسحهة فى احلى اماكن لحد قرر انو يتقدملها بس لسوء الحظ اتخطبت لغيره كان بيستعد بعد التخرج علشان يقولها انه بيحبها بس ملحقش اتخطبت لغيره زعل جدا وقلبه اتكسر بس قال لنفسه مدام هى مبسوطة انا مبسوط وفضل انه يفضل فى نظرها صديق علشان يقدر يشوفها ولو لحظة ويتكلم معاها بكل راحة زى ما هما متعودين وفضل يعاملها نفس المعاملة الى كان بيعاملهالها لانه حبه ليها كان بيذيد رغم ان قلبه بيتكسر مليون حته من جوا وهو بيشوفها مع واحد تانى انا مش هكملك احداث تانى كانت بينهم انا هقولك ان البنت دى لسة موجودة ويقدر انه يقولها انه بيحبها لان الشخص التانى خرج من حياتها بس خوفا على مشاعرها برضو عايش على زكراها الحل ايه يا بنتى قوليلى يقولها ولا يفضل عايش ميت من غيرها فكرى وقوليلى الحل ولو لقيتى حل قوليلى وانا اكملك قصة الاتنين دول اما بالنسبة لبابا بكرة عيد ميلاد ادهم نتكلم بكرة واحنا مستنيناكم انشالله
حنان: حاضر يا عمى هقول لبابا انا ماشية
احمد: روحى يا بنتى بس متنسيش فكرى فى القصة كويس وقوليلى الحل
حنان: حاضر يا عمى هفكر سلام
ذهبت حنان فى حيرة كبيرة من القصة التى حكاها لها والد ادهم وخوفا من ان تكون شكوكها وتوقعاتها فى محلها واجابة حل القصة هيكون بكلمة من ادهم لانها خدت وعد تعرف مين البنت الى بيحبها وكل حاجة متوقفة على اخبار ادهم لها الحقيقة يوم عيد ميلاده الساعة 12 تانى يوم
يتبع فى الحلقة القادمة 😱
توقيع مديحه عارف 🌺🌺🌺
#رواية_الف_ليلة_وليلة
أنت تقرأ
ليلة زفاف لم تكتمل
Novela Juvenilحب الطفولة ملحوظة يا جماعة اى حد هيلاقى القصة دى منشورة فى مكان تانى فهى مسروقة لانى الكاتبة الاصلية للرواية ودة حسابى الوحيد ولسة جديد يعنى انا لسة الى ناشرة عليه من قريب بس ومعنديش اى مكان تانى بنشر فيه غير على صفحتى عل الفيسبوك اسمها رواية الف لي...
