ليلة زفاف لم تكتمل

الفصل الخامس والعشرون

رواية ليلة زفاف لم تكتمل الحلقة الخامسة والعشرون 🌹
اول ما حنان شافت سلوى ارتبكت وسابت ايد ادهم
سلوى: اهلا توك ما فكرتى ان ليكى جوز وجاية تزوريه
حنان: يا ماما انا .....
سلوى: اخرسى انا عمرى ما كنت ولا هكون امك انتى متستاهليش ابنى اصلا منك لله بسببك ابنى راح
حنان: انا وانا ايه زنبى دة قضاء ربنا وسامح ربنا يرحمه هو عارف انا كنت بحبه وبحترمه قد ايه
سلوى: ما هو واضح داخلة تزورى قبر جوزك مع حبيبك يا اختى اختشى على دمك ايه البجاحه دى
اوشك ادهم على التحدث ولكن امسكت حنان بيده واشارت له بعدم الكلام
حنان: ان كنت زعلتك فى حاجة انا اسفة بس اكيد سامح حاسس بيا وعارف الى مريت بيه ومسامحنى
سلوى: بتبررى لنفسك الغلط الى بتعمليه دة منظر وحدة بتحترم جوزها داخلة قبره وهى فى ايدها ايد راجل غيره
ادهم: بعد ازنك يعنى انا ساكت من الصبح احتراما لسامح الله يرحمه وعلشان حضرتك قد امى ياريت يعنى تفسرليلى موقف سامح لو كان مكان حنان يعنى لو حنان هى الى ماتت وسامح كان لسة عايش كان هيبقى رد فعلك هيبقى ايه هتسكتى ولا هتقوليه اتجوز وعيش حياتك ها مردتيش يعنى كنت متوقع دة من حضرتك عارفة لو كانت حنان مكنتش هتفرق معاكى كنتى هتخلى سامح يتجوز بعد الاربعين مهى عمرها ما فرقت معاكى
سلوى: لا طبعا
ادهم: تمام اعتبرى ان ابنك عايش كنتى هتقوليله عيش على زكرة مراته الى ماتت يوم فرحه
سلوى: ها
ادهم: اتفضلى قوليلى كنتى هتقوليله ايه وياريت الحقيقة احنا مش بنكدب على بعض انتى عمرك ما حبيتى حنان فاكيد مش هتخافى على شعورها قولى الى كتماه فى قلبك
سلوى:  كويس جبت المفيد انا عمرى ما حبيتك يا حنان وبكرهك واتمنيت انك متتجوزيش ابنى ودعيت بكدة بس مكنتش بتمنى انى اخسر ابنى بسبب كرهى خسرت ابنى ولو اقدر ارجع فى دعوتى كنت عملت كدة بس انتى متستاهليوش وان كان على سوالك كنت هجوزه بعدها باسبوع مش هستنى الاربعين دة ابنى ومش هخليه عايش وحيدا علشان خاطرها
ادهم: يبقى مش من حقك تلومى حنان انها بتحب وتتجوز الى مترضهوش لنفسك مترضهوش لبنات الناس
سلوى: ماشى يا حنان يعنى هتتجوزى براحتك انا كلامى مش معاكى كلامى مع الى خلفتك وكانت فخورة بيكى سلام
ذهبت والدة سامح وهى فى قمة غضبها من كلام ادهم على موضوع زواج حنان للمرة الثانية وذهبت مباشرة الى منزل حنان
حنان: ليه بس قولتلها كدة يا ادهم
ادهم: لحد امتى هتخافى منها هى مفكرتش فيكى وبتتمنالك الاذاء يا حبيبتى انا عارف انك كنتى مستحمالها علشان سامح بس خلاص الى كان بيجبلك حقك مش موجود يبقى من حقى احفظلك كرامتك مقولتليش ايه سبب مجيك هنا انهاردة بزات
حنان: جاية اتكلم مع سامح واخد رايه اسمعنى ومتقاطعنيش سيبنى اتكلم براحتى
ادهم: براحتك يا حبيبتى
حنان: ازيك يا سامح وحشتنى وحشنى صوتك وحنيتك عليا انا اسفة انى زعلت ماما قدامك بس هى بتعاملنى وحش جدا ومن غير اى سبب سامحنى انا جاية اعترفلك بحاجة خبيتها عليك من يجى ٩ سنين انا كنت بحب ادهم من وانا صغيرة وخوفت اقوله انى بحبه ولما انتا اتقدمتلى وافقت علشان خاطر انساه وده عيب فى حقك انا اسفة انى مقولتلكش كان لازم اعترفلك بكل حاجة يومها بما انى وافقت واختارت انى ابقى معاك كان لازم اقولك كل الى فى قلبى علشان مظلمكش وانا اسفة انى خبيت عليك سامحنى انتا ما تستاهلش منى كدة انا غلطت فى حقك كان لازم اقولك واسيبلك الاختيار علشان كدة جاية انهاردة اعترفلك واقولك صدقنى انا حبيبتك بجد حبيت حنيتك وطبيتك وخوفك عليا ولو كنت لسة معايا كنت هعيش طول عمرى بحترمك وخدامة تحت رجليك لانك تستاهل الحب انا فعلا زى ما قالت ماما انى مستهلكش وانا علشان ابدا حياة جديدة كان لازم اريح ضميرى نحيتك بتمنى انك تسامحنى
ظلت حنان تبكى وهى تحكى كل ما بقلبها الى سامح املا منه على ان يرد ويسامحها وبعد لحظات من كثرة الاعترافات والبكاء ذهبت برفقة ادهم عودة لمنزلهما
ادهم: انا اسف
حنان: على ايه
ادهم: لو كنت اتكلمت قبل ٩ سنين مكنتيش اتعرضتى للموقف دة
حنان: دة مش غلطك دة غلطى انا لانى كنت مخطوبة وفكرت فى غيره وبعدين الى حصل حصل خلاص انا كان لازم اتكلم واحكى لسامح علشان ارتاح
ادهم: ربنا يريح قلبك دايما يا حبيبتى
حنان: ممكن طلب
ادهم: اتفضلى
حنان: ممكن انام على كتفك
ادهم: اتفضلى يا حبيبتى انتى متاكدة انك كويسة
حنان: انا كويسة متقلقش بس عايزة اريح عينى شوية
ادهم: طيب يا حبيبتى ارتاحى
تشبثت حنان بايدى ادهم وهى تبكى كالطفل التائه ووصلوا الى منزلهم وهم على السلم استمعوا الى اصوات عالية تاتى من منزل حنان
حنان: الله ايه الصوت العالى دة دة جاي من بيتنا ركضت حنان وادهم الى منزل حنان وفتحت حنان باب المنزل ووجدت والدة سامح تشتم والدتها وعندما رات سلوى حنان قامت لترحل ولكن امسكت ايديها حنان
حنان: لحظة من فضلك
سلوى: عايزة ايه تانى مش كفاية الى حصل
حنان: لا انا لازم اعرف ايه الى بيخليكى تكرهينى كدة وليه دايما بتجيبى سيرة امى بالوحش عملتلك ايه
سلوى: عملتلى ايه مستهونة بالى عملته امك خدعتنى وخدت منى الراجل الى كنت بحبه واتجوزته وبتسالينى عملت ايه
وسابتها جريت حنان وراها على السلم ومسكتها مرة تانية
حنان: ثانية وحدة مش هتمشى غير لما اعرف الحقيقة
سلوى: سيبينى بقى اوعى ايدى منك لله انتى وامك
ودفعت يد حنان واختل توازن حنان وسقطت من اعلى السلم فى دهشة من الكل
ادهم: حناااااااااااان

يتبع فى الحلقة القادمة 🤔
توقيع مديحه عارف 🌹🌹

لو وصلتوا الحلقة دى ١٠٠ لاف و١٠٠ كومنت هتنزل حلقة تانية عايزة رايكم فى الحلقة بصراحه ويارب تعجبكم
#رواية_الف_ليلة_وليلة