رواية ليلة زفاف لم تكتمل الحلقة الرابعة ☺️☺️
بعد 3 ساعات من العمل المتواصل فى منزل ادهم قد انتهى الاثنان من تزيين البيت
حنان: اممم ياه اخيرا
ادهم: عندك حق الواحد اتهد
حنان: طبعا وانتا خاسس عليك ايه فى شوية تزيين وانا الى اتبهدلت فى المطبخ وهدومى اتبهدلت
ادهم: هههه تصدقى صح هدومك كلها دقيق
حنان: انتا بتتريق يا ادهم
ادهم: ههه معلش اصل شكلك يضحك قوى يلا قومى علشان نجهز
حنان: لا والله ما قادرة اتحرك من مكانى سيبينى خمسة اريح
ادهم: هههه على قولك وانا زيك
رن جرس منزل ادهم وكانت القادمة خالته اميرة وابنتها سوسن
ادهم: مين يا ماما
عائشة: خالتك اميرة وسوسن يا حبيبى
ادهم: ييه ابتدينا اليوم
سوسن: ازيك يا ادهم
ادهم: ازيك يا سوسن انا كويس وانتى
سوسن: انا كويسة مالكو قاعدين كدة ضهوركو فى بعض
فقد كانت حنان تجلس على الارض وتسند ضهرها على ضهر ادهم الذى كان يجلس نفس جلستها
ادهم: لا ابدا احنا لسة الى مخلصين الديكور وخلصنين معاه
سوسن: اه بحسب
حنان: بتحسبى ايه بظبط دة اولا ثانيا هو مش فى بشر هنا مع ادهم المفروض لما تدخلى مكان فى ناس من الزوق والادب انك تسلمى
سوسن: نعم انتى فكرانى تلميذة عندك علشان تعلمينى الادب طيب اتعلميه انتى بالقعدة الى انتى قعداها دى تحبى اكلم خطيبك واقوله يجى يلمك
ادهم: سوسن احترمى نفسك ايه الى بتقوليه دة
حنان: كان عندى حق لما قولت انك لا بتعرفى فى الذوق ولا الاحترام عن ازنك يا ادهم سلام
ادهم: حنان يا حنان يا حنان ردى عليا
منصور: مالك يا حنان بتعيطى ليه
خرجت حنان مسرعة الى منزلها وهى تمسك نفسها حتى لا تبكى امام اهلها
عائشة: فى ايه يا ادهم صوتك عالى ليه
منصور: حنان بتعيط ليه يا احمد
ادهم: اسالى الهانم بنت اختك الى ما بيعديش يوم تيجى هنا الا وتدايق حنان
سوسن: والله يا خالتى...
ادهم: اخرصى خالص مسمعش صوتك ماما خديها من وشى لحسن والله لبهدلها بجد
ماجدة: ايه يا حنان اخيرا خلصتوا
حنان: اه ياماما تعبت قوى انا داخلة اخد شاور
ماجدة: ادخلى يا حبيبتى
منصور: اهدا يا ادهم بس قولى بس حنان عيطت ليه
ادهم: ولا حاجة يا بابا احنا خلصنا وكنا هلكنين جدا قعدنا على الارض وضهرنا فى ضهر بعض من التعب الهانم سوسن بهدلتها بكلام زبالة زيها
منصور: حصل خير يا حبيبى المشكلة مش سوسن دلوقتى حنان مين هيقنعها تيجى انهاردة بعد الى حصل
ادهم: مش عارف يابابا هحاول اروح اكلمها
بعد نص ساعة قد اتى تقريبا معظم الضيوف وقد حضرت ايضا كريمة وقد حكى لها ادهم كل ما حدث
كريمة: بقى كل دة يحصل ومتكلمنيش وهى بنت خالتك دى دايما مسحوبة من لسانها كدة ولا يهمك انا هخدلها حقها يا سيدى
ادهم: المهم مين هيقنع حنان تيجى بعد الى حصل بقى تبقى محضرة الليلة كلها ومتجيش
كريمة: انا هكلمها ادينى رايحلها دلوقتى
ادهم: ماشى لو مرضيتش انا هكلمها
ماجدة: ايه دة كريمة تعالى يا بنتى
كريمة: امال نونا فين
ماجدة: فى اوضتها اصلها لسة خارجة من الحمام كانت بتاخد شاور بعد ما خلصت الترتيبات
كريمة: طيب انا داخلالها
ماجدة: ادخلى يا حبيبتى
كريمة: ممكن ادخل
حنان: ادخلى يا ماما
كريمة: تصدقى حلوة منك ما انا ماما بردو
حنان: كوكى عاملة ايه جيتى امتى
كريمة: من خمساية كدة وجتلك على طول
حنان: حبيبى تسلميلى بس هو فى ايه
كريمة: يلا يا بنتى ملبستيش ليه
حنان: البس ليه
كريمة: ما تصعيش عليا يا حنان يلا علشان يونس مستنيكى
حنان: معلش يا كريمة مش قادرة انا تعبت جدا انهاردة فى الشغل وفى ترتيبات عيد الميلاد خدى انتى الهدية اديها ليونس
كريمة: متستهبليش يا حنان هدية ايه وحياة ابنى ما اخد منك حاجة غير لما تيجى
حنان: كريمة متحلفيش وحياة ماما عندك بس اعفينى تعبانة ومش قادرة عن ازنك يا كريمة بس ادخل الحمام
ذهبت حنان الى الحنان وظلت به مدة وكانت بالداخل وهى تبكى وعندما تاخرت شعرت كريمة من انها لا تريد العودة لحتى لا تحرجها اكتر من كدة فعادت الى بيتهم مرة تانية
ادهم: ها عملتى ايه
كريمة: مديقة جدا ومرديتش تيجى وسابتنى ودخلت الحمام انا عارفة حنان كويس تلاقيها بتعيط دلوقتى
ادهم: يعنى اروح اقتلها الى قاعدة جوا دى ولا اعمل ايه
كريمة: خلاص يا ادهم لحد ياخد بالو انا عارفة يا حبيبى انك بتحبها بس هى مش ليك يا ادهم انساها
ادهم: ايه الى انتى بتقوليه دة يا كريمة لا طبعا انا مقدرش اعيش من غير حنان فهمانى
يتبع فى الحلقة القادمة 💗💗
توقيع: مديحه عارف 🌺🌺🌺
يارب تعجبكم ليك وشير لكى ننشر المزيد من الحلقات وقولولنا رايكم فى كومنت يلا يا جماعة ليك وشير كتير علشان نستمر 😘😘 اكيد محدش هيكسفنا وهيعمل ليك وكومنت وشير 💕💕💕
#رواية_الف_ليلة_وليلة
أنت تقرأ
ليلة زفاف لم تكتمل
Genç Kurguحب الطفولة ملحوظة يا جماعة اى حد هيلاقى القصة دى منشورة فى مكان تانى فهى مسروقة لانى الكاتبة الاصلية للرواية ودة حسابى الوحيد ولسة جديد يعنى انا لسة الى ناشرة عليه من قريب بس ومعنديش اى مكان تانى بنشر فيه غير على صفحتى عل الفيسبوك اسمها رواية الف لي...
