الحلقة السادسة من رواية ليلة زفاف لم تكتمل 😍😍
ذهبت حنان الى عيد الميلاد واخدت معاها مروة
عائشة: كدة برضو يا حنان تتاخرى انا واخدة على خاطرى منك وان كنتى زعلتى بسبب البت سوسن انا خالتها وبقولك اسفة متزعليش
حنان: ايه الى بتقوليه دة يا طنط اسف ايه دة كدة انا الى هاخد على خاطرى منك
عائشة: والله يا حنان معزتك عندى من معزة كريمة ووفاء بالظبط انا عندى اغلى منك
حنان: تسلمى يا طنط ربنا يخليكى ليا وما يحرمنيش منك ومن كلامك الجميل دة
عائشة: طب ايه هنفضل على الباب كتير ادخلى يلا
حنان: ماشى يا طنط
عائشة: ايه يا حنان مش هتعرفينى على الحلوة الى معاكى
حنان: دى مروة صحبتى من ايام ثانوى نسيتيها يا طنط
عائشة: مش واخدة بالى يا حنان انا مشوفتش من اصحابك كتير غير بنت بنضارة انما دى حلوة وامورة
مروة: تسلمى يا زوق
حنان: قصدك ولمضة كمان ايوة يا طنط هى دى بقى الى كانت بتلبس نضارة
عائشة: بسم الله مشاء الله تبارك الخلاق اتغيرت خالص طب ادخلوا يلا علشان نطفى الشمع
حنان: ماشى يا طنط يلا
كريمة: اخيرا جيتى كنت هزعل لو مجتيش
حنان: وانا اقدر ماجيش عيد ميلاد يونس حبيب قلبى دة
يونس: هيييه حنان جات
حنان: حبيبى وحشتنى ما بتجيش ليه علشان تلعب معايا
يونس: بابا وماما مش بيردو يجوا غير يوم الجمعة وكل ما اجى القيكى خرجتى مع عمو سامح بقولك ايه ما تقوليلوا ياخدك بقية الاسبوع ويسيبك ليا يوم الجمعة
وانفجرا الحضور من الضحك على جملة يونس وفى نفس اللحظة كان سامح جه وسمعه
سامح: بقى كدة يا واد يا شقى اخدها الاسبوع كله واسيبهالك يوم الجمعة
يونس: ما هى على طول معاك انما انا مش بشوفها
سامح: خلاص يا سيدى الجمعة دى معاك مرضى
يونس: مرضى ياسطا
سامح: هى حصلت ياسطا بتجيب الكلام دة منين
يونس: كبر دماغك ياعمو سامح ومتركزش معايا
ظل الجميع يضحك على طريقة يونس فى الحديث وبعد ان اطفئ الشمع واخذ الهديا من الجميع يونس
حنان: اتفضل يا بطل كل سنة وانتا طيب
يونس: وانتى طيبة يا لوما شكرا ..... هييييه هيييه
كريمة: مالك يا يونس
يونس: لوما جبتلى تلفون 😜
كريمة: بقى كدة يا حنان تكلفى نفسك ليه كل دة
حنان: كلفت نفسى دة ايه انا وعدته اجبهوله ومينفعش اوعد يونس بحاجة وما اوفيش انا عندى كام يونس
بعد نص ساعة كان سامح ورؤوف وحسن يجلسون مع ادهم
حسن:ايه اخبارك اسموحة مفيش جديد فى موضوع الفرح
سامح: والله احنا خلاص حددنا والمفروض الفرح اخر الشهر دة
ادهم: بالسرعة دى
سامح: سرعة ايه يابنى احنا مخطوبين لينا 6 سنين كفاية كدة وبعدين ناجل ليه مفيش حاجة توقفنا علشان ناجل
حسن: ايوة صح طب على بركة الله ابقى اعزمنا انتا بس على الفرح واحنا نولعهولك
سامح: حبيبى يا ابو على منا شايلك للكبيرة عن ازنكو يا جماعة بس لحظة هقول لحنان حاجة واجى
روؤف: خد راحتك على الاخر
حنان: ايه يا سامح سبت صحابك ليه
سامح: دة سؤال ينفع يتسال برضو وحشتينى
حنان: وحشتك ايه يا مفترى منا كنت معاك امبارح
سامح: بلاش وحشتينى تنفع بحبك وبموت فيكى
حنان: امممم وانا كمان
سامح: وانتى كمان ايه
حنان: بحبك يعنى
سامح: فى وحدة تقولها كدة بحبك يعنى دة انتى ناقص تضربينى فين الرقة فى الجملة
حنان: اممم بحبك يا عقلى
سامح: بحبك يا قلبى
مروة: انا ملاحظة ان الحب ولع فى الدرة اجيب اتنين لمون ولا ايه ارحمو اهالينا انا لسة سنجل
سامح: امممم كل مرة تيجى وتطلعى عينى وتقوليلى الكلمتين دول انا مش هخلص منك غير لما اجبلك عريس يا ادهم تعالى الحقنى
ذهب ادهم واصدقائها الى سامح
ادهم: فى ايه يا سامح
سامح: ابوس ايدك خلصنى من البت دى وخلينا نجبلها عريس
مروة: ليه بقى انشالله حد قلك انى بيره
حسن: محدش قال كدة يا انسة انتى زى القمر واى شاب يتمناكى
مروة: ها
حنان: مروة حبيبتى ركزى معايا
مروة: منا مركزة اهو وبعدين يا سى سامح انتا الى جيت وخدت منى صحبتى وانا معرفش حد هنا
سامح: بتتلككى خلاص نعرفك على الناس الى هنا علشان ارتاح منك اظن ادهم وعرفاه دة بقى حسن ودة رؤوف
فجاة جات وفاء اخت ادهم
وفاء: انا جيت بتعملوا ايه ومتجمعين ليه
سامح: بس كملت ودى بقى يا ستى وفاء اخت ادهم اديكى عرفتى ناس كتير ممكن تسيبينى شوية مع خطيبتى
مروة: بعينك لا طبعا انا جاية انهاردة علشان خاطرها مش علشان اقعد لوحدى متحلمش تاخدها منى يلا يا شاطر خد صحابك وهش من هنا يلا
اخذ سامح اصدقائه بعد ان قامت بطردهم مروة
يتبع فى الحلقة القادمة ☺️☺️
توقيع المجهول بقلم اسود 🌺🌺🌺
#رواية_الف_ليلة_وليلة
أنت تقرأ
ليلة زفاف لم تكتمل
Novela Juvenilحب الطفولة ملحوظة يا جماعة اى حد هيلاقى القصة دى منشورة فى مكان تانى فهى مسروقة لانى الكاتبة الاصلية للرواية ودة حسابى الوحيد ولسة جديد يعنى انا لسة الى ناشرة عليه من قريب بس ومعنديش اى مكان تانى بنشر فيه غير على صفحتى عل الفيسبوك اسمها رواية الف لي...
