ليلة زفاف لم تكتمل

الفصل التاسع والعشرون

رواية ليلة زفاف لم تكتمل الحلقة التاسعة والعشرون
بعد يومين فى المستشفى كانت حنان تجلس مع صديقتيها ملك ومروة وكان ادهم قادم لزيارتها
ادهم: دق دق ممكن ادخل
مروة: اتفضل ادخل
ادهم: حبيبتى عاملة ايه دلوقتى
حنان: الحمدلله بخير طول ما انتا بخير
ادهم: انا بخير طول ما انتى جمبى
حنان: تسلملى يا حبيبى اتاخرت ليه قولتلى انك جاى من ساعة
ادهم: معلش اتاخرت علشان جايبلك معايا حد زعل لما عرف بالى حصلك وجالك مخصوص
حنان: مين!
ادهم: ثوانى هجيبها من بره وندخل على طول
حنان: طيب يا حبيبى روح
مروة: يجيبها هى بنت بيخونك دة ولا ايه
حنان: بس يامو نص لسان اكيد حد اعرفه بيخونى دة ايه
ادهم: اتفضلى
مرام: ازيك يا حنان الف حمدلله على سلامتك زعلت خالص لما ادهم قالى بس الحق عليه مقليش غير امبارح وجتلك على طول
حنان: الله يسلمك تعبتى نفسك ليه وجيتى المشوار دة كلو كان كفاية اتصال يا مرام كان هيفرحنى
مرام: ودة كلام بزمتك دة انتى غالية علينا كلنا
حنان: الله يخليكى طالما جيتى يبقى هتقعدى معانا لحد خطوبة وفاء وزياد وكمان خطوبة ملك وشريف
ادهم: هو كله هيتخطب وانا ايه ظروفى مش هتخطب هتخطب امتى
حنان: اصبر على رزقك الاخير رزقه كتير
ادهم: دة على اساس انى مصبرتش دة انا اخد جايزة نوبل على صبرى اخواتك مصبروش قدى
حنان: هههه هههه طيب قولى انتا عريس هيخطب من غير عروسة بزمتك
ادهم: امال انتى روحتى فين
حنان: بزمتك هحضر الخطوبة بعكاز الله بقى وانا مش عروسة ومن حقى البس فستان واتصور وارقص واهيص
ادهم: نعم ترقصى دة عند مين دة
حنان: يعنى انتا سبت انى اخف وابقى كويسة ومسكت فى انى ارقص ياعم بس اخف الاول
ادهم: طيب اعملى كل الى انتى عايزاه بس رقص مفيش
حنان: حاضر 😂
مرام: معلش مش هقدر اقعد كتير انا همشى بكرة
حنان: لا تمشى دة ايه هتقعدى وكمان عمى ومرات عمى هيجو بقولكم ايه يا جماعة سيبونى مع مرام شوية
ادهم: ليه بقى فى اى
مروة: ايوة عايزة تزحلقينا ليه
حنان: بيتك بيتك منك ليها خلونى اعرف اتصرف هتعرفوا بعدين يلا بقى
ادهم: حاضر يا حبيبتى يلا منك ليها متديقوش حبيبتى
مروة: بقى كدة اتلميتوا على بعض واتفقتوا ماشى هنمشى المرادى لكن المرة الجاية مش هنمشى ابدا
ادهم: 😂 طب يلا يا عم حنفى انجر قدامى
بعد ١٠ دقايق
حنان: بصى يا ستى بعد بكرة خطوبة شريف وملك ووفاء وزياد وانا عاملها مفاجاة ليهم الى يعرفوا الموضوع بابا وماما وعمى احمد وماما عائشة واكيد انتى وعائلتك كلها هتيجى علشان خطوبة وفاء دى بنت عمك
مرام: طيب بابا وماما مين هيقلهم
حنان: هو المفروض انى اتفقت مع عمى احمد وطنط ماجدة وهما حالين قايمين بالمهمة وعزموا الناس الحاجة الوحيدة الفاضلة ان العرسان يعرفوا ودة انا هبلغهم بيه بكرة بمناسبة رجوعى
مرام: حمدلله على السلامة والله انا نفسى دى اول مرة فى القاهرة ليا اكيد نفسى اقعد بس لسة بابا وماما ما يعرفوش متقلقيش شوية وتلقيهم كلموكى
ومعدتش لحظات ورن هاتف مرام وكان ان اهلها قالو لها ان تنتظر فى بيت عمها لانهم قادمين الغد لاجل الاحتفال بالخطوبة ايضا
مرام: حاضر يا بابا مع السلامة
حنان: ها طمنينى قالك ايه
مرام: عرفتى منين انو وافق
حنان: قلب الام ها هتقعدى خلاص
مرام: اه خلاص هقعد مع وفاء
حنان: كويس قوى اوعى تقولى لحد حاجة حتى ادهم بكرة انا هقولهم
مرام: تمام متقلقيش
فى هذة اللحظة دخل ادهم
ادهم: ها خلصتوا ولا لسة ايه يا مرام خدتيها منى
مرام: 😂خلاص ادخل واقعد مع خطيبتك اسيبك انا يا حنان دلوقتى
حنان: مع السلامة يا حبيبتى
ادهم: وحشتينى
حنان: بطل افتراء دة انتا مش بتسبنى غير وانا نايمة
ادهم: خلاص بلاش وحشتينى تنفع بعشقك
حنان: بحبك
ادهم: اللهم صلى على النبى اخيرا انتى عارفة انا كنت مستعد استنى مية سنة بس اسمع الكلمة دى منك
حنان: ربنا يحميك ويطول فى عمرك يا حبيبى ويخليك ليا
ادهم: ويخليكى ليا ها اجبلك اكل
حنان: لا لسة شوية مش جعانة امال مرام هتروح مع مين
ادهم: منا خليت اخوها يوصلها البيت
حنان: هو جه معاها
ادهم: اه متقلقيش عليهم خليكى معايا انا
حنان: طب ملك ومروة راحوا فين
ادهم: روحوا خليكى معايا انا بدل ما اروح انا كمان
حنان: 😂 متقدرش
ادهم: لا اقدر
حنان: اهون عليك يا ادهوم
ادهم: لا بقولك ايه ما تتنحنيش بدل ما اتحول عليكى
حنان: كدة برضو يا ادهوم يا حبيبى
ادهم: صلى على النبى يا حنان واهدى بس وسيبينى الم نفسى لحد ما نتجوز ويتقفل علينا باب احسنلك بدل ما ولا اقولك انا مش هتكلم
حنان: 😂 هههه عرفت العب باعصابك يا حبيبى
ادهم: طيب طيب ياحنان انا رايح اجيب الاكل واجى
فى المساء
ادهم: ها يا حبيبتى هتنامى
حنان: اه يا حبيبى روح انتا
ادهم: مقدرش اسيبك يا حبيبتى
حنان: يا حبيبى انا من يوم ما تعبت وانتا ما سبتنيش ولا يوم واحد روح انهاردة وارتاح ونام كويس واصحى من النجمة تعالالى علشان تاخدنى
ادهم: لا يا حبيبتى انا مرتاح كدة
قامت حنان بمسك وجهه بيديها طبعت قبلة على خده وقالتله
حنان: وعلشان خاطرى ولا مليش خاطر عندك
ادهم: ايه دة ايه الى انتى عملتيه دة علشان مش مستوعب بس
حنان: عملت كدة 😘 وكررت فعلتها مرة تانية يلا بقى لو بتحبنى تروح
ادهم: حاضر يا حبيبى خلى بالك من نفسك هتوحشينى
حنان: وانتا كمان هتوحشنى قوى يا حياتى مع السلامة
ادهم: سلام
فى صباح اليوم التالى ذهب ادهم لكى يجلب حنان ولان حنان رفضت ان ياتى الجميع لاخذها قررت انها سوف تاتى مع ادهم فقط
ادهم: صباح الجمال على ابو عيون
حنان: صباح العسل على الى زى العسل
ادهم: اش اش دة احنا بالنا رايق يا جميل اهو
حنان: طبعا يسلام اخيرا هسيب المستشفى اتخنقت
ادهم: معلش غمة وانزاحت يا حبيبتى مش يلا بينا
حنان: يلا
بعد نص ساعة فى منزل حنان كان الجميع فى انتظارها وكانه يوم عيد
زياد: حنان جات يا بابا
كامل: جات عرفت منين
زياد: شوفت عربية ادهم من البلكونة زمانها طالعة دلوقتى
وما هى الا لحظات ودخلت حنان وسلمت على الجميع وكان اليوم هادى وجميل وملئ بالحب وقررت حنان ان تفجر قنبلتها وتخبرهم بمخططها
حنان: يا جماعة اسمعونى شريف وملك وزياد ووفاء جهزوا نفسكم بعد بكرة خطوبتك وانا وبابا وماما واهاليكم جهزنا كل حاجة ما فضلش غير انكو تستعدوا علشان الخطوبة بعد بكرة
زياد وشريف وملك ووفاء فى جملة وحدة مع بعض:
بتهزروا صح
حنان: اهزر ايه هو انا بلعب معاكم انا بتكلم جد يلا روحوا واتفقوا واتكلموا واستعدوا يا عرسان هى دى المفاجاة الى انا كنت قايلة عليها
طبعا الفرحة مكنتش سايعة العرسان كلهم وطبعا نزلوا علشان يستعدوا ويتفقوا على باقى التفاصيل بعد ما عرفوا بكل التحضيرات الى اهلهم عاملوها وانو مش ناقص غير استعدادهم بس فذهبوا لينفذوا باقى التحضيرات وذهب الاهالى الى منازلهم وظلت حنان برفقة ادهم
ادهم: مبسوطة
حنان: قوى قوى يا ادهم متتخيلش السعادة الى انا فيها دلوقتى قد ايه عائلتى كلها معايا وطنط سلوى واخيرا اتحل سؤ التفاهم واخواتى هفرح بيهم وسامح سامحنى حتى اصحابى مبسوطين وفوق كل دة الشخص الى انا بحبه معايا وقدامى هينقصنى ايه تانى انا طايرة من السعادة
قام ادهم وطبع قبلة على راسها وعلى يديدها وقالها
ادهم: انتى احن انسانة شوفتها فى حياتى بعد كل دة اسعدتى الكل انا فخور بيكى انك قدرتى تعدى كل الصعوبات دى
حنان: من غيرك مكنتش هعديها انتا السبب الوحيد الى غيرلى دنيتى
ادهم: بحبك
حنان: وانا كمان بحبك يا حبيبى
توقيع مديحه عارف
يارب تعجبكم الحلقة وياريت توصلوها لاكبر عدد من الليكات وقولوا رايكم بكل صراحة لو عجبتكم 🌹
#رواية_الف_ليلة_وليلة