ليلة زفاف لم تكتمل

الفصل الثامن والعشرون

الحلقة الثامنة والعشرين من رواية ليلة زفاف لم تكتمل🌹💗
ادهم: طيب هسيبكم شوية وارجع تانى
حنان: عاملة ايه يا ماما
سلوى: انا مستاهلش الكلمة دى يا بنتى
حنان: متقوليش كدة انتى طول عمرك مكانتك عالية عندى وزيك زى ماما بظبط
سلوى: دة انتى الى مقامك على قدامى انا عرفت دلوقتى ابنى حبك ليه حب طيبة قلبك واخلاقك العالية عرفت تربى ماجدة ربنا يحميكى ويخليكى ليها
وقالت هذة الجملة وهى تملس على شعرها
حنان: تسلمى ياماما ممكن تقوليلى اى الى بينك وبين ماما
سلوى: متشغليش نفسك بالمواضيع دى مفيش حاجة بينى وبينها ومتقلقيش مفيش مشاكل هتحصل معاكى بعد كدة
حنان: بس انا....
سلوى: متاخدنيش فدوكة ركزى معايا انتى تخفى بسرعة علشان الغلبان الى مصدق انك حبيته ملحقش يفرح ولقيكى فى المستشفى خفى بسرعة علشان نزفك عليه
ابتسمت حنان واغروقت عيونها من السعادة وضمت سلوى بيديها وقالتلها
حنان: شكرا ياماما وربنا يخليكى
سلوى: ويخليكى ويطولنا فى عمرك يا عمرى اسيبكم انا دلوقتى
فى هذة اللحظة كان ادهم رجع
ادهم: عاملة ايه دلوقتى
حنان: انا كويسة جدا
ادهم: واضح ايه سبب الابتسامة الجميلة دى
حنان: لان ماما سلوى اتغيرت معايا تصور بتقولى اخف بسرعة علشان تزفنى عليك
ادهم: قولى والنعمة قالتلك كدة
حنان: هههه مالك متسربع على ايه امسك نفسك شوية
ادهم: نعم اكتر من كدة ليا ٩ سنين وزيادة وتقوليلى امسك نفسى طيب طيب ياةحنان لما ابقى امشى متبقيش تزعلى
وقام ليغادر ولكن امسكت يده مرة اخرى
حنان: رايح فين يا مجنون
ادهم: ملكيش فى
حنان: ليا ونص انتا ملكى انا وبس
ادهم: لا انا مش ملك حد
حنان قد شدت ادهم ليقترب منها وقامت بضمه ووضعت راسها على صدره وقالتله
حنان: قولتلك انتا ملكى انا وبس ومحدش من حقه يعمل كدة غيرى وان دة مكانى انا وبس انا اتعزبت سنين فى هواك ولا يمكن اسمح لحد ياخد مكانى مرة تانية بحبك يالى جننتنى بحبك
ادهم بادلها نفس الشعور وضمها اليه وباس راسها وقالها
ادهم: بحبك يالى سكنتى روحى وكنتى سبب جروحى وانتى دوايا وكل طموحى مش هبعد عنك ابدا الى حاجة الى هتبعدنى عنك هى الموت بحبك
حنان: اوعى تقول كدة تانى مش عايزة اسمع السيرة دى منك
ادهم: حاضر يا حياتى
وبعد ساعة قد اتت عائلة حنان وعائلة وادهم والاصدقاء ايضا
كامل: حمدلله على سلامتك يا نور عين بابا
حنان: الله يسلمك يا حبيبى
ماجدة: حمدلله على سلامتك يا حتة من قلبى
حنان: الله يسلمك يا ماما انا بقيت كويسة
عائشة: حمدلله على سلامتك يا حنون
حنان: تسلمى يا ماما
ادهم: يا سيدى على كلمة ماما دى
حنان: اخرج منها انتا بس وهى تعمر
وظل اليوم هكذا ملئ بالضحك والشغب والفرح بعودة حنان مرة اخرى
ملك: بقى كدة يا ست حنان تاخرى علينا معاد الخطوبة
حنان: مين قالك كدة تصدقى خسارة الكلام انا مش هقولكم انا كنت مخططة ايه
ملك: لا والنبى قولى
حنان: لا تستاهلى خليكى بنارك
ملك: طيب يا ستى اسفين يا صلاح
حنان: اممم افكر 😂
وظل الجميع يضحك وتكلمت والدة حنان مع سلوى وقالت
ماجدة: سامحينى يا سلوى انا اسفة انا هقولك الحقيقة كلها
سلوى: قصدك ايه وبتعتذريلى على اى انتى عملتى حاجة
ماجدة: الى حصل قبل ٢٥ سنة
سلوى: ودة وقته برضو احنا فى ايه ولا ايه انسى مفيش حاجة حصلت واوعى تعتذرى منى تانى انتى نسيتى ان مفيش اعتذار بين الاصحاب
ماجدة: انتى سامحتينى
سلوى: ومين قالك انى مكنتش مسمحاكى الى حصل حصل خلاص ومش عايزة افتحه وياريت نقفل الموضوع لحد هنا متضيعيش علينا فرحتنا بحنان
وقامت ماجدة بضم صديقة عمرها بعد كل هذة السنوات وكان ما حدث حدث لحتى يرجعوا هاتين الصديقتين مرة اخرى وان الحقد لازم ينتهى ونبدا مرحلة جديدة وهى مرحلة الحب الحب وبس بداية من الان
يتبع فى الحلقة القادمة 👇
توقيع مديحة عارف 🌹
اتمنى تعجبكم قولو رايكم بكل صراحة ❤
#رواية_الف_ليلة_وليلة