ليلة زفاف لم تكتمل

الفصل التاسع

رواية ليلة زفاف لم تكتمل الحلقة التاسعة وبناء على طلبكم سوف تنزل اليوم 😘😘

بعد اسبوع
مروة: بسم الله مشاء الله ايه القمر دة ياناس
حنان: متكسفنيش بقى يا مروة
وفاء: مبروك يا نونا عقبال الفرح يارب
حنان: تسلمى يا فيفى عقبالك يا قلبى
كريمة:  هههه اخيرا هتحصلينى يا نونا مبروك يا سكر
حنان: شكرا يا بنات من غيركم اليوم كان هيبقى صعب عليا
وفجاة اتت صديقة اخرى لحنان بس كانت مسافرة وليها فترة مشفتهاش
ملك: بقى كدة وانا خلاص نسيتينى ومليش لازمة
قامت حنان وركضت وارتمت باحضانها
حنان: كوكى حبيبتى وحشتينى قوى كنتى فين يا وحشة
ملك: ادينى رجعت يا قلبى وجيت مخصوص بعد ما مروة كلمتنى وقالتلى ان انهاردة كتب كتابك مبروك يا قمر
حنان: الله يبارك فيكى تسلمى يا حبيبتى متشكرة ليكوا على وقفتكوا معايا وربنا ما يحرمنيش منكو
وفاء: يا بنات يا بنات الماذون بيكتب الكتاب
كريمة: مبروك يا مدام سامح وخلاص كتبوا كتابك
بعد 15 دقيقة كتبوا الكتاب ودخلوا الدفتر لحنان علشان تمضى ومضت وبعدها طلعت حنان علشان تسلم على الضيوف
سامح: مبروك يا حبيبتى
حنان: الله يبارك فيك يا حبيبى
قام سامح بحمل حنان وظل يدور بها فى سعادة وهى كانت تضحك من شدة سعادتها
سامح: ربنا يخليكى ليا
حنان: ويخليك ليا يا روحى
ملك: يلا يا بنات شغلوا الديجى خلينا نرقص وشغلوا اغنية كتبوا كتابك وظل يغنى مع الاغنية سامح وهو يرقص مع حنان وابتسمى عايزك تترسمى كتبوكى على اسمى بقى رسمى بقى رسمى وجلسوا بجانب بعض لياخذوا بعض الصور التذكارية فلم يكن فى مخيلتها انها بعد تلك الفرحة لن تفرح مرة اخرى
سلوى عثمان حامد والدة سامح جائت اليوم لتهنئ زوجة ابنها بعد الحاح من سامح
سلوى: الف مبروك
حنان: الله يبارك فيكى يا ماما
سلوى: امممم ماما طيب
حنان: هى اديقت منى
سامح: لا يا حبيبتى ابدا وبعدين بقولك ايه متشغليش بالك عاوزك الليلادى تفرحى خلاص بقيتى مراتى
حنان: حاضر يا حياتى وحبيبى وابو عيالى
سامح: قولتى ايه
حنان: يا حياتى وحبيبى
سامح: لا لا الى بعدها
حنان: ههه اقتربت حنان وهمست له ابو عيالى وقبلته على خده وجريت على اصحابها
سامح: ودينى ما انا سايبك
مروة: نعم عاوز ايه
سامح: مش عاوز منك حاجة انا عايز بس الى مستخبية وراكى دى
ملك: هه وفكرك هنسيبهالك لا يا حبيبى دى لسة ملكنا لحد ما تبقى فى بيتك
سامح: بقى كدة بتستخبى وراهم طب ماشى كلها اسبوعين ومش عايز اشوف وشكو
ملك: ههه بتحلم احنا هنطلك كل شوية
سامح: هاخدها ونسافر علشان اخلص منكو
وتركهم وذهب الى اصدقائه
شريف: مبروك يا ابو نسب خلى بالك منها
زياد: انتا عارف حنان دى الدلوعة بتاعتنا لو اشتكت منك فى يوم هتلقينا فوق دماغك
سامح: متقلقوش حنان دى فى عنيا
حسن: مبروك اسموحة عقبال ولادكم
رؤوف: مبروك يا باشا عقبال الليلة الكبيرة
سامح: الله يبارك فيكوا يا رجالة وعقبال ما افرح بيكو
ادهم: مبروك يا سامح عقبال الليلة الكبيرة انشالله وسامحنى لو مجتش
سامح: انتا بتهزر يا ادهم متجيش ازاى ليه بقى مفيش اعذار يا ادهم دة انتا اول واحد لازم تيجى
ادهم: معلش مش هقدر عمى كلمنى وعاوزنى اروحله اسكندرية علشان عليه قضية ومحتاج استشارة منى وانى اؤوح اباشر القضية هناك
سامح: طيب مينفعش يتاجل
ادهم: لا والله انا حجزت تذكرة القطر خلاص مبروك يا حبيبى وعقبال ولادك
حنان: هو مين دة الى مسافر
سامح: كويس انك جيتى علشان تقنعيه الباشا مسافر ومش هيحضر فرحنا
حنان: هو مين
سامح: سى ادهم
حنان: نعم انتا بتستهبل يا ادهم ايه الى انتا بتقوله دة ازاى مش هتيجى الفرح هزعل منك بجد
ادهم: معلش يا حنان فى مشكلة مع عمى ولازم اسافر ضرورى والف مبروك يا حنان وعقبال ما افرح بولادك يارب
حنان: لا انا زعلانة منك
ادهم: معلش سامحينى
حنان: يعنى مفيش امل
ادهم: ولا عمر
حنان: يوه انتا تانى
وظلوا هكذا طوال الليل يدردشون ويضحكون وتمت الليلة على خير باذن الله

اليوم المنتظر يوم الزفاف الذى كانت تنتظره حنان بسعادة تحول الى يوم مشؤم عليها كانت حنان فى الكوفير وحوليها اصدقائها واقرب ناس اليها
وفاء:يا خراثى على القمر ايه الحلاوة دى يا عروسة
ملك:مبروك يا قمر مالك كدة متوترة ليه
مروة:عندها حق فكى يا بنتى واضحكى دة انهاردة فرحك
كريمة:خلاص يابنات متديقهاش باين عليها خايفة
حنان:انا مش خايفة بس قلبى مقبوض مش عارفة ليه
مروة:ليه التشائم دة يا بنتى
حنان:مش عارفة مش مرتاحة وبعدين سامح اتاخر
ملك:اتاخر ايه يا بنتى الساعة لسة 6 هو قال هيجى 7 ما تقلقيش زمانو بيجهز
فى مكان اخر
حسن:ايه يا بنى ما تنجز خلينا نمشى علشان العربيات الى معانا مشيت علشان تلحق تخلص نفسها علشان الزفة
سامح:خلاص خد رؤوف وروحوا على الكوفير وانا عشر دقايق واحصلكوا
رؤوف:نعم امال مين الى هيسوقلك العربية
سامح:انا
حسن:انتا بتهزر فى عريس يسوق يوم فرحه
سامح: انا بقلكم روحوا وانا احصلكم ولما اوصل اى حد يبقى يركب
رؤوف:يعنى متاكد اننا نمشى
سامح:اه يلا روحوا
اتصل سامح بحنان ليبلغها انه اوشك على القدوم لم تكن تعلم انها ستحدثه لاخر مرة
سامح: حبيبتى عاملة ايه خلصت ولا لسة
حنان:خلصت انتا فين الساعة قربت على 7
سامح: حاضر يا حبيبتى نص ساعة وابقى عندك دلوقتى 6 ونص 7 بالثانية هبقى عندك هتوحشينى
حنان:هههه كلها نص ساعة وابقى معاك
سامح:بتكلم بجد والله هتوحشينى على ما اجى بحبك يا اغلى حاجى فى حياتى
حنان:وانا كمان يا احلى حاجة فى دنيتى بحبك
سامح:بحبك سلام بقى علشان هنزل
حنان:سلام يا حبيبى

بعد ساعتين
حنان: الله برن على سامح ما بيردش دة اتاخر قوى قالى هيبقى هنا 7 الساعة بقت 8 ونص هو راح فين
مروة:اهدى بس اصحابه كلهم بره يبقى قرب يجى
حنان:لا يبقى فى حاجة هو قالى مش هيتاخر سامح جراله حاجة
ملك:ليه بس بتفولى عليه هو انشالله كويس بس اهدى انتى
وفجاة دخل زياد شقيق حنان وهو يركض ويقول حنان
زياد:حنان حنان
حنان:ايه سامح جه مش كدة
زياد:وهو يبكى انا اسف يا حبيبتى جالنا خبر دلوقتى ان سامح عمل حادثة بالعربية ومات
حنان:انتا بتهزر مش كدة انتو عاملين فيا مقلب لا انتوا بتضحكوا عليا من اثر الصدمة لم تصدق ان اخوها كان يقول الحقيقة
زياد:لا حبيبتى دة بجد سامح مات

يتبع فى الحلقة القادمة 😭😭توقيع المجهول بقلم اسود 🌺🌺🌺اتمنى ان تنال اعجابكم
#رواية_الف_ليلة_وليلة