هاي قايز كيفكم اخباركم وش مسويين
طبعا اتحمدوا لي بالسلامه لاني كنت بروح فيها
بس الحمد الله عدت على خير بفضل الله ثم انسانه أعجز عن وصف امتناني لها لانها ساعدتني اطلع من السالفه
I love you, the most beautiful person I met ♥️
طبعا بقولكم السالفه وهي صارت لي امس
كنت اتكلم مع شخص تمام اتكلمنا عن أشياء كثير ووصلنا لموضوع "الواقي" 🙈
تكلمنا عنه وكذا ( ابشركم كنت أحسبه كريم😅😅😭)
(ما كنت اعرف انه ينلبس قايلكم انا انقط برائه)
المهم تحمست وقلت بروح اجيبه
(وليتني مافكرت اجيبه☹)
طبعا ابوي وامي مو موجودين
ووليد شفته راكب سيارته قلت اكيد بيتأخر يمديني اروح الصيدلية واجي وهو ما جاء لانه بالعادة يتأخر
طلعت برا البيت ورحت الصيدلية
دخلت واخذته وحاسبت وكل اموري تمام
بس فيه واحد كان يناظرني نظرات أعوذ بالله منها
(شكله يفكر يقول هذا وش يبي بالواقي😂)
طلعت من الصيدلية واموري تمام الحمد الله
لكن انا مستحيل اسوي شغله وما يصير شيء
وصلت البيت يوم دخلت البوابه 😫
لقيت وليد في وجهي انصدمت
وليد: عسى خير وش الي معك( يناظر كيس الصيدليه)
انا: اغراض
وليد: ممكن اشوف الاغراض
انا: لا وش دخلك
هجم علي يبي يأخذه ورميته وراح اخذه
هنا انا خلاص قلبي طاح في سروالي
فتح الكيس وطلع الواقي وجلس يناظره بعدها شهق
وليد: هذا ايش
انا: اسمع بفهمك السالفه
(كنت جالس ادور كذبه)
وليد: مابي افهم اي شيء لأن كل شيء واضح يا وصخ
فجأه لقيت عمي طالع من بيتنا شكله كان موجود من اول ما الومه يوم طلع من صراخ وليد
انا: وليد عمي جاء لا تقول شيء وانا بفهمك لأنك أنت فاهم غلط
وليد: جت على عمي هو منا وفينا واللحين تخش البيت واوريك وان ما علمت ابوي
انا: تكفى يا وليد لا تقول لأبوي
عمي فهد: وش يقول
انا: لا ولا شيء
وليد: وش الي ولا شيء شوف وش جايب
عمي فهد: انت جايبه صدق وش تبي فيه
وليد: امش ادخل واشوف سالفتك وتعلمني من الألف للياء
انا: طي..ب اس..مع..نيي( طلعت مني شهقات ماقدرت اتكلم مدري وش اسوي لأن لو عرفوا انا خلاص تنتهي حياتي لأن الناس الي عندي ما ترحم في هذي المواضيع)
