سلام كيفكم اخباركم
امس انا كنت مرهه تعبان المهم اغمى علي بغرفتي
وليد: عمي تعال بالله نلعب قيم واحد
فيصل: يلا قدام
جلسوا يلعبون وانا فوق مغمى علي☺️
المهم فقدوني الحمد الله وطلعوا يشوفوني
عمي فيصل حتى و رجله مكسوره غصب يطلع
المهم اخذوني المستشفى وتنومت
جو كلهم عندي وربي جدتي وجدي ما خذين المستشفى بيت أعوذ بالله ما كأن فيه مرضى
انا صحيت بس جلست مغمض عيني
واكتشفت ان وليد حنون و يخاف علي🥺😅
وليد: عمي وش قالك الدكتور
عمي متعب: لا معليك قال طيب بس مجرد إرهاق
وليد: يا عمي ترا فهد مغيب له ١٢ ساعه كل ذا ارهاق
(يمه غيبت ١٢ ساعه 😳)
عمي متعب: هد ولا تخاف بيصحى
وليد: خايف على عروق قلبي
(لا لا هذا مو وليد الي اعرفه☺️انا عروق قلبه)
المهم جاء وليد وضمني وقام يسلم علي
وليد: فهد حبيبي اصحى
انا: وليد انت وليد الي اعرفه من وين لك الحنان هذا
(أخذ كرتون المناديل وضربني بالله سويت شيء انا وليش ما طلع حنانه عندي وربي يقهر وليد)
انا: وش فيك علي
وليد: خفت عليك يا حيوان
عمي محمد: خلاص اللحين صحى وان شاء الله طيب الحمد الله على سلامتك يا حبيبي
انا: الله يسلمك يا عمي
عمي متعب: خوفتنا عليك يا عمري مره ثانيه اكل زين ونام زين
انا: ان شاء الله
عمي متعب: ولا تدري شكلي انا الي بأكلك
جدي: لا خيير تأكله
عمي فيصل: الحمد الله على سلامتك يا بغل
جدتي: رد يا قرد على فيصل ولا ترد على ناس وناس لا
انا: الله يسلمك
عمي فيصل: مسكين مثير لشفقه مسوي فلم هندي يعنني عشان ننتبه لك
جدتي: حبيبي اذا عندك موهبه تمثيل لا تمارسها علينا في كثير مسلسلات هنديه تستقبلك
وليد: على فكره ترا فهودي ما عنده هذي الحركات هو كان تعبان صدق
جدتي: وليد تراددني عشانه ما هقيتها منك وانا دايم امدحك
وليد: يا جده ما اراددك بس جالس أوضح لك
