فهد✨

~_~

هاي قايز كيفكم اخباركم وش مسويين

امس قرايب الفجر يا جماعه الخير
دق الباب رحت فتحت
طبعا من الشخص الي يطلع في وقت انا ما توقعته
اكيد عمي فيصل 

انا: انت؟؟ وش تبي

عمي فيصل: اشتقت لك قلت اجي اشوفك.... اهبل دخلني اول شيء بعدين اسئل ولا تبيني اوقف على الباب

انا: انا لو علي ما فتحت لك اصلا بس يلا خش واختصر وش تبي لاني مو فايق لك مرهههه

عمي فيصل: ليتك تاكل زق وتتلاجم

انا: اسف ما اقدر اكلك يا عمي

عمي فيصل: فههههد لعنه تلعنك يا قليل الادب وش الكلام هذا بجلس كل يوم اذكرك اني عمك

انا: خف علينا يا محترم ما شفت كلامك انت
حدك فاضي تعيب على كلامي شف كلامك

عمي فيصل: يا ابني انت الملح يغار منك لأنك ترفع الضغط اكثر منه

انا: انت يبالك تحديث حتى كلامك سامج مو معقوله لا شخصيه صاحيه ولا كلام صاحي

عمي فيصل: وش رايك ادخل عشان اقولك وش عندي
شكلك صدقت اني مشتاقلك واستانست لأني اجنن

انا: استانس ان كل الناس تشتاقلي ولا استانس انك مشتاقلي وععع ماخذ مقلب في نفسك من زينك

عمي فيصل: لا لا انا من زيني وش حلاتي انا

انا: الجمال جمال الروح مو مهم الشكل
شوفني انا مز والناس حبتني عشان تعاملي مو شكلي الله يصلحك 

عمي فيصل: وارث الجمال من اخوي واخوي وارث الجمال مني يعني انا السبب في جمالك

(انتحر ولا كيف مرهههه غبي🤦‍♂️)

انا: لا يا شيخ هذي الثقه الي الله يحرمنا منها
بتدخل ولا كيف

عمي فيصل: بدخل يا حمار

انا: انا والله عارف الحمار من بس خلني ساكت

(طبعا كل هذا عند الباب انا وفيصل في كل مكان وزمان نتخاصم الصراحه أغرب مكان تخاصمنا فيه
بالحمام الله يكرمكم وربي جوته الله لا يبلانا نفسي اقول السالفه بس مو اللحين بعدين)

دخلنا البيت

عمي فيصل: خذ

انا: هذا ايش؟

عمي فيصل: وش تشوف يا أعمى

انا: اشوف ظرف

عمي فيصل: يا سلام تشوف ظرف وش تتوقع جوته انت خمن

انا: يوووه ترا مو فايق لك اخلص علي

عمي فيصل: بغل ما عليك شرههه