هاي قايز كيفكم اخباركم وش مسويين
تفضلوا وشوفوا اليوم الجميل (امحق جميل😒)
.........................
اي صدق تذكرت ذيك الاغنيه الي يشغلونها بزواجات الحريم وقت العشاء
.........................
تفضلوا على العشاء تفضلوا على العشاء
حياكم الله يا عرب حياكم الله يا عرب
واحد واحد واحد 👏👏👏👏👏
.....................
المهم وربي كانت طرب
كنت اسمعها بالقاعه عند الرجال واحط رجلي لقاعه الحريم ارقص عليها يكونون هم عند الميز
طبعا اعترف اني كنت احب زواجات الحريم🖐
كنت لازم ادخل عندهم طبعا اذا اهل الزواج اعرفهم لكن اذا ما اعرفهم لا
....................
بسم الله وش فيني تذكرتها اللحين😀
المهم اقولكم السوالف الي صارت
انا نمت كذا قرايب الفجر تدرون اهلي سوو مداهمة للبيت الصباح
وانا وسلمان نايمين مع بعض☺️
طبعا سدحتنا مشكوك فيها سلمان نايم فوقي
ارض الله واسعه وهو نايم فوقي🤦♂️
وليد فتح الباب بأقوى ماعنده
انا دقيت سلمان مع جنبه بقوه وقام انسدح جنبي وكمل نومه ما عنده احساس اهم شيء عنده انه ينام🙃
وليد: قوموا يلا
انا: وليد بلا هباله نبي ننام
وليد: بنروح استراحه
(ليتنا ما رحنا والله😒)
قمت وصحيت سلمان رحت اخذت شور ولبست وسلمان ما قام تدرون كنت ابي اصير رومنسي واصحيه نفس مايصحون الحبايب بعض لكن ماش
انا همست عند أذنه وقلت
انا: حبيبي صباح الخير
سلمان: كل زق ابي انام
(اذبحه ولا وش اسوي وش هذا الرد☹)
سلمت بكل انش بوجهه ودفني وقال
سلمان: انقلع يااخي
انا: انا انقلع
سلمان: فيه غيرك
انا: وربي انت ما تستاهل الا تراب
طلعت من الغرفه متنرفز سلمان من سابع المستحيلات يقوم مروق نادر يصير ذا الشيء
رحت أفطرت وطلعت جلست مع امي اسولف
وليد طبعا ابو المقالب مايستغني عن المقالب
جالس اسولف في امان الله
وليد: فهد انت احلى اخ بالحياه وانت نعمه تدري ولا لا
انا: ادري من زمان انت الي دوبك تدري
وليد: حبيت اهديك هديه وهي كيكه بسيطه والله مو حقك بس وش اسوي
