هاي قايز كيفكم اخباركم وش مسويين
وحشتكم صح😉؟!
(يمه يا فهد وش وحشتكم😑والله لو ايش يوحشونك على اساس انك محور الكون على غفله😂وكلها يوم واحد ما نزلت😭😭بالله اهجد يا فهيدان)
ترا جالس اكلم نفسي☺️
اي على طاري اني اكلم نفسي
عادي الواحد يكلم نفسه صح وربي اليوم وليد رفع ضغطي جلسنا نسولف انا وياه وقلت
انا: تخيل انا قلت لنفسي........
وليد: كيف قلت لنفسك
انا: اكلم نفسي يعني اقول يا فهد كذا كذا
وليد: فيك شيء مريض ترا مابينا وبين شهار شيء اوديك
انا: بالله لا تستغبي انا اكلم نفسي جواتي داخلي فهمت
وليد: هذي نهايتك طلعت مريض وتكلم نفسك الله يشفيك ويشفي الي زيك يارب
انا: ولليييد لا تستهبل هذا مو مرض بالعكس شيء عادي ترا
وليد: شيء عادي ابد حنا فيها بكلم ابوي
انا: لا خير مره وحده ابوي ... ابوي مشغول
وليد: امي بقولها ... يما بالله الي يكلم نفسه مو صح مريض و يعتبر من فئه الناس الي قريب بتدخل مصحه نفسيه
(اخوي غبي وسخيف☺️)
امي: كيف يكلم نفسه ... لأن في الي يتكلم داخله مثلا يقول انا بسوي شيء كذا او ليت ما سويت كذا هذولي يعتبرون عاديين
اما الي يتكلم كأنه يشوف شخص قدامه او يطلع صوته ويهرج ويسولف هذا مريض اصلا يبان عليه انه مريض من التصرفات
انا: سمعت سمعت انا انسان عادي مو مريض في فرق بين المريض وبيني انا
وليد: ماراح ناخذ على كلام امي لأن امي مو متخصصه في هذا الشيء يمكن معلوماتها غلط
(قام يلف ويدور🤦♂️)
انا: يا ذكي هذا مايبيله شخص يكون متخصص لأنه واضح الا للأغبياء امثالك اكيد ماراح يكون لهم واضح ولا راح يفهمون
وليد: انا غبي بالله .... اصلا هذي وجهه نظري انت وش تبي
انا: وجهه نظرك احتفظ فيها لنفسك مو لازم تنشبني وألا غصب اطلع مريض
وليد: الشرهه مو عليك والله
انا: ألا علي الشرهه لأني سمعتك المفروض قمت من زمان ولا اسمع تفاهتك
وليد: انقلع اروح لأخوياي أبرك منك وربي
انا: اكيد أبرك مني لأنهم فهموا عقليتك المتخلفه وكلامك السخيف وتقبلوا بثارتك
قام ينفص فيني مسوي يخوفني😑
انا: رح يا شيخ بالله عيونك شوي وتطلع من مكانها
