هاي قايز كيفكم اخباركم وش مسويين
شوفوا تبون نصيحتي اطلعوا ولا تكملون لأن مافي شيء ترا😭
انا بس بكتب لكن انتم لا تشوفون لأن يومي زق حرفيا
صحيت الصباح المهم سويت روتيني وكذا
(وش وضع كلمه كذا... صح محد شايف لاني قلت اطلعوا )
طلعت من البيت ورحت لأصحابي
طبعا اكيد نفسي بتنفتح وكذا لاني معهم
رجعت البيت ونفسي مفتوحه و مروق
دخلت البيت ولقيت فيصل عندنا
(بالله هذا الي صادم حادث مو المفروض ينثبر ببيته)
(طبعا قلت لكم قبل عن قرون الاستشعار حقت عمي قرون الاستشعار هذي تعلمه اذا انا مروق عشان يروح ينكد علي)
عمي فيصل: تراك داخل على مسلم مو يهودي سلم ترا السلام لله
انا: لا يا شيخ احلف انك مسلم بالله احلف
عمي فيصل: قسم بالله اني مسلم وش شايفني زيك
انا: انا يهودي
عمي فيصل:ليتني حسبتك يهودي كنت احسبك هندوسي والله مو متأكد من اسمها الديانه ذيك الي يعبدون الفيله بالهند بس انت بدال الفيل تعبد حمار
انا: انا اعبد حمير.... شوف لو بعبد حمير بعبدك ترا
عمي فيصل: انا حمار
انا: في غيرك اجل
عمي فيصل: ايه فيه انت كنت احسبك تتكلم عن نفسك يا حمار
انا: طيب خلاص النقاش معك يتعب افففف بس
رحنا بيت جدي وجلسنا كلنا مع بعض
عمي فيصل: فهيدان
انا: هاااا
عمي فيصل: كم مره اقولك لا تقول هااا حسبي الله بس
انا: اخلص علي وش تبي
عمي فيصل: قم صب القهوه
انا: وش قالوا لك قهوجي عندك
عمي فيصل: القهوه مو لي بس لعمانك وابوي وامي
جدي: قم صب يا ولدي
(ياربي ما يشوفون الا انا بسسس)
صبيت القهوه وجلست
جدتي: حسبي الله بقعد طول عمري أناديك تسلم قم عماتك يبونك
انا: طيب يلا جاي
جدتي: كيف تقولي كذا... قولي ابشري سمي مو طيب جاي
