هلا بالربع
كيفكم عساكم زينين
المهم ماله داعي تكملون قرايه والله سماجه مره
الاسبوعين هذي تبن في تبن
يعني حرفياً الأسبوع الأول كان عباره عن اني اصحى واتقهوى وأحضر كلاساتي وبعدها هواشات مع سالم وقله حياء وبعدها ولا شيء بس جالس بغرفتي
الأسبوع الثاني يقهر وكان بدايته تبن
كنت بأمان الله جالس واكلم ناس
الا وتجي ذيك الرساله اللي نشفت دمي
رساله من ابوي كاتب ...هذي نهايتك يا فهد طلعت لوطي حسبي الله عليك ....
شويات واشوف كلام من جدي يسبني جالس يستشرف على راسي وهو اوصخ خلق الله
المهم جلست منصدم من ان ابوي عرف واحاول استوعب هو كيف عرف من تكلم شصار ومتى ووين ....صداع صداع اسئله كثير براسي
رحت كلمت شخص قريب مني وقلت له عن الموضوع قالي جلطه ثانيه ومصيبه وصدمني وقالي سالفه وسبني وقلت خلاص بس ضغط علي قال مالي شغل ...دبر نفسك..وسكر الخط.... انا هنا انقهرتتتتت
وبعدها وربي خلاص قمت ابكي ما تحملت مشكلتين فوق راسي صعب علي
من قوه صدمتي وانا كنت مو ماكل وجتني دوخه وتعبت وقمت استفرغ
جلست على الأرض بالحمام عقلي فاضي ما احس بشيء حرفياً ألم صامت احس براحه بس شيء يوجعني بس مدري وش
بعد وقت قمت من على الأرض ورحت استرخيت
بسريري
كان الوقت قرايب الفجر ...
كنت مو نايم بس مسترخي ويوم فج النور سمعت صوت فتح الباب
كان ما غيره الزنوبه قالي قم يا فهد طبعاً ما رديت عليه وقام يصارخ علي
قمت جلست وناظرته قالي ابوك تحت روح له
طبعاً نايف سوبهااانننن الله يوم عرف اني قي قدر يجي لكن قبل ما كان يقدر 🙂
انا والله كنت افكر هل اتضبط ولا انزل له بشكل محوس🌚يعني ارتب نفسي ولا لا
مدري شدخل افكر كذا بس الشكوى لله
المهم نزلت تحت ووقفت قدام ابوي وعطيته نظره شتبي
قرب مني وضمني..طبعاً جلست بنفس الوقفه لين بعد عني وبعدها جاني مخمس ثلاثي الابعاد😀💔
طبيعي اي شخص يفكر ان اذا ابوه اكتشف عليه شيء كبير زي كذا يفكر انه ممكن يصير له كلل شيء الا فهد الغبي قلت ما بيصير شيء
المهم معلينا
قاموا يهرجون ويهرجون اللي هم جداني وابوي يعلق مرات
اخخخ انا راسي بينفجر ألم مو طبيعي وكنت احس بتشويش
كم دقيقه مرت واغمي علي
