هاي قايز كيفكم اخباركم وش مسويين
امممممم والله مدري وش اقول😂😂😂
عرفت عرفت وش اقول لأن الصراحه اليوم صارت أحداث بس بقولها بإختصار
اليوم صحيت على الساعه سبعه
طبعا صحيت بنفسي وبهدوء مو الحفله الي تسويها لي امي كل يوم😭
سويت روتيني اليومي وطلعت طبعا البيت ما فيه الا انا و ايميلي ( العامله)
وليد داج كالعاده
ركبت دبابي طبعا انا احب شيء اسمه دباب اجلس افرفر فيه
طلعت برا البوابه شفت بيت عمي فيصل جالسين برا طبعا والله نفسي اروح لسلماني وكذا
لكن امس تهاوشت مع عمي فيصل ومالي خلق اليوم للمشاكل
رحت أتمشى بدباب المهم دخلت كذا مكان شبه خالي عشان أخذ راحتي وأسرع مره لاني احب أسرع
المهم وقفت في مكان اريح الا وتجيني عائله فرشوا فرشتهم وجلسنا انا قمت كلمتني وحده قالت اجلس معنا قلت لا شكرا
يوم جيت اركب تعلقوا فيني ثلاثه
ولد أظنه كبر زياد
وبنت امممم اعطيها عمر ١١ او١٢
وبزر صغير
قالوا بابا نبي نركب قال ابوهم لا حق الرجال
قاموا يتبكبكون ويصرخون الا يركبون الدباب
قالي الاب عادي تركبهم
قلت انا طيب لانهم حزنوني والله
قلت للولد الكبير تعرف له قال ايه
وانا قلت خلاص تمام
(لاني دايم اركب زياد وزياد يعرف له)
ركب واخته وراه
(مستغربين انتم اكيد ان يومي مر على خير كملوا وشوفوا)
اسرع الولد مره وما عرف يوقفه وصدم في شجره
الدباب راح فيها والولد يصرخ بس مدري وش فيه والبنت تنزف ركبناهم السياره ورحنا المستشفى
دخلنا الولد الأشاعه والبنت جالسين يخيطون يدها لأنها انجرحت
المهم انا جالس برا انتظر اشوف وش بيصير لهم
مين لقيت؟؟؟
لقيت عمي فيصل هذا الإنسان بكل مكان يطلع لي
بس والله استغربت انه جاء وبعدين يا عمي يا مريض مالقيت الا هذا المستشفى
فجأه لقيت سلمان داخل المستشفى خفت قلت احد جاه شيء
وانا منهمك في أفكاري دقني ابو الاطفال
الاب: وش اسمك
انا: فهد
الاب: اسف على الي صار لدبابك وبعوضك
انا: لا لا تعوضني ولا شيء ... طمني عن الأطفال
الاب: لا ابشرك امورهم تمام
(المفروض اللحين اروح وتنتهي السالفه لكن عمي الملقوف طلع من تحت الارض)
