هلا والله حي الله لعيونك هالرقبه سداده..
يوه تذكرت ايام باب الحاره وبذات وقت رمضان نفطر ونخلص وفجأه البيت هدوء كل العائله الكريمه على باب الحاره
كنت احب معتز وامثل شخصيته بعد وعايش الدور حرفيا😭😂
ولا بعد في مسلسل ثاني الي هو راس غليص
كانوا الي يتابعونه بس جدي وجدتي
المهم من كثر ما اسمع غليص يقول انا غليص ولد رماح دواس الظلمه
صرت اقولها وابثرتت اهلي بالكلمه
للأمانه اللحين ساحب على ام المسلسلات العربيه صارت ما تعجبني مدري ليه
والمشكله في العائله مافي احد نفسي
زي وليد يتابع مثل البرنس وطقته
انا اشوف البرنس والي زيه معليها تنبلع
وصدمني صدمه عمر يوم عرفت انه تابع مسلسل جمان وربي خايس ماله قصه بس انا احبك انا اغار عليك
وسلمان العن من وليد يتابع مسلسلات تركيه🤦♂️
ما لهم قصه الأتراك بس حبني واحبك ولا وحده تهج من عند اهلها لأنها تحب واحد ولا حبيبين يكونون ببدايه المسلسل يكرهون بعض ونص المسلسل يحسون بالحب اتجاه الشخص الثاني ونهايه المسلسل هم حبيبين
سبهان الله كلهم كذا🙃
اما امي نفس وليد بالضبط
الشخص الي معليه ابوي يعني يتابع مسلسلات اجنبيه ولا افلام Net Flex يعني حلو اهون
على طاري الأفلام الأجنبيه مره من المرات كنا انا ووليد نتابع مع امي وابوي مسلسل اجنبي
جت لقطه شفشفه تمام
انا ووليد وش سوينا
وليد أخذ جواله ويسوي نفسه انه على الجوال وما يدري
انا سويت نفسي نايم
المشكله مو هنا المشكله يوم ناظرنا لقينا امي وابوي يناظرون التلفزيون ويشوفون عادي😅
هنا انا ووليد انصدمنا احنا سوينا قروشه ويعننا ما درينا اخرتها امي وابوي مادرو عنا ولا انتبهوا مندمجين مع المسلسل😭😭
بسم الله جلست اتكلم ونسيت يومي اصلا مافي شيء يومي هذا
طلعت مع سلمان وربي كذا
تونسنا ومحد طلع معنا هذا افضل شيء
بس جدتي بأخر الليل دقت علي
جدتي: تعال خذني يا قرد
انا: اخذك من وين
جدتي: من عند جاراتي
انا: الله الله طلع عندك جارات يالناشفه
جدتي: ايه اكيد عندي جارات وصاحبات
