One Bite of Food Blogger Boyfriends [ YM & NJ ] ✅

[28]

[Unicode]

Yoongiရောက်လာတာကို
မသိကြသေးဘဲ
Park သားအဖသုံးယောက်ရဲ့
ရန်ပွဲကတော့ တဖြည်းဖြည်း
အရှိန်ပြင်းထန်လာနေဆဲ... ။

**တိတ်စမ်း Park Jimin .. ငါခုပဲ သတို့သမီး ဘက်ကို အိမ်မှာညနေစာစားဖို့ဖိတ်ပစ်မယ်**

**Appa သာ တိတ်လိုက်ပါနော် ခေါ်ကြည့်လိုက်လေ... သူတို့အိမ်ထဲတစ်လှမ်းလှမ်းလိုက်... ကျွန်တော်က သူတို့သမီးကိုမယူဘူး... ယောကျ်ား ပဲ ယူမှာပါ ဆိုပြီး တစ်ရပ်ကွက်လုံး ကြားအောင်အော်ပစ်မှာ .ပါဆို... အားးးးးးးးးးးးးးး**

**ဒီကောင်စုတ်လေးတော့.. **

**Appa .. သား ဓားရှာလာခဲ့မယ် ... ကိုကြီးကို တခါထဲ ကတုံးသာတုံးပစ်လိုက်တော့ **

**Yah!! Park Jihyun တိတ်စမ်း ငါကတုံးမတုံးဘူး ကတုံးနဲ့လည်းငါကဆက်ချောနေဦးမှာဆိုပေမဲ့... Yoongi ဆီပဲသွားမှာ.... တောင်ပေါ်မသွားဘူးလို့**

ဆူညံနေသောအခြေအနေမှာပင်
Mama Park ဘေးနားတွင်ရပ်နေသော
Yoongiကို အရင်ဆုံး သတိထားမိသွားသူက Jiminပင်..

**Yoongi!!!!**

ဆူပုတ်နေတဲ့မျက်နှာနှင့်
တစ်လောကလုံးမှာ ငါကြိုက်တာလုပ်မယ်ဆိုသော
မျက်နှာထားနှင့် Park Jimin သည်
ချက်ချင်း ပြောင်းလဲကာ
မူကြိုမှာ မုန့်လုစားခံရသောကလေးလေး
အားကိုး တွေ့သွားသလိုပင်
လှစ်ခနဲ ပြေးထွက်သွားရင်း
သူ့ချစ်သူနားရောက်သွားသည်။

**ဘာလဲ Min Yoongi ဘယ်ကရောက်လာတာလဲ.... omma ဒီကောင်ကို ဘာလို့ဝင်ခွင့်ပေးရလဲ **

**Yah!!Park Jihyun ဘာဒီကောင်လဲ. မင်းအကိုကြီးငါ့ ထက်တောင်နှစ်နှစ်ကြီးတာ... အကိုကြီး လို့ယဥ်ယဥ်ကျေးကျေးခေါ် .. ယောက်ဖလို့ခေါ်လည်းရတယ်**

Yoongi ရောက်လာသည်ကို
Jihyun တစ်ယောက်ပဲ မကြိုက်တာမဟုတ်...
Jimin အနားက Yoongi ကိုမြင်လိုက်ရတော့
Papa Park လည်း မျက်မှောင်ကုတ် ကာ
အလိုမကျသလိုကြည့်နေသည်။

Park လူကြီးမင်းတစ်ယောက်
တခုခုပြောဖို့ပြင်လိုက်ပေမဲ့
ဘေးနားကိုရောက်လာပြီး
မျက်နှာရိပ်ပြ တားလိုက်တဲ့ ဇနီးသည်ကြောင့်
နောက်ဆုံးတော့ဘာမှမပြောလိုက်နိုင်။