°•صراعات بحر الحياة•°
♤بقلم:جون سان&وجدان♤
فاحد كلوارات مستشفى دار الصحة اللي كيتواجد فمدينة مكناس وكيتعتابر من اغلى المستشفيات في مدينة مكناس ومعروف بأطباؤ المتميزين والعناية لي كيتلقاوها المرضى الماكثين تما......كانت غادة بلباس التمريض وفيديها بلاطو عامر بالادوية وليباري ...وقفات قدام احد غرف العناية المركزة ....
وقبل مدخل ركبات قفازاتها ودارت كمامتها ....حلات الباب ودخلات متوجهة للسرير لي مستلقية عليه مرأة كبيرة فالسن وعينيها مغمضين وصوت انفاسها مع دقات قلبها كياسمعو فالجهاز مخليين الصدى فالغرفة
حطات البلاطو فوق واحد الطبيلة صغيورة كتواجد حدا راس المريضة ...هزات منو ابرة ودكاتها فالسيروم راقبات صحت المريضة وعطاتها ادويتها اللازمة ....تنهدات ورجعات هزات داك البلاطو وخرجات ...توجهات للبلاصة التعقيم حطات البلاطو تما ومشات فاتجاه الغرفة المتخصصة بالتبدال ...
دخلات وحلات احد الرفوف المتواجدة تما ...حلاتو وهزات حوايجها لبساتهوم وحطات الاخرين فساشي باش تديهوم يتصبنو ...هزات هاتفها كتشوف شحال الساعة ...كانت 6 تنهدات بتعب ...كتحس بالعيا ....هزات صاكها وخرجات من تما ....شدات طاكسي وتوجهات نيشان للمنزل المتوسط ديالهوم المتواجد فاحد الاحياء الشعبية .....
دخلات لدار سلتات من رجليها ولبسات خف ديال دار علقات صاكها وزادت داخلة لداخل سمعات صوتهم فلبيت تاع لكلاس وتوجهات نحيتهم.....باست لماماها يديها وسلمات على بنت خالتها وكلسات نطقات بنت خالتها
زينب: كي ضليتي ليوم معا تمارة..
ثوريا: اوا هاني يختي لعيا لا بد منو ..
زينب: وا يه لابد اوا سيري بدلي عليك وأجي نحط ليك تاكلي ..
زينب: شكرااا بزاااف سمحي ليا عدبتك...
زينب: اويلي مبيناش ...
ستأدنات ومشات لبيتها بدلات عليها جمعات شعرها لفوق باش ميعنكشهاش وخرجات كلسات حداهم كتاكل فهدوء حتا ضربات ليها فراسها وضارت تسولهم...
ثوريا: فين هوا ياسين مباليش حتا فلحومة...
زينب : كوراه تاني مخشي فشي قنت معا دراري كيلعب كورة...
حليمة الام: بلحمار لاخر ملي جا معا 4 من لمدراسة وهوا دالح وشويا ويدخل باك وميلقاه اطلينا...
ثوريا : عيق امي عيق قرايتو ولا هاملها وقاليك بغا اتقيد فنادي لي بغاو اديرو جديد فلحومة لور لبعااابع هوا مبغا يقرا وبغاني نقيدو...
حليمة: الله اهديه ابنتي الله اهديه....
ثوريا: نوضي ازينب يالله معايا نشوفو ليوم ياكل قتلة من عندي....
#يتبع🍁
