بي هولاندا وبضبت في مدينة أمستردام وفي أحد الاحياء الراقية متواجد أحد النوادي لتدريب كرة القدم ......واقف بجسمو الرياضي ولونو حنطي عاطيه رونق جميل.....
ملامحو شقرين وصارمين واقف وشمس عاطيا لجسمو لمعاان خاص عيونو ميلين للبني بفعل اشعة الشمس لمنورة لحة كتيفة على وجهو عطياه جماال خاااص بيه....بين رجليه كورة لي كيجونكلي بيها ويلعب بيها بحتراف.....تكونو فجبينو بعض قطرات العرق مما كيدل على سخونية الحال....
حبس اللعب ملي سمع خطوات الشباب لي كيدرب بيهم هز لكورة بين يديه ووقف عاطيهم بضهر وكتافو لعراض كيبينو هيبتو....
تستفو وراه بلباسهم الرسمي تاع التدريب لي كلو بلون اسود....ضار عندهم عاقد حواجبو ونطق ببحة فصوتو
ضرغام: ليوم غادي تخدمو لي ميسكل خص داروري تحكمو بيهم لمدة طويلة مخصكمش تعياو دغيا باش لخصم ديالكم ميلقاش فيكم لفرصة....غوت باش كلشي اسمعو...مفهووووم
الفريق كلو فدقة: مفهوووم كابتن....
ضرغام هز صفارة لي فعنقو ودارها بين شفايفو وصفر بيها عاد نطق: يالله بدااااو
تمشاو اللاعبين للملعب يدربو ويديرو تسخينات ولي تطلب منهم.....رجع بخطواتو لور وكلس فوق كرسي وهز قرعة دلماء شرب منها وخوا منها على راسو باش ابرد عليه.....مسح شعرو من الماء ووجه نضراتو لحادين للفريق....باغي يوصل بيهم لقمة باغي ازيد لقدام ويعطي كتر من هادشي.....
شخصيتو حادة ومزاجية صعيب تفهم اش تحت راسو ...يقدر يهدر معاك وفنفس الوقت كيحلل ويخطط فعقلو ....شوفة فعينيه كتخلي جسمك يرجف لا اراديا ...لما لا وهوا كتاسبها من المرحوم باه لي كان صارم ولكن حنين فنفس الوقت.....هوا من اب مغربي وام تركية رقيقة القلب وطيبة... مزيج جميل عطا شخصية قاصحة وهادئة فنفس الوقت.....
قطع تركيزو صوت كعب حداء السكريتيرة لي وقفات جنبو بلباسها العملي المثير ونطقات
