ياسين:احسن مغادي دير...قالو بلي المدرب لي غيجيبو مشهور و واعر وصارم وعلى يديه دازو فرق متفوقين وهوا مزال فسن صغير كنضن شي 32 سنة لي عندو
اشرف: صافي مشات انا غنمشي نتقيد ليوم نيت
ياسين: واعليه
مسافة الطريق وكان قدام باب كبير ديال الليسي ......شي داخل يقرا شي كيتسنا صاحبو ولا صاحبتها ...شي مجمع ماعلابالوش بلي راه وقت الدخول ....حنا راسو ودخل مصمم انه يقرا ويوفي بالوعد لي عطا الختو .....توجه للحراسة العامة باش يطبع عاد يدخل بحكم مدة باش مجاش للمدرسة ......
وقف كيتسنا الحارس العام تايجي .....كان متكي على الحيط ومراقب بعينيه باب القسم لي كتقرا فيه هي كيتسناها تبانلو ....توحشها وتوحش صوتها ...رغم انها كتكبر عليه شي مرات وكتقردو ..
الا ان حبو ليها كيخليه يتغاضا على بزاااف ديال الحوايج ...شاب قدو من الطبيعي يكون داير علاقة يدوز بيها الوقت ...لكن ياسين من نهار شافها قلبو دق ليها واعد راسو يبقا معاها تا يتزوجها الا كتاب وميتفلاش عليها ...باش ميجيش نهار ويتفلاولو على ختو ...قرر يمشي معاها بنيتو وقلبو ......
بقا مراقب بعينيه حتا بانتلو وقفات قدام باب القسم هي وصاحبتها كيضحكو ويسلمو على الدراري لي كيقراو معاها ...كمش على ايديه بعصبية ...تنهد كيمسح على وجهو...ورجع شاف فيها مرة اخرى ....كانت شابة فعمر الزهور ...
زوينة وانيقة فلباسها .....طالقة شعرها الاشقر الواصل للخصرها على راحتو ولابسة سروال كحل مع كبوط حمر بالكمايم خاشياه فالسروال وسميطة صغيرة .....وفرجليها سبرديلة بيضة مع طابلية بيضة بلا كمام وصاك كحل ....حنحن بشوية وعيط بصوت مبحوح باسمها الشيء لي خلاها ضور وشعرها يتحرك معاها ويبانو ملامح وجها الزوينة
مشات ياسمين رجعات للقسمها وهو رجع كيتسنا الحارس العام تا يجي ......وبعد مدة ديال الانتضار بحكم الحارس العام مكيجي تا كلشي كيدخل يقرا والساحة كتخوا ....جا الحارس وفيديه السوارت ديال الباب دالبيرو ظيالو ...حل ودخل وفنفس الوقت كيدوي مع ياسين
الحارس: حيد الكاسكيطة اسي محمد ......راك داخل تقرا
ياسين: هانا العربي هانا ....حيد الكاسكيط ووقف قدام العربي (الحارس العام) كيتسناه يعطيه الورقة
العربي: علاش مكنتيش كتجي اولدي ....اه ولا تاني مرشقاتش ليك ...ولش ماباغيش تقرا مرمدتي ختك معاك اولدي الله يرد بيك
ياسين: الا راه غير كنت مريض ....والله سول ختي لا متقتيش
العربي: باينة غا من داك الضرابي لي فوجهك ...ياكما دابزتي مع شي حد تاني
ياسين: ابا العربي قصة طويييلة دابا غا طبعنا الله يخفضك قبل ما تجري عليا عاود ديك العربية على صباح ......
بقا هو والحارس العام فالهضرة والاسئلة وبعد مدة عاد خدا الورقة ومشا فاتجاه قسمو ودخل يلتاحق بالحصة ديالو....
#يتبع🍁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
