بين ثنايا الضلام كالس بجسمو لي مرتاعش بالبرد ووجهو تورم وواحد العين بدات تنفخ بكترت الضرب لي تعرض ليه مركز فنقطة وحدة..... ولا دمعا طاحت من عنيه فقط كيستوعب هاد الشيء وزادت نقطت الحقد والكره كبرات فقلبو جيهت باااه.....
اه باااه باااه لي محاسش بيه باه لي قامعو وعمرو بين ليه شويا من لحنان ديالو فدنيا.....كنبغيو واليدين لي يشدو بيدينا ويساندونا واب لي يكون هوا الحامي ديالنا ولكن للاسف ياسين مشاف غير القمع من عند باه....
فوق منو وفشرجم واقفة كطل عليه ودموعها محابسينش بقا فيها خوها لي دافع عليها وفالاخير صدق هوا لي خايب فطريا الاخوة هيا هادي وخا صغر منها الا انه كيبقا راجل وميقبلش شيء على ختو .....قلبها كلاها عليه وهوا فبرا ولبرد وملابسش مزياااان تنهدات وضارت عند زينب ونطقات
ثريا: شوفي ليا اختي واش نعسو بغيت نزل ليه ما يلبس
زينب : واخا وجدي نتي انا نمشي نشوف
داكشي لي كان هاديك كتوجد ليه صاك ولخرا خرجات تشوف واش نعسو
عند لالة حليمة وسي حسن لي مقدراتش تسكت وهيا كتشوف طرف من كبدتها خارج فزنقة وبوحدو وليل واخا ولد وكيبقا راجل الا انها خافت عليه.....
حليمة: حشومة هادشي اسي حسن كبدتك هاذاك لي جريتي عليه ولدك زعما حرام عليك حراااام شويتيني فولدي ...اهىء اهىء ...فين ايعطي بالراس وعندمن ايمشي ....والبرد فالزنقة ...
حسن: سكتينا ياهاد المرة من نكيرك ولا اتخرجي تبعيه خليه يتربا ...مزياااان تقادو الكتااف ولا يجيب الشكاوي للدار ولاو يلعنوني فتربيتي ليه قليل الترابي....."ضار عندها كيشوف فيها وخرج عينيه فيها ...قرب وجهو من وجها ونطق بكلام جارح وياريتو منطق بيه"
كلشي بسباك نتي ...نتي لي مفششاه ودايرالو الخاطر تفو عليك وعليه الله يخليها طاسيلة .....محلتي للزنقة ولا منين نجي نسمع هاد الكلام الله يخاد فيكم الحق
كلمة الله ياخد فيكم الحق بدات تردد فمسامعها واش صاف ردلها اللومة هي ...هي لي صبرات على هبالو وكفحات معاه تا كبرو الدراري ليوم كيطلب الله ياخد فيها الحق ....
ضارت ببطىء وكلسات فوق السرير بحكم كانو فغرفتهوم ...كلسات وحطات راسها بين يديها ودموعها دايزين على خذها لي بداو التجاعيد يترسمو فيه بحكم سنها لي بدا يكبر .....
نطقات بصوت مخنوق وغصة فقلبها: ولدي مدار تاحاجة غلاط ...ولدي دافع على ختو ...ولدي راجل وسيد الرجال ...وانا لي ربيتو ورافعة راسي بتربيتو والحمد لله ....ولادي عمرهوم هبطو براسي ومزال الزمان يجي وفرجك اسي حسن وتندم على كلامك
حسن: سكتي براكة ...صوتك منسمعوش وحسك ميتسمعش ضريتيني فراسي تفو على تريكة دالويل والى مشيتي تا حليتي داك الباب ولا عتبتي برة متلومي غا راسك .....
تلاح فناموسيتو وضار عاطيها بضهر طفا الضوء ونعس مخليها كالسة فداك الضلام وقلبها يتقطع على ولدها وعلى الهضرة لي قال
اااه قلب الام شحال حنين وحضنها شحال دافيء .....واخا يوقع لي وقع واخا تكون نت الغالط كتبقا فعينين ميمتك ملاك .....كتبقا ولدها الصغير مهما كبرتي وشرفتي ودرتي ولادك ...فعينيها كتبقى داك الطفل الرضيع لي هزاتو اول مرة وحنات عليه .....
لالة حليمة متقلقاتش من ولدها بالعكس فرحات بيه وبالتصرف لي دار واخا تجرحات من كلام رجلها حسن لكن مهمهاش الامر ولا حتى كلامو لي قال همها الوحيد هو ولدها لي بق فالزنقة اش غاياكل واش غيشرب وفين غيمشي وفين غيبات واشنو غيوسد وباش غيغطا والسمرة والليل ..
والى تعرضولو شي شماكرية وضربوه وتعداو عليه اشنو غادير ديك الساعة ....تنهدات تنهيدة خارجة من قلبها مصحوبة بدموع قهرة وحسرة على ولدها وبحر من الاسئلة والافكار كيضاربو فراسها ......مشات لبلاصتها جنب راجلها حسن تخشات وهي مزال كتبكي.....وفقلبها كدعي ربي يحميه ويحفضو من كل شر ....
نزلات زينب كتختل بالحس طلات وباليها الضوء طافي وطلعات عند.ثوريا تقولا ليها....جمعات كل لي يحتاج فساكادو ولبسات فرجليها وغير قالت ليها زينب شكاين نزلات بلحس باش ميسمعوهاش....
وصلات لباب وحلاتو بشوية وخرجات لقاتو مكمش على داتو من لبرد جبدات تجاكيط من ساك ودارتا فوق كتافها وغير حس عليها هز فيها عنيه تحنات عندو وحطات يديها على حناكو
ثريا : خويا لحنين متقلقش من بابا عافاك ...
ياسين: لا اختي لا باك قلل مني وبزااف معاطينيش لقيما لي عاطيه انا....
ثريا: الا اخويا متقولش هكدا را هوا غير خاف عليك وتعصب وقال هكاك.....
ياسين ضحك بفقصة لي فصوتو: ماشي اول مرا اثريا ماشي اول مرا بغاني نخوي دار اوا يرتاح عمرو اشوف وجهي مزال انا غنمشي فحالي بمرا....
#يتبع🍁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
