♤صراعات بحر الحياة♤
°•بقلم:جون سان&وجدان•°
شرقات شميسة معلنة على صباح جديد باحداث واقدار جديدة .....كانت ناعسة وشعرها الحريري مبعثر على الوسادة ...سمعات صوت المنبه ....مدات يديها من تحت الغطاء وهزات هاتفها بين يديها حلات عويناتها الزمرديتين بتثاقل ...تفوهات وشافت الساعة .....
ناضت من بلاصتها نيشان للحمام دارت روتينها ككل صباح وهباطت عند ماماها للكوزينة .....كانت هابطة فالدروج تا سمعات صوت باها ومها فالكوزينة الشيء لي خلاها توقف مصمرة بلاصتها
حسن: اوا الالة هاد بنتك شهراين وهي خدامة وعمرها حطات المصروف....
حليمة: الله يهديك اسي حسن علاه شكون كيعطيني باش نتقدا ونجيب اش خاصنا.....
حسن: اوا الالة تانا خاصها تعطيني حقي راني باها خاص ندوق فلوسها واخا تعطيني غا 20 درهم .....
حليمة: اسي حسن مالك قاصح هكا مع ولادك غير تزيد تولف الخدمة راه مغتنساكش وزايدون راه هي هازانا وهازا خوها....
حسن: نتي لي مضسراهوم نتي الله يغبر ليكم الشقف تريكة ديال الويل تفو ....ناض لبس سباطو وخرج ...وحليمة تنهدات وضارت تكمل شغالها .....
واقفة ودموعها فطرف عينيها ...شنابفها المورضين كيترعدو .....كانت كاتمة شهقاتها .....محسات على راسها تا رجعات للبيت كتجري ...
شدات الباب وطلقات العنان للدموعها ....مخلياهوم يهبطو على راحتهوم ......محسات الا بيد تحطات على كتفها خلاتها تهز عويناتها المدمعين
زينب: ثريا ...مالكي اختي ياك لباس اشنو بكاك على الصباح...
مسحات ثريا دموعها بطرف كمها ونطقات وهي كتنخصص:اهىء انا عييت من هادشي اهىء حرام عليه ....ياك انا بنتو وعلى قبلهوم نضت كنخدم ....
خرجت من القراية باش نوفر ليهم لي بغاوه .....تا من الكرا انا لي كنخلصو .....هازا الدار بماكلتها وبشرابها ...
فالاخير نسمع بابا كيقول بلي انا عمري عطيتو ريال ....كان كيسحابلي الى هزيت الدار انحيد عليه الحمل ويرتاح ...صدق طامع نعطيه تاهو اهىء اهىء .....
هبطات راسها كتنخصص بصوت مبحوح .....زينب لي كانت واقفة كتشوفيها بعينين دامعين ...عنقاتها فحضنها وهي كتحسر على حالتها .....سمعو صوت حليمة لي كتنادي خلاتهوم يقفزو بزوج
مسحات دموعها وناضت غادة للحمام غسلات وجها وخرجات ...لقات زينب مزال واقفا بتاسمات ليها ونطقات...
ثريا: هادشي علاش بغيت خويا يقرا ازينب ....باش اي حاجة بغاها يلقاها موجودة وميسمعش الهضرة لي تجرحو بحالي....
زينب: الله يدير الخير احبيبتي ....خلينا نهبطو نفطرو ...
هبطو بزوج بيهم للكوزينة .....كلسو فصالة مونجي لي كاينة تما ....وباشرو ففطورهم بصمت ......فاق ساخط على الوضعية ....وكرشو كتغوت بالجوع بحكم نعس بلا عشاء ....تنهد وهو مكفر ....غسل وجهو وهبط .....كلس حداهوم وهو كيخبط فرجليه .....كب كاسو داتاي وهز المسمن كيفطر ....ومرة مرة كيهز عينو فثريا .....
ثريا: غير قول اخويا اش بغيتي راني حافضة دوك الشوفات....
ياسين: ختي من الاخير ....بغيت ندخل للنادي ...كنواعدك اندير داكشي لي بغيتي ونوفق بين قرايتي والنادي....
ثريا: تنهدات وهي كتشوفيه ......كيف ما كان الحال هذا خوها متقدرش ترفض ليه طلب هزات كاسها داتاي رشفات منو اخر رشفة وناضت غادة وقبل متخرج من الكوزينة نطقات: وجد راسك ولبس حوايجك باش نمشي معاك تقيد .....
ابتسامة عريضة ترسمات على وجهو وعينيه بداو يبريو من الفرحة .....بلاما يشعر ناض غادي لبيتو كيجري .....خلا حليمة وزينب كيضحكو
حليمة: اجي بعدا كمل غا فطورك
ياسين وهو غادي كيجري: بلاش امي تانرجع .....
طلعات لبيتها لبسات حوايجها وقدات حالتها .....وهبطات ..لقات خوها واقف ومعاه زينب كيضحكو ....بتاسمات ....ووقفات حدا خوها ونطقات
ثريا: مشينا...
ياسين: مشينا هههه....
خرجو من الدار وخشات يديها فدراع خوها ومشاو بزوج وانضار زينب عليهوم ......
#يتبع🍂
