واقف بجسمو لعريض فالمطبخ قدام لاماشين دلقهوة اسبريسو وتيلي فيديه كيخنشش فيه مركز فاش كيدير حتا سمع صوت الالة وقفات هز لكاس ديالو وتم خارج لصالة وكلس وربع رجل فوق لخرا وتكا بجسمو فوق لفوطوي لي تم .....من بعد ما قطع لبي لي بغا....دخل لبلاصت لابيل ودوز لخط لمو....
فالمغرب كانت كالسة بكل اناقتها واخا جنسيتها تركية الا انها دات على العدات المغربية لابسا قفطان بدفينتو وشال على راسها مخليا بعض الخصلات باينين......
سبحان من صورها اسم على مسمى تولاي وهو ضوء القمر الخفيف ووجها مضوي كيف لقمرة ملامحها شقراء كيف ولدها وعويناتها عسلين يخليوك تهيم فشوفتهم.....
هازا فيديها فنجان شاي وكتقرا فالجريدة لي فليد لخرا حتا سمعات رنت الهاتف.... حطات الفنجان وهزاتو بين طرحت يديها وغير قرات الاسم توسعات ابتسامتها فرحا....
تولاي: ولدي حبيبي توحشتك....
ضرغام: كيف دايرا صحيحة مزيانة ياكما ناقصاك شيء..
تولاي: لحمدلله اوليدي مزيانا نقصاني غير شوفتك اكبيدتي....
ضرغام: لا الحنينة ولكن عندي غير شي شغل نقضيه ونرجع بحالي....
تولاي: ايه اوا الله ارضي عليك الكبيدا ديالي....
ضرغام: امين اميمتي رضاك لي راه واقف معايا......
قطع معاها وخدا اخر رشفة ليه فالكاس وداه لكوزينا حطو فالبوطاجي وتوجه لبيتو وتلاح ففراشو ماهيا الا دقائق حتا غط فنوم عمييق
~~~~~~~~~~~~~~~~~~~~~~~~~~~~~~~~
طلعات ثريا للبيت ترتاح دخلات لقات زينب هازة بيسيها كتخدم شي حاجة .....دخلات نيشان للبلاصتها تكات فيها وشردات بذهنها للموقف لي دار خوها متنكرش انه عجبها كفاش دافع عليها هي وزينب رغم انه صغير عليها الى انه تبت غيرتو على ختو وخلاها تحس بالامان ....تنهدات وافكارها سارحة بيها للبعيد ......
اصوات انفاسو مسموعين فارجاء غرفتو كيحس براسو تشمت من صاحبو مزال متسرطاتلوش كفاش كيضسر على ختو و بنت خالتو تنهد بصوت مسموع وكلس فوق سريرو شاد راسو بين يديه ....
دازو دقائق معدودة ...كل واحد فاش كيفكر .....سمعو صوت الغوات جاي من لتحت الشيء لي خلاهوم يطفجو من مكانهوم ويهبطو كيجريو يشوفو اش واقع.......هبطو واحد مور واحد لقاو سي حسن واقف كيغوت وكشاكشو خارجين وحليمة كتهدن فيه ....
بمجرد ما لمح ياسين دفع حليمة تا ختل توازنها وطاحت مشا فاتجاهو محس تا جمعها معاه بتسرفيقة خلاتهوم يشهقو على اثرها
#يتبع🍁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
