°•صراعات بحر الحياة•°
♤بقلم: جون سان&وجدان♤
داز لوقت ووصلو قدام بناية كبيرة تحدتو معا لعساس ووراهم فين يمشيو....دخلو لمكتب دلمدير وعمرو لوتائق المطلوبين وكملو وخرجو بجوج وياسين فرحان بلي دارت معاه ختو.....
ياسين باس ليها على راسها: شكراااا شكراااا بزاااف الخوادريا خيرك عمري نساه
ثريا: مدرت غير لواجب ولكن ياويلك وتخلي قرايتك منرحمكش....
ياسين : لا غير رتاحي غادي نعطي لكل حاجة حقها...
ثريا: يالله زيد نشد ليك طاكسي ونمشي انا لخدمتي
ياسين :واخا الحبيبة ديالي
بقاو كيضحكو حتا وقف طاكسي وركبات خوها وتبعاتو بعينيها حتا مشا من بعد شيرات هيا لواحد اخر وركبات توجهات لخدمتها.....
وصل لحومة فرحااان و لقلوبة خارجين من عنيه غير كسفرنس هههه هوا عكس طبع ختو هيا حنينة وهادئة ورزينة ومكدخلش فأي حاجة لا بلعكس كدخل فلحاجة لي كتقيصها فقلبها وصبارة مي الا فاتت حتا تعصباات كتولي غير كتهضر .....
اما هوا مفروح لي على قلبو على لسانو وفرحتو بلحاجة واخا بسيطة كيعبر عليها ومتغير لمزاج دغيا كيتعصب ودغيا كيضحك وينسا.....غادي حتا وقفو واحد من صحابو لي قاليه على نادي...
الولد: افين فين كنتي اصاحبي دزت عندك ملقيتكش...
ياسين مشيت غير تقيدت فالنادي لي قلت ليك....
الولد: وايلي وافق ليك باك....
ياسين : لا لخوادريا لي دخلاتني....
لولد : وايلي اوا اسيدي سعداتك بيها .....
ياسين: ايه يالله نخليك......
مشا فحالو خلا من وراه علامات تعجب فملامح صاحبو وزاد ممسوقش....
حطها طاكسي قدام المصحة وخلصات وزادت داخلا ولبتسامة فوجهها كضحك معا هادا وهادا وكل لمرض لي كيدوزو على يديها كيبغيوها كتشد لخاطر لكلشي....دخلات لمكان لي كيبدلو فيه حوايجهم....بانت ليها صديقة ديالها كالسا وعاطيا بضهر وباين كدير شي حاجة....
ثريا: امولتي عاد جيتي.....
ضارت عندها حانيا راسها على صاك ونطقات : اه اصاحبتي عاد دخلت....
ثريا وهيا كتسلت عليها باش تالبس ملابس لخدمة:اوا غير هزي راسك مالك اصاحبتي...
امل: هممم لالا والو غير كنقلب فصاكي....
ثريا لي كملات وكتعقد شعرها لي جمعاتو وتمشات جيهتها كلسات وشدات صاك من يديها : علاش كتقلبي انا نشوفو ليك ...
