على اثر ديك تسرفيقة خلاهوم يشهقو مصدومين اول مرة ايهز يديه على واحد من ولادو ....عينيه كانو معميين وهضرة وحدة لي كدور فراسو "سي حسن مسحابش ليا ولدك ممربيش تعدا ليا على ولدي وخلاه كيشرشر بدماياتو الله يخليها تربية تفو يا ايما اتدوي مع ولدك ولا انا لي عارف شغالي معاه" .....
خلا صبعانو مطراسيين فحنكو ...ساد الصمت تاحد ماقاد يدوي او يتكلم ...كانو مراقبين اش واقع او بالاحرى كيحاولو يستوعبو اشنو وقع .....سمعو صوت ضحكاتو ....
بقا غادي وكيجهاد للحضة سحابهوم تخلخل فدماغو .....دار كيشوف فباه بعينين حومر مغطيين بطبقة من دموع دموع رجالية .....دموع شاب فمقتبل عمرو كيشق طريقو باش يحقق احلامو ....
حس بغصة واقفة فحلقو ....بلاما يشعر هز يديه مسح على وجهو .....تنهد تنهيدة طويلة ضار باش يطلع تا عاود جرو حسن بجهد وشنق عليه
حسن: دوي المسخووط وليتي تجيبلي شكاوي ابل الحمار ... دوي ولاو ينعلوني بتربيتي ليك ....ولكن عندهوم صح انا لي طلقت ليك اللعب البهيمة .... اما الحمار كيبقا غا حمار .....
زادو تسرفيقة تانية وتالتة ورابعة .....بقا كيضرب فيه ويسب ...اما ياسين فكان واقف مهدن بدون رد فعل ....دفعو تا طاح فالرض وحيد سمطة ديال السروال ....على اثر هاد الحركة شهقات ثريا خايفة على خوها ...
مشات كتجري تلاحت على باها كترغب وتزاوك لكن ما من مجيب دفعها تا طاحت حدا حليمة ....عاودات ناضت غادة فاتجاهو .....
شد ياسين من كول الكبوط لي لابس وجرو غادي بيه مدخلو للصالة ....دخلو ودفعو لا حو وبدون سابق انذار تلاح عليه بالضرب بديك السمطة ....كان كيضرب بحر جهدو .....
وياسين كالس بدون حراك ...كيحس بالداخل ديالو تحطم وتهرس ....هو دار هادشي على قبل ختو ولي كتعتابر شرفو اي ولد كيفما بغا يكون كان ايدير نفس الشيء لي دارو ياسين .....كيحس بدوك الشحطات كيختارقو جسمو وروحو فنفس الوقت محس على راسو تاناض ودفع باه بحر جهدو وغوت فوجهو تا عروق وجهو وعنقو برزو .....عينيه حمارو ودمعة حارة هبطات من عينيه ....
