العروس الهاربه

البارت الاول

عندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....

💥سليم:شخصيه عفويه وبسيطه من عائله متوسطه يبلغ من العمر29سنه ويتسم بالوسامه ذات العيون البنيه والشعر الاسود الناعم وهو يعمل دكتور في مستشفى
💥مريم:شخصيه مرحه ودائما تضفي علي المكان المرح ذات العيون الخضراء والشعر البني تبلغ من العمر 25سنه وهي اخت سليم الصغري تعمل كمصممه ديكور
💥يارا:شخصيه مرحه وعفويه مع الاخرين من عائله غنيه ولكنها تكره الحياه التي تعيشها،ذات العيون العسليه والشعر البني الداكن متوسطه الطول تبلغ من العمر24سنه،سلمي صديقه يارا وهي في نفس عمر يارا ولكنها تكبر عنها ببضعه شهور
💥عادل:يكون رجل اعمال كبير ومشهور وتكون يارا ابنته الوحيده يبلغ من العمر55عاما وبعد وفاه مراته بسنين تزوج مره اخري هو شخصيه جديه تفضل العمل علي كل شئ اخر
💥امل:مرات عادل وتبلغ من العمر 48عاما وهي تعشق المظاهر والاموال ومظهرها امام اصدقائها ولاتهتم الأ بهذه الاشياء ولديها ثلاث ابناء بنتان وولد من زوجها السابق وهي لاتحب يارا ولكن تظهر لجميع العكس وانها تهتم بها
💥ساره:ابنه امل الوسطي وتبلغ من العمر 20عاما وهي تشبه مامتها كثيره وتغار من يارا تدرس حقوق
💥حور:الابنه الاصغر وهي شخصيه لطيفه ومرحه تحب الاخرين لاتشبه مامتها ومتعلقه ب يارا وتحبها كثير تبلغ من العمر19عاما تدرس الطب
💥هادي:الابن الاكبر لامل يبلغ من العمر25عاما ويعتبر يارا اخته الصغري وصديقته وهو خريج اداره اعمال ويساعد عادل في شركاته
💥امجد:رجل اعمال مشهور ولديه شركات كثيره يبلغ من العمر30عاما وهو شخصيه جديه ومتقدم لزواج من ابنه عادل يارا
💥امير:يبلغ من العمر٢٥عاما شخصيه جديه ممزوجه بالمرح والعفويه طويل القامه ذو العيون العسليه والشعر البني والبشره القمحيه الفاتحه وهو دكتور بالجامعه ويعمل أيضا في شركه العائله ويساعد زوج عمته هدي "ماهر" علي ادارتها
💥هدي:شخصيه هادئه وطيبه تبلغ من العمر٥٥عام تعتبر اولاد إخوتها اولادها هي لأنها لم تستطع أن تنجب فأصبحت ام لهم فينادوها بماما بدل عمتي
💥زينب:شخصيه حقوده تكره اولاد اخوها الأكبر وهم سليم ومريم كانت تريد تزويج ابنتها ياسمين بسليم عشان الثروه وأملاك العائله تبلغ من العمر٥٢عاما
💥مي:اصبحت صديقه حور المقربه بعد انتقالها وهي شخصيه هادئه وطيبه
                         ............
من مابين تجهيز الجميع لجواز يارا وفرحها اللي نهايه الاسبوع،حور بعفويه:عروستنا الحلوه قعده لوحدها في اوضتها وسايبه الكل تحت ليه
يارا بتنهد:حور انتي عارفه كويس ان الجوازه ديه مش بارادتي وان بابا غصبني ان اوافق او يمكن وافق من غير ماياخد رأي اصلا
حور بنبره خافته:يايارا فرحك فاضل عليه اسبوع اعتراضك دالوقتي مش هيفيد وانتي عارفه بابا لما بيصمم علي حاجه مبيغيرهاش وبعدين امجد هتتعودي عليه
يارا بضيق:انا مش بحبه بكرهه مستحيل اقدر اتحمله حاولت اطفشه بقالي 6شهور وهو مفيش فايده بابا موافق علي جوازي منه علي انها فرصه حلوه وانو من عائله غنيه وبعدين انا ليا احلام حابه احققها مش حابه ارتبط دالوقتي ولواتجوزتوا هموت نفسي
حور بتنهد:يارا انتي مضايقه دالوقتي فكري كويس ولازم تجهزي وتنزلي معايا هسيبك تجهزي
يارا بضيق:قومت لبست الفستان ولميت شعري ونزلت ورا حور ورحت قعدت جنبها
عادل بجديه:حبيبتي كل ده تاخير وبعدين تعالي اقعدي جنب امجد خطيبك ولااقولك اطلعوا اتمشوا بره
امجد:لاهنطلع نتمشي بره يلايارا
يارا بضيق:معلش مش قادره اقوم ياامجد وقت تاني اصل رجلي وجعاني شويه
عادل بعصبيه:قومي يا يارا واسمعي الكلام ممكن تقعدوا تكلموا بره
يارا بغضب مكتوم:طلعت معاه وانا بتمني ان انهارده يعدي علي خير بعد مابعدنا شويه لقيته مسك ايدي جامد انت بتعمل ايه سيب ايدي بتوجعني اااه
امجد بجديه:يارا انتي هتبقي مراتي بعد اسبوع والتصرفات اللي بتعمليها ديه متنفعش معايا ومش عايز اتصرف تصرف مش هيعجبك كلامي يتسمع وكمان بعد جوازنا هتسيبي دراستك وموضوع انك تشتغلي ده لانك مش محتاجاهم
يارا بعصبيه:حد قالك اني موافقه علي اللي انت بتقوله مش معني اني هبقي مراتك يعني تتحكم في حياتي ده مستقبلي واحلامي مش هتيجي انت ببساطه تمحيها بورقه هتجمعنا ياامجد انا مش هتخلي عن دراستي او اني اشتغل وتحقق ذاتي انا مش حاجه هتقدر تشتريها وتتحكم فيها وقبل مااكلم لقيت ضربني كف علي وجهي وشدني من شعري انت مجنون
امجد بانفعال:كلامي هيتنفذ ومش هتفتحي بوقك احلامك ديه ادوس عليها بجزمتي ولايهمني ولوصوتك علي تاني عليا مش هكتفي بضربه الخفيفه ديه اعتبريها تحذير ورحت ضغطت علي فكها مفهوم
يارا بالم ممزوج بدموع:مفهوم وراح سابني ومشي انا مستحيل اتجوزك ياامجد حته لوكلفني ايه
.............
مريم بضحك:مابدري ياعم جاي الساعه3الفجر سايبني كل ده لوحدي
سليم بعفويه:كان ورايا شغل يامريم مش بلعب يعني وبعدين ايه اللي مسهرك لدالوقتي
مريم بعفويه:انهارده كنت اجازه من الشغل وقعدت زهقانه كتير فقررت اعمل اكل بتحبه وكمان عملت كيكه امتي بقي ياعم تجوز وسعتها هلقي حد يسليني وقت مانت مش موجود اويمكن ترجع بدري عشانها
سلين بضحك:طيب اسيبك هنا تكملي احلامك واروح انا اكل الاكل اللي حضرتيه واحلي بالكيكه عشان بتعمليها حلو اوعي ماتكونيش سبتيلي جزء منها
مريم بضحك:امممم الصراحه انت اتاخرت فاكلتها كلها لاسف
سليم بنفاذ صبر:اقول ايه مفجوعه مع ذلك مابتتخنيش مش عارف ازاي
مريم بعفويه:قوه خارقه ملكش دعوه عمتا سبتلك جزء منها عشان تعرف اقد ايه انا كريمه يااخويا العزيز
................
بعد مرور اسبوع وخصوصا يوم الفرح،امل بابتسامه مصطنعه:الفستان ياحبيبتي اهو والبنت جايه تجهزك وتعملك الميكب واخيرا انهارده هخلص منك قصدي ها فرح بيكي سوري ياحبيبتي خرجت وسبت الاوضه
يارا بضيق:رحت لبست الفستان والبنت جهزتني وبعد فتره كانت خلصت
البنت بعفويه:اول مره اشوف عروسه زي القمر كده بس في نفس الوقت نقصها حاجه مهمه وهي ابتسامتها اللي مش موجوده
يارا بعفويه:شكرا ليكي بس ممكن تسبيني لوحدي بعد ماسبتني لقيت حور دخلتيلي هاا عملتي ايه
حور بقلق:انا هساعدك تخرجي من البيت يا يارا وده لاني بحبك ومش حباكي تتخلي عن حياتك عشان خاطر شخص انتي متحبهوش حته سلمي مستنيه بعيد عن البيت شويه غيري فستانك ورحت اديتها خمار بنقاب والبسي ده وانا هحاول اخرجك من الباب الخلفي راحت غيرت فستانها ولبست النقاب تعالي طلعنا من الغرفه وقفلتها ورايا بالمفتاح وخدتها وطلعت معاها من البيت لأن الكل كان مشغول وبعد فتره اخيرا وصلنا لسلمي
يارا بابتسامه:رجعت النقاب لورا شكرا اوي ياحور مش عارفه اقولك ايه لقتها حضنتني فضمتها
حور بدموع:اولا مفيش شكر بينا احنا اخوات واوعديني انك هتبعدي عن هنا يا يارا ابدأي في مدينه جديده حياتك متتخليش عن احلامك لاي سبب عايزه اشوفك دكتوره مشهوره بجد مش عارفه هعمل ايه من غيرك ومن غير هادي بس متنسنيش يا يارا وانا هحاول اتواصل معاكي
يارا بابتسامه حزينه:اوعدك خلي بالك من نفسك ياحور ورحت حضنتها وودعتها ومشيت مع سلمي
.............
بعد مرور ساعه وكل الضيوف اتوا،امجد:فين يارا ياعمي اتاخرت كتير حد يطلع يناديها
امل:هروح اشوفها اتاخرت ليه طلعت خبطت يا يارا ملقتش حس فقولت افتح الباب لقيته مقفول فعادل وامجد جم علي صوتي الباب مقفول ومش سمعالها حس
عادل بقلق:تعال ياامجد ساعدني اكسر الباب بعد ماكسرناه لقينا الاوضه فاضيه والفستان علي السرير وعليه ورقه ففتحتها وقريته"انا اسفه يابابا بس انا مش هقدر اتجوز امجد حاولت اشرح كتير لحضرتك بس مفهمتنيش انا مش قادره اتحمل الضغط ده اكتر من كده انا حابه احقق احلامي واكمل دراستي وبجوازي انهارده كان هيتمحي كل ده مكنش قدامي غير اني اهرب او اتقبل الامر الواقع وده صعب عليا انا اسفه مره تانيه حاول تسامحني يابابا"
يتبع
⬅️ملاحظه مش كل الشخصيات المدونه بالاعلي ستظهر اول أو تاني بارت مثلا فيه ستظهر فيما بعد مع الاحداث بس عشان اللغبطه كتبت تعريف الشخصيات كلهم مره واحده⛄❄️