العروس الهاربه

البارت الواحد وعشرون

حور:واللي هي استنيت عشر دقائق فلقيت أن الانوار كلها اطفت والدنيا كلها ضلمه امير بعد شويه الانوار اتفتحت واتصدمت من اللي شوفته أن الكل متجمع وكمان تورته كبيره عليها اسمي
امير بابتسامه:وديه المفاجئه التانيه أنا اللي خلتهم يستنوا لحد دالوقتي وميعيدوش عليكي
حور بفرحه:الكل عيد عليا وطفيت الشموع وقطعت الكيك ورحت سلمت علي جدو وقعدت معاهم
خالد بابتسامه:كل سنه وانتي طيبه ياحبيبتي
حور بفرحه:وانت طيب ياجدو ياحبيبي
خالد بضحكه خافته:اقولك علي سر
حور:قول ياجدو
خالد:هو بالرغم أن امير حفيدي لعبي وشقي حبتين بس هو بيحبك بجد عمره مااهتم بحد بالمنظر ده وانو يعمل اي حاجه ويتعب بالمنظر ده عشان يشوفه مبسوط بس هو عمل كل ده عشانك ياحور
حور بابتسامه:هو قال لحضرتك
خالد بضحك:في الاول مقاليش بس حفيدي وانا اللي مربيه وعارفه كويس بس قالي كل حاجه امبارح وهندور في اقرب فرصه اني اجوزكم وألم حفيدي
امير بضحك:جدو كفايه مدح فيا هفطس سبتك شويه ارجع القيك بتمدح فيا وبعدين منا ملموم اهو مالي بس😅
خالد:لابرضو عايز ارتاح واجوزك واخلص منك لحسن طلعت عيني واللهي خساره فيك حور
امير بضحك:تشكر ياجدو تسلملي ياحبيبي انا حاسس انك بعتني في ثانيه خلاص حور بقت حبيبتك وانا لا مكنش العشم ياحج😂
حور بعفويه:لااتاكد مش تحس خلاص انا اهم منك دالوقتي😜 عند جدو حبيبي صح
خالد بضحك:اه صح ياحبيبتي بجد انتوا رجعتوا الفرحه لحياتي ربنا يخليكوا ليا واشوفكم مبسوطين علطول
...............
سليم:يارا ممكن نتكلم
يارا بعفويه:لا ياسليم عشان ده مش وقته ناجل الموضوع لبعدين عشان ميحصلش حاجه وحد يلاحظ ونخرب فرحه حور وعيد ميلادها جيت امشي لقيته مسك ايدي ابعد عني احسن
سليم بعفوية:أنا عارف انك مضايقه مني ومن حقك بس صدقيني مكنتش اعرف ان عمتي هتجيب هايدي أنا..
يارا:لأنظر إليه مش حابه اتكلم في الموضوع ولاحاول اتجاهله لانشغل معهم وبعد فتره انتهت الحفله ليوقفني مره اخري
سليم:خلصت الحفله وانتي طول الوقت بتتجاهليني يايارا علي أقل اسمعيني
يارا بضيق:بس انا مضايقه ومتعصبه منك ياسليم كان ممكن تديني خلفيه انك كنت مرتبط قبل كده وأنكم انفصلتوا عادي زي ماصارحتك من قبل حته مانتجوز ليه حطتني في موقف زي ده ولاكنت خايف لحسن تفتح الجرح القديم بانك تقولي
سليم:أنا عارف اني غلطان بس لقيتها مشيت واتجهت لعربيه امير
يارا بعفويه:أستني ياامير أنا هاجي معاك
امير:احم انتي عايزه جوزك يولع فيا يا يارا مفضلش أن تعصبيه
يارا:لومليش مكان معاك في العربيه ياامير هوقف تاكسي حلو كده
امير:تمام اهدي اكيد مش هسيبك في الوقت ده لوحدك وفتحت لها باب السياره لتقعد بالخلف جنب جدو
خالد:حبيبتي انتي جيتي معانا ليه انتي وسليم اتخانقتوا قوليلي لوضايقك هقوم معاه بالواجب
يارا بعفويه:لامتخنقناش ياجدو بس هو رايح مشوار وانا عايزه اروح علي البيت فبدل مايوصلني ويرجع جيت معاكم ولاانت مش عايزني ياجدو
خالد:وانا اقدر برضو استغني عنك يامجنونه يلا نمشي ياامير
يارا:كنت قاعده بتكلم واضحك مع جدو ومريم
وبعد فتره كنا وصلنا البيت ومريم خدت جدو وانا كنت هدخل بس امير وقفني
امير:أنا عارف انكم متخانقين بس عصبيه سليم مش حلوه واعتقد انك مجرباها
يارا بجديه:هو اللي خلاني اتصرف معاه كده كويس اوي اني رجعت البيت
امير:انتي بتعاقبيه يا يارا وده براحتك بس بلاش تضغطي عليه جامد الفتره ديه لانه مضايق
يارا بسخريه:بجد وياترا مضايق ليه افتكر هايدي وأنهم سابوا بعض فده فكره بجرحه ياامير وذكرياته معاها
امير بابتسامه حزينه:اممم واضح انك متعرفيش ولاهو قالك بس مش اللي في بالك خالص يا يارا
يارا بانفعال:أنا زهقت كل واحد في البيت ده بيكلمني باالالغاز واني مش عارفه اي حاجه ليه بتحسسوني أن محدش عاني من حاجه غيركم
قطعني بنبره غريبه خلتني اندم علي كلامي:فعلا مش احنا الوحيدين اللي عانينا بس مش كل واحد  عنده قدره أن يتخطي اللي مر بيه ويعيش طبيعي بعد يومين ذكري وفاه اهلنا يايارا فعلا مش ازمه لأن كل واحد اكيد خسر حد بيحبه بس سليم متخطاش اللي حصل من سبع سنين وده كان قصدي باللي مضايقه مش هايدي وانا بعتذرلك عن كل حاجه حصلت وأننا ضيقناكي لدرجاتي يا يارا تصبحي علي خير وسبتها واتجهت لداخل وأغلقت باب غرفتي وشردت في ذكرياتي قديمه فكم يؤلمني ذلك حته لو تجاهلته وحاولت نسيانه وكثيرا لكن لايحدث ذلك
..............
يارا في نفسي:دخلت اوضتي وقفلت الباب بعصبيه اوووف أنا ازاي بقيت كده بجرح اللي حواليا امير بالنسبالي اخويا مكنش يستاهل اني اتكلم معاه كده او اتعصب عليه انا ضايقته بس انا برضو مكنتش اعرف ان ذكري وفاه اهلهم اوف مكنش لازم اتسرع في كلامي واستقل باللي مروا بيه بالمنظر ده أنا خسرت ماما وعارفه الوجع ده كويس مابالي بيهم قومت غيرت هدومي ونمت علي السرير وانا مضايقه وطفيت النور حسيت بدخوله الغرفه بس عملت نفسي نائمه عشان حقيقي مش قدره اسيطر علي عصبيتي اتفاجات انو فتح النور وقعد ناحيه طرف السرير من جهتي
سليم بسخريه:روحي اضحكي علي حد ميعرفكيش يا يارا أنا عارف انك مش نائمه وبتتهربي مني متقلقيش مش هتعصب عليكي بسبب اللي عملتيه انهارده بس مش هنفضل كده
يارا:اتعدلت وقعدت قدامه عايز ايه ياسليم حقيقي مش حابه اتكلم معاك اعتقد اني سالتك وانت مردتش تقولي وسيبتني ومعرفش روحت فين أنا مخنوقه لقيته قرب مني وقطع كلامي بقبله حاولت أبعده بس معرفتش مقدرش انكر انو قدر يسيطر عليا
سليم:بعدت عنها أنا آسف يا يارا مكنتش حابب اضايقك بس مكنتش فاكر أن ده هيحصل بالسرعه ديه متكلمتش لاني مكنتش مهيأ لده ولأن هايدي ماضي وانتهي بالنسبالي من سبع سنين
يارا:كنت بتحبها
سليم:ايوه كنا بنحب بعض بس بعد كده اتضح انها عمرها ماحبتني زي ماكنت بحبها اتعرفت عليها في الجامعه فضلنا علي علاقه مع بعض اربع سنين وبعد مااتخرجنا اتقدمتلها واتخطبنا ست شهور وبعد كده انفصلنا
يارا:وايه اللي ينهي حب اربع سنين وست شهور خطوبه ياسليم ده غير ايه معني علاقتكم
سليم:اممم تمام علاقتنا كان زي اي اتنين بيحبوا بعض مثلا وبعدين علاقتنا اتطورت مع الوقت يكفي الشرح ده ولاحابه تفاصيل يا يارا
يارا بصدمه من صراحته:مش عايزه اعرف حاجه ياسليم😕
سليم بضيق:يارا احنا انفصلنا بسبب موت أهلي وده اللي اقدر اقولهولك دالوقتي لكن بقيه الحقيقه انا مش قادر اشرحها دالوقتي أنا آسف وبالمناسبة انا بعفيكي من وعدك ليا يعني لومضايقه وحاسه أن اللي بيحصل ده فوق طاقتك مش هقدر اجبرك بوجودك معايا يعني الاختيار ليكي
يارا بعفوية:قومت من مكاني ووقفت قدامه تمام حلو انك اديتني حريتي بس عندي تلت اساله قبل مااخد قراري
سليم باستغراب:اسالي
يارا:اول سؤال انت بتحبني فعلا ياسليم زي منا بحبك وحسيت الفتره اللي فاتت ولاكل ده كان وهم وانت لسه منستش علاقتك بهايدي وحبك ليها وكنت بتحاول تنساها بيا،التاني انت بتثق فيا فعلا وحابب أننا نكمل مع بعض ولالا
سليم:يارا انتي عارفه اني بحبك فوق ماتتخيلي ومستحيل استخدمك كوسيله عشان انسي حد نسيه من زمان اصلا وبالنسبه لهايدي هي خرجت من حياتي من سبع سنين واتخلت عني مكنتش بدور غير علي مصلحتها وبس هي بالنسبالي دالوقتي مجرد شخص كان في حياتي ومتكلمتش عن الماضي مش فكره ثقه لاني بثق فيكي يا يارا بس انا مكنتش مستعد لده حاليا لأن بيفكرني بذكريات وموت اهلي والحادثه مش اكتر أنا حابب وجودك في حياتي وبيبقي صعب بالنسبالي انك تبعدي عني بس انا مينفعش اني اخليكي غصب عنك في مكان مختلف جدا عنك كله مشاكل وانا كنت كل اللي عايزه أن اخليكي مبسوطه بس ده محصلش وضايقتك
يارا بابتسامه:مين قالك اني مش مبسوطه وجودك جنبي كفايه عندي ياسليم أنا اضايقت لانك خبيت عليا واتفاجئت بكل ده حسيت اني معدتش اعرفك وطالما الموضوع بيضايقك كده انا مش هفتح اي حاجه تخص الماضي غير لوانت حابب ده وقربت منه ولفيت زراعي حول عنقه تفتكر أن هقدر اسيب حبيبي وامشي
سليم:حاوطت خصرها بزراعي اممم بس دول سؤالين بس ايه هو التالت
يارا بابتسامه:انك متفكرش تخوني ياسليم يعني لما يبقي وجودي انت مش حابه وابتديت تضايق منه صارحني وانا من نفسي همشي وقبل مااكمل كان قطع كلامي بقبله فبادلته إياها
سليم بنبره خافته:بعدت عنها شويه يارا محدش بيزهق من حد بيحبه ولامن وجوده في حياته مهما مرت سنين عارفه ليه عشان بيبقي جزء من حياته مش روتين زي مالناس بتفتكر لابيبقي النص التاني اللي لوبعد الشخص ده بيفضل حاسس بالنقص في حياته ووجع في قلبه وانو حاسس ان مفيش اي حد هيملي الفراغ ده الا اللي بيحبه انتي كده بالنسبالي يا يارا أنا مستحيل ابعد عنك أو اتخلي عنك
يارا بعفوية:أنا ليه مهمه بالنسبالك كده ياسليم يعني أنا طول حياتي مكنتش مهمه في حياه ناس كتير وكمان انت متعرفنيش غير من ست شهور تقريبا
سليم بابتسامه:اممم بصي هو انك تحبي حد أو تفهميه أو يبقي جزء منك مش محتاج سنين يا يارا ممكن لحظات وممكن دقائق وممكن ساعات أو ايام
كفيله أنها تولد لحظات وذكريات بتقوي العلاقه اكتر يا يارا انتي عوضتيني عن الحب والحنان اللي فقدته من سنين حضنك كفيل لما اكون مضايق استخبي فيه من كل مشاكلي ملامحك الجميله المميزه وابتسامتك الحلوه وضحكتك وعفويتك مفيش سبب معين لحبي ليكي أو بالأصح عشقي ليكي يا يارا
يارا بابتسامه:واضح انك اتعلمت تبقي شخص رومانسي ياسليم وبيقول كلام حلو
سليم بضحكه خافته:أنا علطول كده بس انتي اللي ملاحظتيش ده مش ذنبي😅
................
تاني يوم الصبح،هادي:روحت المستشفي لادخل لها في وقت الزياره لاجلس بجانبها لاتنهد أنا عارف انك اكيد سمعاني ياساره وعارف اني غلطت لما بعدت عنك ومكنتش بسال عليكي لدرجه معرفتش انك سبتي البيت صدقيني عمري ماكرهتك كنت حابب اشوفك احسن وكويسه كنت دائما ببقي خايف عليكي يمكن انتي مفهمتنيش وقتها أنا مكنتش عايز نوصل لهنا لامسك يدها ارجوكي متستلميش لازم تفوقي اديني فرصه أصلح اللي عملته واعوضك عن اللي حصل أنا مش هتحمل فكره انك تكوني كده امال مين هتخانق معاه لامسح دمعه فرت من عيني كنتي لازم تكلميني ياساره يمكن كنت هتعصب عليكي وهضايق فتره بس اكيد مكنتش هتخلي عنك لاشعر بااحد يحط يده علي كتفي لالتف فلقيته بابا عادل لاتنهد ولاتجه معه لخارج هي مفيش امل تفوق مش كده
عادل بنبره حزينه:الدكتور قال أنهم عملوا اللي عليهم بس هي مش مستجيبه لاي حاجه هي رافضه الحياه كان كانت عايزه تخلص منها وجتلها الفرصه
هادي بضيق:يعني أنا خسرتها مش كده
عادل:منقدرش نحدد ده ياهادي حاليا
هادي:احم كنت عايز اشكرك علي وقفتك معانا رغم اللي عملته ماما وكل اللي بيحصل بما فيهم اللي عملته ساره
عادل:اللي بيني وبين امل حاجه وانتوا حاجه تانيه ياهادي خليك واثق من ده علاقتي بمامتك انتهت أو يمكن منتهيه من زمان بس انتوا ولادي حته لو مش من دمي ومستحيل اتخلي عنكم يمكن ديه الحسنه الوحيده من جوازي من امل عمتا عارف أن ساره غلطت وغلطها مش صغير بس هتفضل بنتي في الاخر وانا مسئول عنها واعرف ان هدور علي احسن دكتور يباشر حالتها فمتشغلش بالك واهتم بس بالشركه ولاتنهد وبيارا وحور هسالك علي حاجه
هادي:تمام ايه اتفضل
عادل:يارا كويسه يعني هي سعيده بجوازها من سليم ولا هي مقدرتش تتأقلم علي وجودها معاه
هادي بابتسامه مطمئنه:متقلقش سليم شخص كويس جدا وبيحب يارا فعلا وقدر يخليها كمان تحبه وهي كويسه وسعيده معاه وكمان أعتقد أن علاقتهم اتصلحت كتير عن الاول وبقت كان هما متجوزين عن حب
عادل:كويس متعرفش كلامك ده ريحني قد ايه وخفف من قلقي عليها يلا روح علي شغلك
                     ..............
في الشركه،مريم بعفويه:صباح الخير
هادي بابتسامه:صباح النور المكتب نور ياانسه مريم
مريم بضحك:ايوه حسيت كان من غيري مكان كئيب أنا بضيف ليه حيويه ونشاط
هادي بضحك:كفايه مدح في نفسك يامريم واهدي واقعدي ياحبيبتي وراكي شغل اقد كده عشان تبقي تقعدي في البيت الفتره ديه كلها تاني
مريم بصدمه:ايه الملفات ديه كلها يامفتري
هادي بابتسامه:شغلك ياحبيبتي
مريم ببرطمه:ربنا علي المفتري والظالم يارب وحسبي الله ونعم الوكيل في ناس محتاجه القتل😕
هادي:بتقولي حاجه يامريم🤨
مريم بنفاذ صبر:لا هقول ايه ياحبيبي هو سليم مقالكش
هادي بعدم فهم:قالي ايه
مريم:اني مجنونه وممكن ارتكب جريمه قتل دالوقتي كل ده عشان مجتش كام يوم ده شغل شهور مش ايام ياظالم
هادي بضحك علي أسلوبها:مهو ده شغلك زائد عقابك
يامريم عشان تبقي تختفي تاني من غير ماتديني خبر ومترديش علي الرسائل ولاالمكالمات
مريم:بس دول كتير جدا
هادي:وماله قدامك تلت ايام تخلصيهم والقيهم علي مكتبي
مريم:ده انا كده هبات في الشركه عشان اخلصهم
هادي:قومت وقفت قدامها وماله ادينا قعدين ورانا حاجه مفيش ورحت ميلت وطبعت قبله علي خدها وده يعلمك أنك تحرمي تعملي اللي عملتيه تاني ياحبيبتي
مريم:اممم بس انت قولت انك مبدخلش حياتك الشخصيه في الشغل بتعاقبني ليه دالوقتي وانت عارف كنت مختفيه ليه
هادي:تمام أنا مبدخلش حياتي الشخصيه الفكره العقد اللي وقعتي عليه لي الشركه من ضمن شروطه أن لوعندك ظروف وهتاخدي اجازه كده لازم تبلغي المدير واللي هو أنا وتوزعي شغلك علي زمايلك لحد ماترجعي محصلش ده انا حر في اللي ممكن اعمله
مريم بتنهد:منك لله برضو ياهادي ورحت خدت الملفات وكانوا هيقعوا فلقيته بيضحك لحقتهم وطلعت من مكتبه واتجهت لمكتبي وحطتهم وقعدت اشتغل عليهم وانا استشيط من الغيظ اه ياني منك لله😕
.............
يارا بتنهد:قومت الصبح غيرت هدومي وخرجت بره دورت عليه ولما سالت قالولي في غرفته فاتجهت إليه وخبطت علي الباب ففتحلي بعد شويه ممكن نتكلم
امير:اكيد ادخلي فيه حاجه حصلت
يارا بابتسامه:لامفيش كنت جايه اتكلم معاك واعتذر عن اللي حصل امبارح أنا فقدت أعصابي وضايقتك من غير مااقصد بس بجد أنا مكنتش اعرف حاجه عن الحادثه أو حصلت أمتي وكده وانا مقدره أن الموضوع مش سهل أنا خسرت ماما وعارفه ألم انك تفقد حد عزيز عليك
امير بعفويه:أنا مش مضايق منك يا يارا انتي اختي وصديقتي ومستحيل اضايق منك أنا بس افتكرت اللي حصل فاضايقت شويه وفعلا محدش بينسي الم انك تفقدي حد عزيز عليكي بس موت أهلنا مكنش مجرد حادثه وقضاء وقدر يا يارا وده اسوء احساس انك تحسي أن حد حرمك من عائلتك عشان مصلحته
يارا بصدمه:انت تقصد أن حد دبر الحادثه بس اكيد الشخص ده اتعاقب علي اللي عمله مش كده
امير بتنهد:لا متعاقبش لأننا مقدرناش نعرف هو مين بس حصلت مشاكل كتير وقتها لدرجه أن الكل اتهم سليم بأنه هو السبب في موتهم رغم أن ملهوش دعوه بس اللي حصل وقتها الكل بقي يلومه حته وصلت في فتره مريم من كتر ماكانت مضايقه ومتاثره بموتهم هي كمان لامته عمري مافكرت زيهم وده كان سبب المشاكل اللي خلت سليم يسيب البيت
بس انتي كنتي السبب في رجوعه
يارا بصدمه ومحاوله إظهار عكس كده:طيب ليه محاولتوش تدوروا علي الناس اللي ممكن تكون ليها مصلحه بموتهم
امير بتنهد:الموضوع مش سهل يا يارا زي مانتي متخيله احنا فعلا دورنا كتير بس مقدرناش نوصل لحاجه والحادثه بقالها سبع سنين وعشان اكون كملتلك الحقيقه اللي متاكد أن سليم مقدرش يقولها كلها بس لازم تكوني عارفاها لأن عارف أن عمتي هتستغل كل حاجه كانت في الماضي عشان تفرق بينكم وتعمل سوء تفاهم وانا مش حابب اخسر اختي ولااخسر سليم تاني ويبعد عن هنا فهقولك بقيه الحقيقه وسبب انفصال هايدي وسليم واللي كان سبب من الاسباب انو ساب البيت زمان كان.......
يتبع