عادل بجديه:استني ياحور لازم تعرفي حاجه قبل ما تمشي
حور بعدم فهم:واللي هو ايه يابابا
عادل بجمود:لورجلك خرجت بره البيت ياحور ملكيش راجعه هتبقي في نظري زيك زي يارا اللي
قطعتني بابتسامه غريبه:شكرا يابابا علي اللي قولته متعرفش جرحني قد ايه أنا ممكن مكونش بنتك بس اعتبرتك بابا اللي مشوفتوش بس برضو مقدرش اتخلي عن اختي يارا هي كانت كل حاجه بالنسبالي وعارف أنا اللي دعمتها عشان تهرب من هنا وتحقق أحلامها اللي كانت هتنتهي بوجودها هنا
عادل باستنكار:انتي ياحور اللي شجعتيها تهرب وبتعترفي بده ازاي قدرتي تعملي ده فيا
حور بعفويه:أنا اسفه بس انا مكنتش اقدر اشوف حياه اختي بتدمر وانا ساكته يارتني قدرت اساعدها اكتر من كده وهفضل ادعمها يابابا لحد النهايه
عادل بعصبيه:عايز افهم عاملتلك ايه عشان تفضليها عليا هااا ردي عليا ديه حته مش اختك لوكنتي بتعتبريني باباكي فعلا مكنتيش قولتي كده
حور بجديه:مفضلتش حد علي حد يابابا هي اه مش اختي بروابط الدم بس هي اكتر من اختي ومهما يحصل هفضل اعتبرك بابا عن اذنك خدت شنطتي وخرجت بره البيت ركبت عربيتي ومشيت
............
يارا يتنهد:بعد ماسابني وائل اتجهت لكافيتريا جبت قهوه واتجهت لمكتبه لما دخلت لقيته قاعد علي الكرسي وساند رأسه لورا
سليم:حسيت بوجودها من غير ما افتح جفوني يارا أنا حابب أفضل لوحدي
يارا باستغراب:قربت من المكتب وحطيت المج بس انت عرفت منين انو ديه أنا مش حد غيري مثلا من غير ماتشوفني
سليم يتنهد:اممم مش لازم افتح عيني يعني اولا ريحه البرفيوم بتاعتك مميزه وحافظها وكمان محدش بيدخل مكتبي كده غيرك وديه حاجه اتعودت عليها من اكتر من شهر يا يارا ايه اللي جابك
يارا بعفويه:جيت اطمنك علي جدو أن حالته مستقره وجبت معايا قهوه بمان اني عارفه انك مدمن قهوه وممكن بتعدل مزاجك شويه
سليم بدهشه:حقيقي يا يارا عفويتك وصراحتك فظيعه أنا مدمن قهوه في نظرك
يارا:ايوه انت بتشرب قهوه اكتر مابتاكل اصلا فاكر اول مره قابلتك عملت ايه فيك بسببها بس المرادي وصلتهالك سليمه عشان تعرف قيمتي لسه جايه اتحرك فرجلي اتزحلقت وفقدت اتزاني وكنت هقع بس هو شدني من ايدي فمن قوه الدفع وقعت في حضنه كنت قريبه منه بدرجه كبيره حسيت باضطراب في نبضات قلبي جيت أبعد لقيت السلسله شبكت في قميصه أنا في نفسي الله يخربيتك مش وقتك اتفكي بقي
سليم بابتسامه خفيه:سبيها وانا هفكها
يارا باستنكار:انت مبتسم ليه
سليم بعفويه ممزوجه بضحك:عشان انتي غريبه يا يارا متعرفيش تكملي حاجه عدله لآخر يعني جبتي القهوه سليمه وانتي اللي وقعتي
يارا بغيظ:كفايه تضحك عليا ماهو انت السبب من ساعت مقابلتك وبقيت كده انا مكنتش كده علفكره
سليم بضحك:وانا مالي أنا قابلتك وكنتي كده من الاول يا يارا متنكريش ده
يارا بعفويه:بجد ماشي ورحت بعدت عنه علي الاقل ضحكت بسببي لازم تشكرني علي خدماتي بقي الفتره ديه😂
سليم بعفويه:اه فعلا لازم اشكرك لانك غيرتيلي حياتي يا يارا بقيت مش عارف ايه اللي ممكن يحصل بكره بسببك🙄
يارا باستنكار:وانا مالي عملتلك ايه يعني
سليم:قولي انتي لسه معملتيش ايه يا يارا😂 بهزر معاكي يا يارا خدتيها جد ليه شكرا علي القهوه أنا بس انا جعان ايه رايك نتعشي بره ونقابل اخوكي هادي هناك
يارا:معنديش مشكله يلا
...............
حور بضيق:كنت مضايقه من اللي حصل جدا بس انا لازم ابقي مع يارا هي محتجاني كنت بقود السياره وانا بفكر هعمل ايه لحد لما لمحت بالصدفه عربيه مقلوبه وتقريبا حادثه نزلت من العربيه واتجهت لسياره بعد تردد لقيت فعلا شخص جوه العربيه وفاقد الوعي حاولت افوقه بس مفيش فايده انا لازم انقله علي المستشفي اوووف حته مفيش حد يساعدني كسرت الشباك لأن الباب مكنش عايز يتفتح وبصعوبه قدرت أطلعه من العربيه كانت إصابته جامده جبت مايه من العربيه ورشيت شويه علي وجهه فابتدي يفتح عينه بصعوبه ساعدني وقوم معايا بس وانا هنقلك لأقرب مستشفي قام بصعوبه وبمساعدتي وصلته لعربيتي واتجهت لأقرب مستشفي بعد فتره وصلت وطلبت أن حد يطلع يخده ودفعت مصاريف المستشفي فخدوه عشان فحوصات ليخرج الدكتور بعد شويت
الدكتور"هو إصابته كانت جامده فلازم ننقله لعمليات بس مش هينفع ندخله الا بمواقفه حد من عائلته انتي تقربيله ايه
حور بعفويه:أنا معرفهوش ولااعرف حد من عائلته بس لومتعملتلوش العمليه ممكن يروح فيها
الدكتور"ديه اوامر لازم حد يمضي علي الورق قبل ما يدخل العمليات
حور بجديه:خدت الورق ومضيته كده علي مسئوليتي وهفضل مستنيه هنا دخل الدكتور غرفه العمليات وبعد ساعتين خرج هو كويس
الدكتور"اه متقلقيش الحمدلله قدرنا نوقف النزيف الداخلي في الوقت المناسب لو كان اتاخر شويه مكناش قدرنا ننقذه هو بس عنده كسر في زراعه الأيسر وكدمات مش اكتر هيبقي كويس علي الصبح وياريت لوتوصلي لحد من أهله
حور يتنهد:طيب لما خدت موبيله لقيته مقفول ببصمه فمعرفتش اوصل لحاجه فقولت استني لما يبقي يفوق الصبح غفوت علي الكرسي من غير مااحس وفوقت علي صوت الممرضه في ايه
الممرضه"مقصدتش اخضك بس الأستاذ اللي جبتيه امبارح فاق لوحابه تشوفيه
حور بعفويه:طيب خدت حاجته اللي كانت معايا وبعد ماسابتني اتجهت لغرفه وخبطت علي الباب ودخلت احم طبعا الف سلامه عليك والصراحة حاولت اوصل لحد من عائلتك بس موبايلك مقفول وادتهوله وكان فيه حاجات ليه حطتها علي تربيزه جنبه
امير بابتسامه خافته:الله يسلمك انتي اللي جبتيني هنا امبارح صح
حور:اه
امير بعفويه:شكرا جدا يا..
حور بابتسامه:اسمي حور
امير بابتسامه:اسمك حلو ياحور شكرا انك ساعدتيني امبارح وعلي اللي عملتيه معايا عمتا انا اسمي امير
حور بعفويه:اتشرفت بمعرفتك ياامير أنا كده اطمنت انك كويس وسلامتك مره تاني بس انا مضطريه امشي
امير بجديه:لااستني ياحور انتي دفعتي اكيد مصاريف المستشفي ولازم اردلك الفلوس فاديني وسيله اقدر اوصلك بيها عشان ارجعلك المبلغ ياتستني اكلم حد من عائلتي يجي وارجعلك حقك وتمشي وياريت متعترضيش
حور:بس المبلغ مش كبير عادي متتعبش نفسك
امير:معلش ريحيني وافضلي لحد لما يجي
.............
يارا بعفويه:مقولتليش هنتعشي فين
سليم يتنهد:هتعرفي لما توصلي لقيت موبايلي بيرن برقم غريب فوقفت العربيه ورديت الو مين معايا ايه طيب انا جايلك حالا وقفلت واتجهت عكس الاتجاه اللي كنت رايحه
يارا:في ايه كل حاجه كويسه
سليم بجديه:معلش يارا مضطر اني اروح مكان تاني هتعرفي لما نوصل بعد فتره كنا وصلنا براحتك حابه تفضلي في العربيه او تيجي معايا
يارا بعدم فهم:احنا جينا المستشفي ديه ليه ليك شغل هنا
سليم بجديه:لااخويا عمل حادثه وجاي اطمن عليه بس
يارا:هو انت ليك اخ
سليم يتنهد:ابن عمي يا يارا كده كويس دخلت المستشفي وهي جت معايا وسألت علي أوضته واتجهت ناحيتها ودخلت عامل ايه ياعم قلقتني عليك
امير بابتسامه:كويس متقلقش حادثه بسيطه
سليم بسخريه:مهو واضح انها بسيطه زراعك المكسور يشهد
امير بضحك:يابني حرام عليك طيب سلم اي حاجه مشفتكش من شهور
يارا بدهشه:حور بتعملي ايه هنا
حور بفرحه:يارا ورحت اتجهت ناحيتها وحضنتها وحشتيني كنت لسه جيالك وهعملك مفاجئه
يارا بقلق:طيب انتي كويس بتعملي ايه في المستشفي
حور بعفويه:كنت جايه ليكي وانا في الطريق قابلت امير كان عامل حادثه ونقلته علي هنا
سليم بعفويه:ماتخلي بالك ياعم المره الجايه هاجي مش هلقيك
امير بضحك:جت سليمه الحمدلله الفضل بعد ربنا في حور هي اللي نقلتني لهنا
سليم بابتسامه:شكرا ياحور وفيه ناس لازم تاخد بالها ولاايه ياامير
امير بغيظ:بس بقي أنا عايز اقوم اقتلك دالوقتي و مش مسامحك عشان خبيت عليا جوازك يااخويا ياللي عرفت بالحوار صدفه حسبي الله
سليم بتنهد:بص نتكلم في الموضوع ده بعدين هيبقي اشرحلك ايه اللي حصل ياامير اه صح اعرفك بيارا تبقي
قطعني بابتسامه:مراتك مش كده لابتسم ملقتيش غيره يابنتي تجوزيه كنتي اهربي😂 بس مكنتش اعرف انك تعرفي حور
يارا بعفويه ممزوجه بابتسامه اثر كلامه:اه حور تبقي اختي والف سلامه عليك اسيبك ترتاح أو تقعد مع اخوك وانا هروح اجيب حاجه أنا وحور وخدتها وخرجت
.............
امير بعدم فهم:هي يارا اضايقت من اللي قولته أنا كنت بهزر مش اكتر
سليم بعفويه:لاهي عادي بس يمكن عشان مش. واخده عليك او عشان حور وحشتها بقالها فتره مشفتهاش بس لكن يارا مبتضايقش
امير يتنهد:ادينا لوحدنا مخبي عليا ايه معتقدش أننا بنخبي حاجات عن بعض عشان تخبئ حاجه مهمه كده زي جوازك اللي بقاله فتره واني اتفاجا بالموضوع وأعرفه من عمتي
سليم بجديه:اللي هقوله دالوقتي محدش يعرفه وحكتله اللي حصل
امير بدهشه:ايه كل ده بس طالما انتوا بينكم خلافات كده ليه قررت تجوزها ياسليم سالت نفسك السؤال ده كان ممكن ترجع ببساطه مع باباها
سليم يتنهد:معرفش ليه عملت كده امكن وقتها مفكرتش وده كان أول مره اخد قرار سريع من غير ماافكر
امير بعفويه:تمام اقولك الاجابه واللي متاكد انك هتنكرها ياسليم اه بينكم خلافات بس قضيتوا شهر مع بعض كجيران أو اصدقاء أو بتشتغلوا مع بعض لكن فكره أنها هتبعد عنك وترجع بيتها ومش هتشوفها تاني كانت صعبه بالنسبالك لذلك خدت قرار سريع وقتها وانك تجوزها عشان تفضل هنا قدام عينيك انت حبيتها من غير ماتحس ياسليم
سليم باستنكار:بس انا مش بحبها ليه فسرتها كده واني مش وقتها كنت عايز اساعدها كواجب اصدقاء عادي
امير بضحك:بجد بمان كده اي صديقه ليك بتقع في مشكله هتجوزها ياسليم كنت أولي اتجوزت بنت عمتك ياسمين ده انت لحد قريب كنت كاره فكره الارتباط وفاجئه قررت تجوز يارا عشان متروحش منك او تبعد عنك ويجي يوم وتبقي لغيرك وده لانك بتحبها بس مش عايز تعترف بوجود المشاعر ديه وبتقول انو واجب صداقه فوق ياسليم😏
..............
حور بفرحه:وحشتيني اوي يا يارا
يارا بابسامه:وانتي اكتر بس انتي مقولتليش انك جايه وازاي بابا سمحلك تجيلي هنا ياحور
حور:مااصلي أنا قولتله اني جايه هقعد مع هادي
يارا:انتي بتكدبي عليا ياحور بابا مستحيل يوافق بالذات بعد اللي حصل
حور يتنهد:مش مهم اللي حصل المهم اني جيت هنا ومعاكي ولاانتي مش مبسوطه اني هكون معاكي امشي😕
يارا بعفويه:مش كده ياحور اكيد مبسوطه اني شوفتك وانك هتفضلي معايا وكمان شوفت هادي انهارده بس خايفه يكون حصلت مشاكل بسببي
حور بعفويه:انسي المشاكل وقوليلي اللي كان معاكي جوه ده سليم صح
يارا بتنهد:اه هو سليم ليه
حور بضحك:أصله كان احلي من اللي اتخيلته بصراحه ايه يابنتي القمر ده بزمتك ده حد يتخانق وميطقهوش ايه عمياء وبعدين شكل بقي عندي جوز اخت سكر ياااه وعملتي خير فيا لحسن مكنتش هتحمل امجد وغلاسته كتير
يارا بضحكه خافته:اهدي ياحور ياحبيبتي مش كده وصوتك عالي كمان هتفضحينا
حور بعفويه:ههه هحاول اسيطر علي صوتي هااا اخبارك ايه معاه
يارا بتنهد:عادي زي ماكنا ايه اللي اتغير يعني
حور بجديه:امكن عشان اتجوزتوا مثلا من كام يوم وانك بقيتي مراته هو ده التغير اللي بتكلم عنه
يارا بضيق:بس انا مش معترفه بجوازنا اولا لأن هو خد قرار من غير مايسالني وبابا اجبرني علي علاقه مكنتش عايزاها وانا حقيقي مش معترفه بوجود رابط بينا ومازالنا كل واحد عايش في شقته زي ماكنا
حور بعفويه:يانهار ازرق كل واحد عايش في شقه ليه يا يارا ياحبيبتي أنا عارفه انك مريتي بتجربه صعبه مع امجد بس مش كل الناس وحشه يعني جوازكم ده حقيقه ولازم تتقبليها وتقريبا اغلب الناس عرفت فلازم تتقبلي الواقع ده لان نكرانه مش هيغير الحقيقه انو سليم جوزك وبعدين اديه فرصه
يارا بعفويه:مش قدره اتقبل الموضوع وان بسبب سوء تفاهم وانو بابا رفض يسمعني وكمان اللي عمله سليم باننا نتجوز وبابا ماصدق ووافق وحته ماخدش رأي وبعد ماتم كل حاجه كان أسلوبه معايا صعب عمري مااتخيلته أنا جيت هنا لسبب واني احقق احلامي بس كل اللي حصل كان عكس ماخططت كل مابقرب من السعاده بلقيها فاجئه بعدت عني كان مليش نصيب فيها
.............
سليم بتنهد:اممم عندك حق أنا اتعودت علي وجودها ومصايبها ومقدرتش اتخيل أن ممكن يحصل وأنها تبعد ومقدرش اشوفها تاني لذلك قررت من غير مااحس ان اتجوزها انا فعلا ابتديت احس بمشاعر ناحيتها معرفش إن كان حب ولالا وعارف أنها مبتحبنيش ونوعا ما مضايقه مني بسبب تصرفي بس قررت احاول يعني اصالحها ونحسن علاقتنا شويه ويعتبر اعترافها قدام عمتي بجوازنا ديه خطوه ايجابيه نوعا ما بمأن هي مش معترفه بجوازنا اصلا بصراحه أنا عايز استغل موقف جدو في أنها تعيش معايا بس عارف انها مش هتوافق
امير بعفويه:لاسف يااخويا العزيز واضح أن قدامك شويه حلوين عشان تخليها تتقبل جوازكم يعني حقها برضو الموضوع كان صعب عليها وحوار خطوبتها وتجربتها القديمه ده هيأثر معاك جامد فمش من السهل تخليها تعيش معاك ياسليم
سليم:طيب اعمل ايه جدو هيفضل عندنا ولسه فاكر يارا بأنها مراتي هقوله ايه طيب لو مردتش تيجي وكمان عامل خناقه مع مريم أنا مش عايز ارجع البيت بسبب ان صعب عليا اتحمل عمتي وبنتها والباقي
امير بعفويه:اعتقد٩سنين وانت سايب البيت كفايه اوي ياسليم يعني فضلت احاول معاك طول الفتره ديه تنسي اللي حصل وقتها وترجع ومفيش فايده ارجع عشان خاطر جدو علي الاقل ولومعرفتش تقنع يارا أنا ممكن اعمل ده بس انت حاول تقنعها الاول ده هيبقي احسن لجدو فكر في ده حالته الصحيه مرتبطه بنفسيته في الاخر
..............
تاني يوم الصبح،يارا بنعاس:مصحيني بدري وجايبني علي الكافيه في يوم إجازتي ياسليم ليه منك لله😴
سليم بتنهد:اشربي القهوه عشان تفوقي بدل مانتي نائمه كده وبعدين نبقي نتكلم
يارا بعفويه:تمام شربت القهوه لأنظر إليه اديني فوقت ايه اللي مخليك منزلني من بيتي الصبح بدري عشان نتكلم ياسليم وسيبت سريري ومخدتي بسببك لو الموضوع مكنش مهم هقتلك😒
سليم بجديه:أنا مضطر بعد يومين ارجع علي البيت عشان جدو ومريم عملالي ازمه في البيت ومحملاني ذنب لوحصل اي حاجه ليه وانا مش هقدر اكون السبب بس فيه مشكله
يارا بعفويه:اممم طيب ده شئ كويس انك هترجع تعيش مع عائلتك وانك خدت القرار الصح عشان جدو بس انا ايه علاقتي بده كله ياسليم وبرضو مش فاهمه فين المشكله
سليم بنفاذ صبر:بجد انتي شايفه أن ملكيش علاقه بالموضوع ومش شايفه اي مشكله يا يارا خالص
يارا يتنهد:لامش شايفه ياسليم هترجع لعائلتك وده شئ يخصك أنا مالي هااا بكل ده🙄
سليم بجديه:يارا انتي ناسيه أن الكل يعرف انك مراتي ولازم تيجي معايا اكيد مش هروح لوحدي هقولهم ايه ولااقول لجدو ايه لوسأل عليكي وكمان مش حابب أن حاله جدو تدهور اكتر من كده كفايه اللي حصله ودخوله المستشفي واحنا فتره ونرجع اصلا يا يارا هنمشي بكره
يارا بضيق:استني بس نمشي مين حد قالك اني موافقه اجي معاك اصلا ياسليم ديه مشكلتك مع نفسك ممكن تقولهم اني مسافره عند اهلي بسيطه أو اي حاجه تانيه لكن اني اعيش معاك وابقي قدام الكل مراتك وأفضل معاك في نفس الغرفه ونمثل أننا بنحب بعض لأ أنا اسفه ورحت قايمه ومتجهه لخارج بس لقيته لحقني لبره ومسك ايدي انت بتعمل ايه سيب ايدي
سليم:........
يتبع
أنت تقرأ
العروس الهاربه
General Fictionعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
