العروس الهاربه

البارت الثالث وعشرون

مريم:وأننا اخوات مبنفكرش في الفلوس اوي كنا دمرنا نفسنا فاكر اللي حصل من سبع سنين دمرنا ياامير عارف أننا بنعيده تاني وكل ده عشان الفلوس عمتي عماها الفلوس والأملاك وجدو من غير ما يحس كان سبب من الاسباب اللي حصل زمان وبيحصل دالوقتي
امير:مش في ايدينا حاجه نغيرها انتي عارفه أن جدو قلبه تعبان وصحته مش حلوه بعد موت أهلنا وكمان بينسي كتير لدرجه انو سعات بيسال عليهم احيانا النسيان نعمه أننا مبنفتكرش اي حاجه بتالمنا قطع حديثنا رنين موبايلي فلقيتها يارا فرديت الو يا يارا ايه طيب انا هدور عليه ولولقيته هطمنك
مريم بقلق:في ايه ياامير
امير:حكتلها اللي قالته يارا أنا هروح ادور عليه
مريم:أنا هاجي معاك
امير:لامفيش داعي خليكي وانا لما هوصله هكلمك واتجهت لخارج ركبت السياره واتجهت لبعض أماكن ممكن القيه فيها وانا علي تواصل مع يارا لحد مالشمس اشرقت اووف روحت فين ياسليم وبعدين افتكرت مكان اخير فاتجهت ناحيته وانا بتمني القيه هناك فعلا بعد فتره كنت وصلت وركنت العربيه واتجهت لداخل وفعلا لقيته هناك يعني أنا قالب الدنيا عليك وانت هنا ياسليم قلقتنا عليك ويارا قلقانه عليك اقنعتها بالعافيه اني هدور عليك وهي تفضل
سليم بضيق:انت عارف كويس انهارده ايه وانا بجد مقصدتش اقلقكم بس انا كنت محتاج أفضل لوحدي
عرفت منين اني هنا
امير بتنهد:دورت في كل مكان انت ممكن تروحه لما تضايق والمقابر كانت اخر مكان ممكن القيك فيه لمحت الجرح اللي في أيده انت جرحت نفسك بايه ياسليم
سليم:اتعصبت علي زجاج التربيزه اللي في البيت وكسرتها عادي أنا متعود ايه الجديد أنا كل مابتعصب أو اضايق بيحصل كده مبعرفش اسيطر علي نفسي خاصه لوحاجه تخص الماضي
امير بجديه:أنا عارف أن اللي بتعمله ده مش جديد وانك بقالك سبع سنين كده بس لحد أمتي ياسليم انت بتخرب حياتك وبتعذب نفسك علي الفاضي
سليم بتنهد:عايزني اعمل ايه يعني ياامير
امير:لازم تحاول تسيطر علي نفسك وتتغير لانك معدتش لوحدك زي الاول دالوقتي انت معاك يارا وانت كده بدمرلها حياتها من غير ماتحس ذنبها ايه أن تعيش ده كله
سليم بجديه:اه أنا متعلق بوجودها في حياتي وبحبها بس مش هقدر ائذيها أو اكون سبب تعاستها فهبعد احسن لكل
امير بصدمه:ايه انت اتجننت ياسليم لوعملت كده يبقي انت بدمرها وبدمر نفسك فين سليم اللي مبيستسلمش وعمل كل حاجه عشان يقدر يخلي يارا تحبه ودالوقتي عايز يتخلي عنها وكمان يبعد عن الكل انت ازاي تفكر كده اصلا
سليم:بس ده اللي لازم اعمله عمتي مش هتسيبها اه أنها تبعد عني ده صعب بالنسبالي بس مش هقدر اخسرها او اكون سبب دمارها
امير بسخريه:بجد اللي انت بتقوله مش معقول انت لوعملت كده يبقي انت حققت رغبه عمتي ياسليم بلاش تدمر حياتك لوكسرت يارا واتخليت عنها هتندم طول حياتك ياسليم بلاش تقرر وانت في الحاله ديه شكلك تعبان خلينا نمشي قام معايا وبعد فتره كنا وصلنا قدام بيته من الأفضل أننا نروح علي البيت وانا هرجع اجيب يارا تكون اعصابك احسن
سليم:متقلقش بقيت احسن وبعدين اتاكد أن مستحيل ائذيها وسبته واتجهت لشقه
...........
يارا:غفوت من التعب وانا قاعده صحيت علي صوت فتحه الباب فقومت بسرعه واتجهت ناحيته وقبل مايتكلم حضنته ولفيت زراعي حول عنقه أنا اسفه أنا عارفه أن ضايقتك فضلت حضناه بس هو مضمنيش فبعدت عنه شويه وقبل مااتكلم لمحت أيده لأنظر له بقلق ايدك مجروحه بتنزف
سليم:عادي متقلقيش جرح بسيط
يارا:لامش جرح بسيط ياسليم وخليته يقعد وروحت جبت علبه الاسعافات هات ايدك
سليم:أنا كويس يايارا مفيش داعي
يارا بقلق:انت شايف الجرح اللي في ايدك عامل ازاي وانت دكتور وعارف أن مينفعش يتساب كده لامسك يده وعقمتله الجرح ولفيتله أيده
سليم بتنهد:هسالك سؤال وتجاوبيني بصراحه
يارا:قعدت جنبه اسال
سليم:انتي ليه مش مصدقه أني كنت السبب في موت أهلي يايارا رغم انك متعرفيش اللي حصل كويس
يارا:متهيالي انك محتاج ترتاح ناجل كلامنا لوقت تاني فحين اقوم لقيته مسك ايدي
سليم:انا كويس بس جاوبيني يا يارا ياما تكوني غيرتي رايك
يارا:لامغيرتش رأي بس انا واثقه أن مهما كانت فيه مشاكل بين العائله مستحيل يقتلوا بعض وبالذات لوانت ياسليم يعني أنا معرفكش الا من شهور بس بثق فيك أن مستحيل تعمل كده مهما كانت المشاكل واللي مش فهماه ليه محمل نفسك الذنب وانت مش السبب اصلا
سليم بضيق:ومين قالك العائله مش بتقتل بعض عادي يايارا عارفه ده بيحصل امتي لما الفلوس والأملاك تعمي عنيهم من ساعت ماوعيت علي الدنيا ومشاكل كتير بينهم عشان الاملاك حته بابا وعمي كان بينهم مشاكل كتير عمي كان بيحقد علي بابا عشان هو الكبير وكمان عشان وصيه أن الابن الأكبر لمايتجوز ويكون اسره بيتنقل ليه الجزء الأكبر في الاملاك وبعد كده الباقي للي فاضل وبتمشي بالتوارث وعمتي بتحقد علي بابا وعمي عشان معظم الاملاك والفلوس في أيديهم أما ماما هدي هي فعلا كانت أمهم اكتر من اختهم،لما كبرنا عمتي كانت عايزه تجوزني ياسمين عشان السبب ده وأنها تسيطر علي كل حاجه بس انا كنت وقتها كنت بحب هايدي وبعد انفصالي عن هايدي ومشاكلي فكنت المفروض اخطبها بس الموضوع اتفشكل
يارا:وايه علاقه ده بالحادثه وبينا
سليم بجديه:يارا المشاكل اللي زادت الفتره الاخيره قبل موتهم كانت بسبب عمتي زينب واللي حصل زمان بيحصل تاني بس بشكل مختلف المكان اللي كانوا هيروحوه أنا اللي كنت المفروض اروحه أنا وامير مش أهلنا يايارا بس حصلت مشكله وقتها بسببي وهما اللي راحوا مش احنا الشخص اللي عطل فرامل العربيه كان عايز يموتني أنا وبالمره يخلص من امير محدش وقتها كان ليه مصلحه غير عمتي زينب بس مفيش دليل ضدها
يارا بصدمه:بس هما ليه اتهموك وقتها
سليم بتنهد:شكوا فيا بسبب المشاكل وقتها وعشان أنا الكبير وعمتي قدمت شكوي ضدي وجابت شهود إن كان فيه مشاكل كبيره بينا وانا مروحتش قصد الحفله لاني كنت عاملهم زي فخ والكاميرات مصوراني وانا جنب العربيه قبل مايحصل كل ده واني أنا المستفيد وبعدي امير من موتهم مريم لما اتهمتني مش عشان الدليل ده لأ لان أنا اللي كنت المفروض أموت وقتها مش هما لاتنهد وعلاقته ده بينا هو أن وجودك معايا هيدخلك في مشاكل كتير وليكي الاختيار لحد دالوقتي أننا ننفصل او لا لأنظر اليه أنا هدخل انام تمام وسبتها ودخلت الاوضه بدلت هدومي ونمت
..............
حور باستغراب:طلبت نتقابل هنا علي الساعه٥وجيت عشان عايزني في موضوع مهم ياامير خير عملت مصيبه😅
امير:لا أنا هتكلم علي حاجه تخصني اعتقد انك لازم تعرفيها ياحور
حور بتنهد:تمام أنا سمعاك
امير بجديه:انتي عارفه أن اهلي ميتين في حادثه من سبع سنين وانهارده تبقي ذكري وفاتهم عمتا مش ده الموضوع الاساسي بعد موتهم ولما سليم ومريم مشيوا من البيت أنا اتغيرت كتير كنت حوالي١٨سنه كنت لسه بدرس والحقيقه يعني كنت مقضيها مع كل بنت شويه الصراحه مكنتش واخد الموضوع بجديه ولاحبيت واحده فيهم كان مجرد تضيع وقت مش اكتر بس بجانب ده كنت مهتم بمذاكرتي وفضلت كده حوالي سنتين
حور بدهشه:عليك صراحه فظيعه ياامير ابهرني كانوا كام بنت
امير:احم الصراحه مش فاكر بس بلاش نعد احسن بعد سنتين حصلت معايا مشكله بسبب بنت اتعلقت بيا شويه وحبيتني ولما سيبتها متقبلتش الفكره رغم اني موعدتهاش بحاجه ولاذكرت اني بحبها وفي يوم كانت طلبت أننا نتقابل لاخر مره فروحت اقابلها فلاش باك
امير:طلبتي أننا نتقابل ليه انتي عارفه أن اللي بينا انتهي
چنا:بس انا بحبك ياامير
امير:ماشي وانا مقدر مشاعرك بس انا من الاول مقولتلكيش أن ليا في الحب والكلام ده اتمني أن تكون ديه اخر مره نتقابل لسه همشي وقفت اثر صوتها
چنا:امير مش هسمحلك تمشي ولاتكون مع بنت تانيه غيري
امير:بطلي جنان مفيش حاجه هتمنعني لقيتها طلعت سكينه هتعملي ايه يامجنونه قبل ماالحقها كانت قطعت شارينها
چنا:هتفضل متحمل ذنبي طول حياتك
امير:بعد مافقدت الوعي وحاولت افوقها معرفتش وكانت نزفت جامد اتصلت بسليم وانا متجه لمستشفي وهو حصلني لهناك
سليم:اتجهت ناحيته هي عايشه ولاميته ولاايه اللي حصل
امير:حكتله اللي حصل مكنتش فاكر أنها مجنونه لدرجاتي تقتل نفسها مش هسامح نفسي لوجرالها حاجه
سليم بلوم:وامتي هتبطل مشيك في الطريق ده ياامير انهارده بنت انتحرت وياعالم هتعيش ولاهتموت انا معرفش ايه اللي انت بتعمله في نفسك ده انت معدتش امير اخويا اللي اتربيت معاه اه الحادثه أثرت علينا كلنا بس مش لدرجه اللي انت عامله وانت بتقضي وقتك بين كل بنت شويه ومذاكرتك اللي سايبها بقالك شهرين وقدامك شهر علي الامتحانات مصدوم ليه مش معني اني مش عايش معاك اني معرفش عنك كل حاجه
امير بضيق:اوووف ياسليم شايفني فرحان اوي بحياتي ولااللي وصلتله أنا معرفش بعمل كده ليه لاتنهد بس اوعدك لوعاشت والموضوع اتحل اني ارجع زي ماكنت بعيد عن كل الاقرف ده بس خليك جنبي أنا تعبت من الوحده اللي انا فيها وهفكر في مستقبلي واني احقق حلمي
نهايه الفلاش باك
حور بتنهد:والبنت عاشت ولاماتت
امير:عاشت وسليم حل الموضوع وقتها فضلت الشهر اللي فاضلي مشغول في المذاكره وفضلت فتره اتعالج نفسي وبعدت عن الطريق ده وفعلا اتغيرت ياحور فلقيتها ساكته امممم طيب انا واضح لوكملت اكتر من كده هتفطسي مني صح
حور:احم لاانا كويسه علفكره
امير بتفهم:طيب ياحور انتي عندك شك اني ممكن ارجع لطريق ده فيما بعد او اكون انا مبطلتش فجاوبيني بصراحه
حور:.......
امير بضيق:سكوتك ده معناه اه ياحور بس مش قادره تقوليها
حور بعفويه:حطيت ايدي علي أيده مش معني اني سكت يبقي أنا شايفه اللي انت قولته صح عادي الإنسان معرض انو يغلط لانه مش معصوم عن الغلط ولما يتغير ويتوب ويرجع لطريق الصح مين أنا عشان احاسبه أو اعاقبه ده حته ربنا بيتقبل توبه الانسان أنا بقالي شهور اعرفك لوكنت زي ما بتقول ممكن متكونش اتغيرت كان هيبقي واضح من تصرفاتك أنا بثق فيك ياامير
امير بدهشه:انتي ازاي كده ده انا كنت فاكر انك هتمشي وهتسبيني وهتتعصبي ومعرفش اصالحك وانك مش هتتقبلي وجودي في حياتك
حور بعفويه:وقفت اممم واضح انك لسه متعرفنيش ياامير وبعدين انت مكدبتش عليا وصارحتني بالحقيقه بس اديني بحذر من دالوقتي جرب تفكر بس ترجع زي ماكنت وهقتلك ياامير انت وهي
امير بابتسامه:شديتها لحضني حد قالك اني مجنون عشان اخونك مثلا
حور بضحكه خافته:بعدت عنه متنكرش انك مجنون علفكره ليضع اصبعه علي شفتاي لاصمت
امير بابتسامه:أنا مجنون بحبك ياحور وانتي هتجنيني اكتر منا مجنون حابب وجودك جنبي بس فيه مشاكل لازم تعرفيها خاصه بحادثه اهلي وحكتلها ملخص اللي حصل في الماضي وده غير حب عمتي ليكي وليارا
حور بعفويه:اممم وانت ايه اللي حاطه في دماغك تعمله دالوقتي يعني بجوازنا حاليا الدنيا هتخرب اكتر
امير بابتسامه:احبك وانتي فهماني ياحور هقولك ايه اللي في دماغي
..............
يارا بتنهد:قومت من مكاني وقولت اروح اشوفه ففتحت الباب بهدوء وقعدت علي الطرف جنبه سليم مش هتقوم عشان تأكل حته مكلتش من امبارح
سليم بتعب:سبيني يا يارا انام أنا مش عايز اكل
يارا بقلق:حسيت برعشه جسده فقربت منه وتحسست جبينه فكانت درجه حرارته مرتفعه فقومت من مكاني وجبت كمادات وقعدت جنبه وكل شويه اغيرها وجبت خافض حراره قوم ياسليم خد الدوا بعد عناء خده وبعد حوالي ساعه لقيت الحراره نزلت فشلت الكمادات لسه هقوم لقيته مسك ايدي
سليم بنبره متعبه:ليه مش عايزه تريحيني وتسبيني يا يارا مش هقدر أن اخسر حد تاني او اكون سبب اذيته
يارا بعفوية:عشان اسباب كتير مش همشي اولهم اني بحبك ومش هروح في حته ولاهخليك تخسر مره تانيه قومت من جنبه حضرت اكل خفيف وبعد إلحاح خليته ياكل شويه،في نفسي:أنا اسفه علي اللي هيحصل بعد كده وان هخبي عليك حاجات كتير بس ده عشان مش هتخليني انفذ اللي في دماغي
.................
هايدي:طلبتي تقابليني بره البيت ليه ياطنط
زينب:عايزاكي في حاجه لوحصلت هيبقي كل حاجه لينا
هايدي بعدم فهم:وده اللي هو ازاي مش فاهمه
زينب بابتسامه:عايزاكي ترجعي لحياه سليم وترجعي الذكريات عن طريق انك تشتغلي في نفس المستشفي
هايدي:بس انا سمعت أن مراته بتشتغل معاه وبعدين سليم حاليا بيكرهني فده شبه مستحيل
زينب:عندي خطه بفكر فيها هجيب بيها سليم وامير الأرض ويارا اللي عامله فيها أن ممكن تكسرني هخربلها حياتي ناويه تساعديني
هايدي:بس يارا دماغها مش قليله وافرضي الخطه فشلت زي زمان ماحصل
زينب:لامش هتفشل اللي حصل زمان مش هيحصل دالوقتي ومش هسمح ليارا تسيطر علي كل حاجه اسمعيني كويس وبعد شويه كنت خلصت ايه رايك
هايدي:........
يتبع