يارا:لأ أنا اسفه ورحت قايمه ومتجه لخارج بس لقيته لحقني لبره ومسك ايدي انت بتعمل ايه سيب ايدي
سليم بعصبيه خفيفه:يارا أنا كنت بكلمك بهدوء ومخلصتش كلامي عشان تسبيني وتمشي مدتنيش سبب رفض مقنع يا يارا
يارا بضيق:أنا مش مضطره اديك سبب مقنع انا تعبت ومش هقدر اتحمل كل الحوارات ديه أو اي حاجه تاني ومتنساش أن جوازنا متمش بارادتي انت اخدت قرار مفاجئ ومعرفش سببه ايه وبابا وافق كأنه ماصدق محدش اهتم وشاف أنا عايزه ايه اصلا أنا اسفه بس مش هقدر اكدب علي الكل أننا اتجوزنا عن حب وحياتنا طبيعيه ده بالنسبالي سبب كافي الباقي ديه مشكلتك انت ياسليم انك تقولهم ايه مش مشكلتي نهائيا لأننا وصلنا لمرحله ديه بسببك ياسليم
سليم بضيق يحاول اخفاؤه اثر كلامها:تركت ايديها عندك حق ديه مشكلتي انا وانتي ملكيش علاقه بده كله واسف أننا وصلنا لهنا بسببي وان ازعجتك علي الصبح وقلقت نومك عشان موضوع زي ده عن اذنك وتركتها وانا افكر ماذا افعل؟!ماذا اقول له؟!
يارا بضيق:بعد ماسبني اتجهت لبيت بعد شويه كنت وصلت لأن الكافيه كان قريب من البيت
حور باستغراب:لقيتها جايه من بره وواضح انها متعصبه يارا انتي كويسه وبعدين كنتي فين بدري كده
يارا بعصبيه:كنت مع الدكتور جارنا اللي طلع عيني قال ايه عايزني اتنقل واعيش معاه في بيته عشان عائلته عارفه باني مراته وهيقولهم ايه لومروحتش معاه وان اقعد أمثل أن كل حاجه طبيعيه تخيلي
حور بعفويه:احم طيب ايه المشكله مش فهمه ماده وضع طبيعي يا يارا مانتي مراته يعني يقول ايه لعائلته فعلا
يارا بانفعال:كان في أيدي سكينه ايه اللي طبيعي في حالتنا ديه مش فهماكي أنا مش متقبله جوازنا اصلا ديه مشكلته مليش دعوه بكل ده أنا مستحيل اوافق علي اللي قاله أنا مش هروح بيته واعيش معاه ومع أهله لسه متجننتش عشان اوافق
حور بنفاذ صبر:يابنتي بطلي جنان وسيبي السكينه من ايدك ديه انتي ليه محساساني انك حبيبته مش مراته ووضع طبيعي تعيشي معاه استهدي بالله يا يارا واعقلي ياحبيبتي سبحان اللي مصبره عليكي واللهي ومولعش فيكي بعد اللي بتقوليه ده،انا لازم اروح الجامعه متعمليش مشاكل وحاولي تكلمي زي البشر وتفكري في الموضوع تاني وسبتها ومشيت وبدعي أن مرجعش ألقي مصيبه
............
مريم بجديه:يعني معرفتش تقنعها ياسليم
سليم بضيق:لأ هي رافضه تعيش معايا اصلا يامريم أنا حاولت اتكلم معاها بس هي مفيش فايده شايفه أن ديه مشكلتي مش مشكلتها ومش ناوي اكلمها تاني هتصرف واقولهم اي حاجه بس أن اجي علي نفسي واسمع كلامها تاني لا مش هفرض نفسي علي حد تاني يامريم
مريم بتنهد:طيب خلاص اهدي هشوف لوعرفت اتكلم معاها بس ايه اخبار امير دالوقتي
سليم بعفويه:كويس وممكن يجي علي بليل
مريم يتنهد:كنت عايزه اعتذرلك اني اتعصبت عليك في المستشفي وكلامي أنا بجد مقصدتش ياسليم وأمكن ضايقتك أنا اسفه انت مش زعلان مني مش كده
سليم بابتسامه:لأ يامريم مش مضايق ورحت طبعت قبله علي جبينها أنا اللي اسف لأن وقت ماخدت قرار أننا نسيب البيت مخدتش رأيك
مريم بعفويه:اممم انا واثقه أن وقتها كان قرارك صح ياسلومه
سليم بغيظ:انا غلطان اني اتكلمت اصلا اخرتها تقوليلي سلومه امشي يامريم عشان مولعش فيكي
مريم بضحك:أنا غلطانه اني بدلعك بس اسم سلومه
حلو برضو ورحت جريت من قدامه وخرجت بره البيت واتجهت لشركه
سليم يتنهد:قعدت قدام التلفزيون ودورت علي حاجه عشان اتفرج عليها واشغل بيها دماغي عشان مفكرش كتير وبعد شويه لقيت الجرس بيرن ففتكرت مريم كالعاده نسيت حاجه بس لما فتحت لقيتها يارا
يارا ببرطمه:اوووف عملت ايه عشان هو اللي يفتحلي تماسكت وسالته:فين مريم عايزاها
سليم بعفويه:مريم لسه نازله من شويه ايه اللي كنتي عايزاه وانا اجبهولك
يارا بعفويه:عايزه جردل وجاروف هخلص وارجعهوملك😶
سليم بدهشه ممزوجه بضحك:متقوليش هتزرعي في الشقه يا يارا،وبعدين ايه بهدلك كده محدش قالك قبل كده أن الشخص بياخد شاور من غير هدومه
يارا بغيظ:اعااااا يارب صبرني اه أنا بحب التجديد وباخد شاور بهدومي ملكش دعوه هات بقي الحاجه😒
سليم بعفويه:جبتلها الحاجه بصي قبل ماتخربي حاجه وتعملي مصيبه كالعاده فهميني هتعملي ايه
يارا بنفاذ صبر:عايز تعرف في ايه تعال وفتحت الباب بتاع الشقه
سليم بصدمه:لقيت الشقه غرقانه مايه انتي عملتي ايه يا يارا
يارا بضيق:كنت متعصبه منك فاتعصبت علي الحنفيه فاتكسرت معرفش مالها ضعيفه كده ليه مستحملتش وغرقتني وغرقت الشقه اعاااا منك لله😕
سليم بمحاوله لمسك ضحكاته:طيب انتي بتدعي عليا ليه مين اللي استقوي عليها وكسرها يا يارا خلاص متبصليش كده هي اللي غلطانه ازاي تكسر وتغرقك وتغرق الدنيا كده قفلتي المايه ولاسيباها
يارا بغيظ:ممكن تبطل تتريق عليا😒عشان مرتكبش جريمه قتل هنا اه اكيد قفلتها
سليم بعفويه:ممكن اساعدك عالفكره
يارا:وانا مستغنيه عن مساعدتك جايه اتحرك وكنت نسيت موضوع المايه من العصبيه فاتزحلقت اعااا بس سليم لحقني كان محاوط خصري بزراعه
سليم بعفويه:لسه مصره انك مش محتاجه مساعده يا يارا
يارا باستنكار:انت بتعرض عليا المساعده دالوقتي عشان اوافق اني أمثل قدام عائلتك اني مراتك واعيش معاك
سليم بصدمه:ايه اللي دخل ده في ده يا يارا لوفاكره ان لما بقولك اساعدك مش معناها هطلب مقابل انك تيجي معايا كلامنا في الموضوع ده خلص اكيد مش هجبرك تعيشي معايا غصب عنك
يارا بعفويه:لابتعد عنه كويس انك اقتنعت اني افضل هنا لان ده الاصح ومعملتش حاجه غير عصبتني وخلتني بهدلت الدنيا كله بسببك ياسليم اعاااا الشقه باظت
سليم بعصبيه:يارا متعصبنيش أنا مقولتش حاجه غلط انتي اللي معترضه علي كل حاجه مش غلطي ده ويلا عشان نصلح اللي عملتيه قبل مااختك تيجي
يارا بعفويه ممزوج بخوف خفي فهي تخاف من عصبيته ولاتريد اظهار هذا امامه:اهدي بس مش محتاجه العصبيه ديه كلها يعني هخلص الشقه عادي لوحدي مش عايزه اتعبك
سليم بجديه:يارا الشقه كبيره عشان تعمليها لوحدك وانتي مش متعوده اصلا علي تنضيف بسيط هتفرفري أنا هجيب ناس تنضف البيت وتروقه وتعالي اقعدي عندي لحد مايخلصوا
يارا بتوتر:هااا لاانا هنضف البيت مفيش داعي تجيب حد
سليم بجديه:مش باخد رايك هستناكي تغيري هدومك عشان كل هدومك مبلوله
يارا بغيظ:اووووف روحت بدلت هدومي واتجهت معاه لبيته
................
مريم بتنهد:الورق يامستر هادي لقيته مش معايا وشارد مستر هاااااادي
هادي بتعب:في ايه يامريم مش فيه باب المفروض تخبطي عليه الاول قبل ما تدخلي
مريم بعفويه:أنا بقالي سنه وقفه علي الباب بخبط وانت ولاهنا عمتا انا خلصت شغلي ويعتبر الكل مشي وانا كالعاده بفضل اخر واحده في المكتب بسبب الشغل اللي مبيخلصش ببص عليه لقيته بيتفقد الورق بتعب اعتقد انك محتاج تروح ترتاح لانك شكلك تعبان
هادي بتعب:هخلص حاجه وامشي بس عايز قهوه
مريم بتنهد:طيب سبت الورق واتجهت لكافيتريا جبت قهوه ورجعت مستر هادي ببص لقيته واقع في الأرض فحطيت الفنجان ونزلت لمستواه مستر هادي وحركت وجهه بس لقيته فاقد الوعي شوفت نبضات قلبه فلقيته الحمدلله عايش حاولت افوقه بس مفيش فايده طيب اعمل ايه طيب فقولت اتصرف بسرعه فاتصلت بالاسعاف واتصلت بسليم بعد فتره رد الحقني ياسليم
سليم بقلق:في ايه يامريم
مريم بجديه:حكتله اللي حصل أنا اتصلت بالاسعاف ومعرفش ماله
سليم بجديه:طيب اهدي أنا هيجيلك علي المستشفي قفلت معاها فلقيت يارا بتبصلي بصي لازم اروح المستشفي
يارا بقلق:في ايه ياسليم
سليم بجديه:اخوكي فقد وعيه وهو زمانه في المستشفي
يارا بقلق:أنا جايه معاك وفعلا اتجهنا لخارج وبعد فتره وصلنا و عرفنا مكان اوضته وروحنا فلقينا مريم قعده هناك بس واضح انها خايفه فسليم قعد جنبها يهديها واول لما شوفت الدكتور هو هادي كويس يادكتور
الدكتور"متقلقيش هو كويس بس حاله هبوط جامد في الدم نتيجه الإرهاق الزياده وانو مهمل في الأكل شويه واللي زاد الموضوع انو عنده مشكله في التنفس عقبال الصبح هيبقي كويس وبعدين الانسه جابته في الوقت المناسب الحمدلله متقلقيش
...............
يارا بتنهد:دخلت اطمنت عليه وقعدت علي الكنبه اللي موجوده في اللي الاوضه بعد فتره لقيت سليم جيه قعد جنبي افتكرتك مشيت
سليم بعفويه:روحت مريم وجيت تفتكري اني ممكن اسيبك وامشي حطيت ايدي علي ايديها متقلقيش هيبقي كويس وبعدين اللي مش فهمه ازاي انتوا مرتبطين وبتحبوا بعض كده وحور وهادي ولاد مرات باباكي ومعتبراهم اخواتك
يارا بعفويه:بس هما مش مجرد ولاد مرات بابا لأن مرات بابا تبقي خالتوا أنا وهادي بينا كام شهر قضينا وقت كتير مع بعض أحيانا بتمني أن ترجع الايام لوقت ما ماما كانت عايشه كان نفسها تخلف غيري بس بعد ماجبتني كان الرحم ضعيف والدكتور قالها أن صعب تخلف تاني ياما الطفل مش هيعيش ياما ممكن هي يحصلها مضاعفات سعتها بابا استكفي بوجودي كنت كل حياتهم ولأن خالتوا امل مكنتش بتهتم اوي غير بنفسها فيعتبر ماما هي اللي ربت هادي احنا اخوات بالرضاعة ولما ماتت ماما حسيت أن حياتي وقفت بس وجود بابا كان كفايه بس
مع الوقت هو اتغير معدش بيهتم بحاجه غير شغله واتجوز خالتوا علي انها هتبقي احن عليا لاني بنت اختها بس ده محصلش لأنها كانت بتحقد علي ماما اصلا وده لانك سالت وعشان متفهمش غلط لان تعبت من الناس اللي بتحكم عليا وخلاص
سليم بنبره خافته:مبدايا أنا مبحكمش علي حد من اي حاجه بسمعها أو بشوفها ولما سألتك مش عشان شاكك في علاقتكم ببعض بس استغربت الرابط الغريب اللي بينك وبين حور وهادي علفكره هادي قالي في المستشفي ساعت ماجالنا انو اخوكي فده مكنش مغزي سؤالي
يارا بتنهد:معدتش تفرق كله بيدور علي المظاهر وبس ايه اللي يخليك تبقي مختلف عن الباقي ياسليم ليه مبتفكرش زي بقيه الناس أن طالما هربت مره ممكن اعملها تاني وان ممكن اكون كدبت في كل اللي اقولتهولك
سليم بتنهد:مش كل الناس زي بعضها يعني أنا مباخدش بالمظاهر وعارف انك مش معترفه بجوازنا أو مهتميه بوجود رابط بينا بس عمرك ماهتهربي أنا واثق من ده وانا مصدق كلامك لأن قادر اعرف الشخص اللي قدامي بيكدب ولابيقول الحقيقه يا يارا
............
حور بتنهد:كنت طالعه البيت بس وقفت اثر صوت شخص فالتفت فالقيته امير ايه ده طلعت من المستشفي أمتي
امير بابتسامه:من شويه عمتا جيت اشكرك وارجعلك الفلوس اللي دفعتيها اي حد كان هيفكر انو يسبني ويخاف يورط نفسه في مصيبه
حور بعفويه:بس انا مش بخاف وبعدين أنا هبقي دكتوره ومن واجبي اساعد اي حد محتاج مساعده
امير بإعجاب:بتدرسي طب يعني واضح انك هتبقي دكتوره ناجحه الشيك بفلوس المستشفي بس حابب أن اعزمك علي العشاء كنوع من الشكر ولو مش عايزه مش هضايق
حور بعفويه:ياترا كل حد ممكن يقدملك حاجه بتشكره شكر خاص كده
امير بجديه:لافهمتيني غلط حبيت بس اشكرك ومش بعمل كده مع الكل عمتا انا اسف لو اضايقتي
حور بضحكه خافته:أنا مضايقتش كنت بهزر معاك مش اكتر 😅متخدش كلامي جد اوي أنا جعانه جدا تحب نروح فين
امير بعفويه:في مطعم قريب من هنا تيجي
حور:معنديش مشكله عم الهدوء فتره بس قطعته بسؤالي انت عرفت حقيقه جواز اخوك
امير بتنهد:اه عرفت كل اللي حصل وأن يارا مش متقبله علاقتهم ولاانها تيجي معاه البيت بس قلتله أن يحاول يقنعها
حور بعفويه:حور خايفه ترجع لنفس المصير اللي كانت فيه أنا اسفه في اللي هقوله بس اكيد عائلتكم فيها مشاكل ويارا حكتلي عن عمتكم زينب وبنتها والله اعلم فيه مين تاني فيارا مش هتقدر تتحمل ده حاليا
امير بضحك:بصي منكرش أن عائلتنا غريبه شويه واكيد بتحصل مشاكل وده في كل عائله زي مافيها الكويس فيها الوحش بس لازم تيجي مع سليم لأن الكل عرف بجوازهم ياحور
حور:بس ديه اختي في النهايه وانا خايفه عليها أن حد يجرحها ده غير رفضها لموضوع اصلا
امير بنبره خافته:متقلقيش سليم مش هيسمح أن حد يأذيها ولومكنش موجود أنا موجود وممكن تيجي تعيشي معانا فتره لحد ماتتطمني علي يارا
حور بعفويه:لامش هقدر افضل هناك هقعد مع هادي
امير باستنكار:هادي مين انتي مرتبطه
حور بضحك:هادي اخويا الكبير ياامير انا لسه رايحه تانيه جامعه مش هرتبط دالوقتي يعني😂
امير بعفويه:اسف اني اتسرعت احنا وصلنا اهو المطعم
حور بعفويه:ولايهمك عادي بتحصل يلاندخل
.............
يارا:ابتديت افتح عيني لحد مااتضحت الرؤيه فلقيت نفسي نائمه علي كتف سليم وهو ساند رأسه عليا ونايم في نفسي:أنا نمت كده ازاي فروحت عدلت نفسي وبعدت عنه
سليم بتعب:انا هروح اجيب قهوه واقعد في مكتبي
يارا باستنكار:انت مش هتروح
سليم بجديه:لاورايا شغل لو هتروحي وتاخدي بقيه اليوم اجازه قوليلي وسبتها وخرجت
يارا بتنهد:روحت قعدت جنبه لسه هقوم لقيته فتح عينيه انت بقيت كويس فيه حاجه تعباك
هادي بضحك:أنا كويس يا يارا اهدي بس انا ايه جابني المستشفي
يارا بتنهد:حكتله اللي حصل أنا كنت قلقانه عليك يا هادي متعملش كده تاني أنا مليش حد غيرك انت وحور
هادي بابتسامه:طيب وسليم ملهوش مكان في حياتك يا يارا ولاايه عمتا انا كويس متقلقيش
يارا بجديه:لا ياهادي ملهوش مكان انت عارف ايه اللي بينا مفيش اي حاجه حته علاقتنا مزيفه
هادي:مين قال إنها مزيفه وبعدين ده رفض يسيبك لوحدك رغم اني عارف انك اكيد متخانقه قد كده معاه يا يارا مش انتي بتثقي في كلامي وان ببقي عايز مصلحتك زي اي اخ
يارا:اكيد ياهادي بس بعيدا عن الموضوع ده
هادي بتنهد:اسمعيني بس ادي سليم فرصه هو كويس وافقي انك تروحي تعيشي معاه فتره في بيته وصدقيني لوضايقك أنا بنفسي هقف قدامه وهخليه يطلقك لكن أنا متأكد أن ده مش هيحصل اه جوازكم حصل في ظروف مش حلوه بس سليم كان كويس معاكي يا يارا اي حد غيره كان استغل الظروف واجبرك انك تعيشي معاه وبالأخص أن رفضك انك تروحي معاه ده هيحطه في موقف محرج مع عائلته بس ماجبركيش وسكت احترم رفضك أو كان ممكن هانك بسبب اللي حصل متزعليش في اللي هقوله بس لوحد مكان سليم كان هيصدق كلام بابا وانك ممكن تكوني علي علاقه بشاب تاني وفعلا هربتي معاه وانك مش كويسه لكن سليم قادر يشوف انتي مين يا يارا مش اللي الناس بتقوله ايه قليل لما تلقي ناس كده ومريم أخته صديقتك وانتي بتحبي جده وهو بيعاملك كويس جدا عايزه ايه تاني فكري في كلامي كويس وخدي قرار صح
يارا:....
يتبع
أنت تقرأ
العروس الهاربه
General Fictionعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
