يارا بصدمه:وفتحت الباب اديني خلصت اهو ياسليم
كنت بعدل حاجه في الجزمه فملقتش صوت فبرفع راسي لاعلي فارتسمت الصدمه علي قسمات وجهي لاشعر بخوف وتوتر اثر نظراته لالفظ اسمه بصعوبه بابا حضرتك بتعمل ايه هنا ولسه كنت هحضنه بس قبل مااقرب راح زقني بعيد فكدت اقع من قوه الدفع بس مسكت نفسي بابا اتفضل ونتكلم بهدوء انا بعترف اني جرحتك باللي عملته ومكنش المفروض اعمل ده بس... وقبل مااكمل لقيته ضربني كف علي وجهي فمي نزف بسببه فكان أول مره يمد يده عليا لاضع يدي علي وجنتي متالمه والدموع في عيناي بابا انا
عادل بجمود:مش عايز اسمع صوتك ولااعذارك الفارغه يا يارا انا جيت عشان اخدك من هنا وهترجعي معايا البيت ومن غير اعتراض وتنسي انك تخرجي من البيت اصلا ولاتكملي تدريبك حته
يارا بدموع ممزوج باعتراض:حضرتك عارف اني هربت عشان انا ليا احلام عشان احققها مش اكتر ده غير ان امجد كان شخص مش كويس لوحضرتك ضربتني عشان كده انا قابله بس بلاش تحطم احلامي
عادل بانفعال:احلامك ايه تاني انتي فضحتيني يا يارا استحملت اللي انتي عملتيه وهروبك من الفرح وقولت اني السبب لان جيت عليكي وكنت بدافع عنك رغم كل حاجه بس طلع كلام الناس صح انتي هربتي مع عشيقك هااا ردي يا يارا جيتي هنا عشان تعيشي حياتك معاه مش كده بس لحد كده وكفايه وانا مش هستني لما الصحافه والاعلام يعرفوا بده وتتشوه سمعتي اكتر من كده يا يارا كنت لازم تسمع كلام امل من الاول
يارا باستنكار ممزوج بدموع:بس انا مهربتش مع حد ولاعندي حبيب اصلا يابابا انت فاهم غلط وانا مكنتش اتصور انك تصدق كلام الناس وتشك في بنتك وتربيتك ليها أنا معرفش بتكلم علي ايه ولامين
أنا عارفه اني جرحتك بهروبي بس ده مش معناه انك تشكك في اخلاقي واني علي علاقه بشاب وهربت معاه
عادل بجمود:بجد خلصتي تمثيلك يا يارا رحت اديتها الصور هااا عايزه تنكري برضو انو مش حبيبك اللي علي علاقه معاه وشوهتي سمعتي وجايه تقوليلي ثقه هتيجي منين بعد اللي عملتيه ده كله انا خدت قراري هترجعي معايا واول عريس هيجيلك هتجوزيه من غير ماتعترضي
يارا بدموع:حضرتك فاهم غلط اديني فرصه اشرحلك ده صديقي والدكتور اللي بيدربني مش اكتر واتعرفت عليه هنا لانه جاري كمان واللهي مبناش حاجه حسيت من نظرته انو مش مصدقني معقول كل حاجه انتهت لمجرد انو صدق شويه صور وكلام الناس لقيته بيشدني من زراعي بعنف يابابا استني اديني فرصه اوضحلك انت فاهم غلط كان بيشدني وراه باتجاه السلم بس اتفاجئت ان حد بيشدني من زراعي الاخر فلقيته سليم
سليم بعدم فهم:في ايه وبعدين انت مين يااستاذ محدش بيتصرف كده مع حد وبعدين واخدها فين
عادل بعصبيه:يارا بنتي وانا حر اتصرف معاها زي منا عايز وهترجع معايا علي البيت
سليم بصدمه:تمام حقك وكل حاجه بس مش بالمنظر ده يااستاذ
عادل:انت ملكش تكلم ورحت مسكته من ياقه القميص بتاعته وكمان باي حق ليك عين تتكلم بعد مااستغليت بنتي وعملت علاقه معاها عشان الفلوس اكيد واتفقت معاها وهربتوا لوكنت راجل كنت تكلمني وتدخل البيت من بابه لكن انا عارف اشكالك ديه كويس لأنظر بجانبه مش خايف علي اختك لواحد يضحك عليها برضو
مريم بصدمه:استاذ عادل انا معرفش ان يارا تبقي بنتك بس حضرتك بتغلط في اخويا وانا مقدرش اسكت سليم معملش حاجه حضرتك فاهم غلط هو عمره ماساب المنطقه هنا اصلا ومنعرفش يارا غير من شهر لالمح تجمع الناس علي الصوت وبعدين ممكن نتفاهم في البيت بدل الفضايح ديه احنا علي السلم اقتنع ودخلنا بيتنا
عادل بعصبيه:مريم أنا بعزك زي بنتي بس متدخليش في الموضوع ده مش معني أن اخوكي تدافعي عنه وتكدبي وخليه يبعد عن بنتي نهائيا والاانا هسجنه ومش هيطلع من السجن طول حياته يلا وشديتها من ايديها
سليم بجديه:مسكت ايديها التانيه انا سكت لحد دالوقتي علي كم الاهانات ده والفضيحه اللي حصلت احتراما لفرق السن وانك قد ابويا يااستاذ عادل بس انا فعلا مفيش حاجه بيني وبين يارا غير اني بشرف عليها في المستشفي وهي جارتي واول مره اشوفها كانت من شهر ولااعرف انتوا عايشين فين اصلا زي ماقلت مريم وحضرتك مصدقتهاش وزي ماليك سمعتك واسمك كرجل أعمال أنا دكتور وليا سمعتي وممكن تسال عليا اي حد هيقولك أنا مين بس معالنا لاتنهد يارا بنتك في النهايه بس بدل ماتتعامل معاها كده بسبب شويه صور متدلش علي حاجه ممكن تسمعها الاول بدل ماتظلمها وتدمر أحلامها هي شاطره وهيكون مستقبلها حلو حرام تظلمها بالمنظر ده
عادل بانفعال:سيب ايديها وبعدين مش انت اللي هتعلمني الصح من الغلط وان اتعامل مع بنتي ازاي وحاجه كمان انساها من دالوقتي لانها مش هتخرج من البيت ولو حاولت تتواصل معاها هقتلك يلا يا يارا
سليم:مش هسيب ايديها حضرتك مش مصدق بنتك ولاحته مصدقني ومعتبر اننا علي علاقه مش كده
عادل بضيق:انت عايز تموت علي ايدي مش كده سيب ايدها
سليم:لا مش هسيب ايد يارا انا مستعد اتجوز يارا دالوقتي وننهي الموقف لحد كده وسوء التفاهم ده واعتقد أن الحل ده هيريحك ياعمي ولاايه
عادل بجمود:اممم بمانك قررت كده فانا مش معترض لان يارا هي اللي اختارت طريقها وخليها تدفع تمن اختيارها ده بعد ساعه هيجي المأذون وهيتكتب كتب الكتاب
سليم:لأنظر إليها لارد عليها تمام
يارا بصدمه:فضلت علي نفس صمتي محاوله مسك دموعي بس بلافائده كانت تنساب علي خدي وبعد ساعه كان المأذون جيه وتم كتب الكتاب
عادل بستخفاف:مبروك يا يارا علي جوزك اللي اخترتيه وحياه سعيده وحاجه كمان لو رماكي او اتخلي عنك في أي وقت مالكيش مكان في البيت عندي لانك معدتيش بنتي يا يارا عارفه ليه لان بنتي ماتت من زمان من ساعت ماسودت وشي وهربت من الفرح ومن النهارده مجلس اشوف وشك تاني لاي سبب لاني مش هسامحك يا يارا
يارا بصوت مبحوح ممزوج بدموع:شكرا يابابا علي اللي عملته معايا لاول مره احس اني يتيمه فعلا كنت دايما بكدب نفسي بده بس حسيته دالوقتي بس متقلقش مهما يحصل مش هرجع البيت ومش هتسمع عني حاجه عشان مشوهش اسمك قدام الناس وابقي قولهم اني مت في حادثه عشان ترتاح خالص مني وماثرش علي سمعتك
عادل:فكره حلوه هبقي افكر فيها
يارا:لقيته سبني ومشي لأنظر لظهره بالم فهو كسر قلبي واهانني وبشده تخلي عني زماني كنت عبئ أنا غلطت بس هذا العقاب قاسي لغايه لايتحمله قلبي لأنظر إليهم فلقيت اللي جم عشان يشهدوا علي الجوازه مشيوا كمان متفضلش غير احنا التلاته عن اذنكم ورحت سبتهم ورجعت شقتي وقفلت الباب جامد ورحت انهرت لاسقط علي ركبتاي فكم تمنيت في تلك اللحظه أن اخلص من حياتي ولااتحمل ذلك الاحساس القاسي
............
مريم بجديه:ممكن تفهمني ايه اللي حصل وايه اللي كان بيقوله ده وليه عملت كده
سليم بضيق:معرفش عملت كده ليه وياريت متسالنيش علي حاجه تاني ورحت دخلت اوضتي وقفلت الباب جامد
مريم بحيره:اوووف يعني كنت حابه انهم يرتبطوا بس مش بالمنظر ده كل حاجه اتلغبطت وباظت لاوكمان يارا طلعت من عائله كبيره وغنيه وهادي ازاي اخوها مش عارفه قررت اني اسيبهم شويه وبعدين اروح اشوف يارا وفعلا فضلت لبليل تقريبا ورحت خبطت علي الباب يارا ممكن تفتحيلي يارا مسمعتش حس فابتديت اقلق فلقيت سليم طلع علي اثر صوتي
سليم:في ايه صوتك عالي ليه
مريم بقلق:كنت بخبط عليها بس مش سمعالها صوت خايفه يكون جرالها حاجه او عملت في نفسها حاجه
سليم:حاولت اخبط فملقتش رد برضو فروحت كسرت الباب فلقيتها فاقده الوعي في الارض وكف ايديها مجروح ورجلها وزجاج كثير في الأرض هاتيلي علبه الاسعافات واي برفيوم يامريم بس خلي بالك لتتجرحي من اللي في الأرض وقربت منها بحرص وحملتها واتجهت لغرفه وحطتها علي السرير بهدوء وعقمتلها الجرح ولفيت ايديها ورجلها لاقترب والعقم هذا الجرح الصغير بشفتيها لأنظر لها بحزن وقربت البرفيوم من انفها
يارا بتعب:ابتديت افتح عيني بتعب لحد مااتضحت الرؤيه اااه لامسح دماغي فلقيت سليم ومريم قاعدين جنبي انتي جيتوا هنا ازاي
سليم بجديه:كسرت الباب ودخلت لان مكنش ليكي حس فمريم قلقت عليكي ولقيتك فاقده الوعي وده تقريبا بسبب هبوط شديد مع الانهيار اللي كنتي فيه كان ممكن يجرالك حاجه وبعدين انتي مجنونه كسرتي نص الشقه وجرحتي نفسك لاتنهد ولازم تاكلي يا يارا عشان متتعبيش وانقلك المستشفي
يارا بتعب:بس انا مش عايزه اكل ومش تعبان أنا كويسه لاتحاشي النظر اليه،اسفه اني قلقتك يامريم وتعبتي سليم معاكي بس انا حابه اقعد لوحدي
سليم بتنهد:صحتك مش كويسه فخلي مريم هنا انهارده معاكي وانا هرجع شقتي
يارا بجديه:لقيته هيمشي استني ياسليم انا عايزه تفسير لتصرفك انهارده كنت هروح من هنا وينتهي كل حاجه انت متعرفش بتصرفك ده دخلت نفسك في مشاكل ملهاش اخر ده غير هو انا لعبه في ايديكم عشان محدش يفكر في مشاعري
سليم بانفعال:بس انا لومكنتش عملت كده كنتي هترجعي بيتك وحياتك هتدمر واحلامك كلها هتنتهي يا يارا انا عملت كده عشانك وجوازنا هيبقي لفتره وبعدين هطلقك ومحدش هيعرف بده في المستشفي حياتك هتمشي عادي وبالنسبه لمشاكل فانا مبخفش من حد ورحت سبتها ومشيت
....................
امل باستغراب:امال فين يارا ياعادل
عادل بجمود:مكان ماهي اختارت
امل بعدم فهم:يعني ايه رفضت تيجي مش فاهمه
عادل بجمود:لاجوزتها الشخص اللي هربت معاه ومن انهارده محدش يجيب سيرتها في البيت لأن معدتش جزء منه ياامل وسبتها ودخلت مكتبي
امل بصدمه:يعني ايه اتجوزت يعني خطتي فشلت في اني ادمرها هو لازم يعرف باللي حصل
حور بعدم استيعاب:كنت بستمع لاكلامهم ايه اللي بابا عمله ده زمان يارا مدمره لاوكمان ماما مش مرتحالها بقالي كام يوم اوووف ليه الدنيا خربانه كده وخرجت لحديقه البيت وحاولت اكلم يارا بس بعد فتره ردت عامله ايه
مريم بعفويه:انا مش يارا انا مريم بس رديت علي موبايها عشان متقلقيش يارا نامت بعد ماسليم خلاني احطلها مهدئ في العصير عشان متتعبش اكتر بس هي كويسه دالوقتي متقلقيش انا هفضل معاها لحد ماتتحسن
حور بعفويه:انتي اخت سليم صح
مريم بابتسامه:اه انا اخته بس ليه السؤال
حور بتنهد:انا سمعت ان يارا اتجوزت سليم بسبب بابا بس ايه اللي حصل لكل ده
مريم بجديه:حكتلها اللي حصل ومن وقتها بحاول اتكلم مع سليم بس هو رافض يتكلم معايا اصلا
حور بعفويه:طيب هو عمل كده ليه
مريم بتنهد:هو بيقول انو عشان يساعد يارا وانها تفضل هنا وتحقق اللي هي عايزاه وده كان الحل الوحيد اللي ينهي الموضوع وفعلا استاذ عادل رفض يسمع سليم او يارا حته بس انا حسه ان سليم ابتدي يحب يارا وده هو السبب اللي هو مش معترف بيه بس خليكي واثقه انو عمره ماهيفكر ياذيها او بجرحها ياحور ولما تصحي هقولها تكلمك علطول
حور بعفويه:طيب شكرا يامريم تعبتك معايا واسفه علي اللي بابا قاله لسليم اخوكي بس ممكن رقمك لومعرفتش اطمن علي يارا ابقي اطمن عليها من خلالك لوده مش هيزعجك
مريم:هنقل رقمك دالوقتي وارن عليكي ومفهاش ازعاج ولاحاجه اتشرفت بمعرفتك ياحور هتشرف اكتر كمان لو شوفتك
حور بابتسامه:في اقرب وقت انشاء الله باي وقفلت معاها ورنت عليا فعلا وسجلت رقمها ويارب عدي كل ده علي خير وابعد امجد عن يارا بس انا لازم اعرف برضو الصور وصلتله ازاي ومين اللي بعتها
................
تاني يوم الضهر،يارا بتعب:اه يادماغي قومت من السرير وببص في الساعه لقيتها 12الضهر ينهار ازرق مصحتنيش ليه يامريم كنت المفروض اروح المستشفي
مريم بابتسامه:لاماهو سليم قالي اسيبك انهارده لانك تعبانه ومحتاجه راحه فمتروحيش خديه اجازه
يارا بانفعال:وحد قاله يقرر عني ديه صحتي انا مش هو انا اللي مفروض اخد قرار باني اروح ولالا او ياما هو حابب يتحكم فيا علي مزاجه
مريم بنبره خافته:يارا اهدي لما قالي كده فده لانه خايف عليكي مش اكتر مش بيتحكم فيكي حته جيه اطمن عليكي كذه مره بليل وقبل مايروح المستشفي جالك اطمن عليكي ومشي انا عارفه انك بتمري بضغط نفسي كبير بس حاولي تتخطيه من غير ماتجرحي نفسك او اي حد
يارا بتنهد:انا اسفه يامريم بس انا مش قدره اتحكم في انفعالاتي حسه اني مضايقه ومخنوقه ومش حابه اكلم حد عشان مجرحوش
مريم بتنهد:بس انا واثقه انك هتقدري تتغلبي علي ده انتي اقوي من ده كله
يارا بدموع:محدش قادر يفهمني يامريم لوامجد عرف بجوازي من سليم مضمنش ممكن يعمل ايه ده مجنون كان رجوعي احسن لكل فكلتا الاحوال انا مدمره يامريم
مريم باستنكار:امجد مين
يارا بصوت مبحوح:حكتلها علي علاقتي بامجد وهروبي من الفرح معرفش مين اللي فهم بابا واقنعه باللي قاله
مريم بتنهد:هو امجد يعرف انك هنا
يارا بحيره:معرفش اتمني يكون لأ وميعرفش اي حاجه عن اللي حصلت امبارح ومر اليوم وفضلت في البيت وكلمت حور طمنتها عليا وكنت مستنياه يرجع عشان اعتذرله علي اللي حصل وعصبيتي امبارح لما سمعت صوت عربيته لبست جاكيت ورحت طلعت فقابلته قدام الشقه
سليم باستغراب:اتفاجات بخروجها مره واحده انتي كويسه يا يارا او عايزه حاجه
يارا بتردد:احم كنت عايزه اعتذرلك بسبب عصبيتي امبارح اللي مكنش ليها لازمه اسفه ياسليم بس اللي حصل كان صعب عليا ومكنتش متخيله الوضع يوصل لهنا لاتنهد تصبح علي خير قبل ماادخل البيت لقيته مسك ايدي في ايه
سليم بعفويه:مش محتاجه الاعتذار ده كله انا مقدر أن اللي حصل امبارح صعب عليكي احم تحبي تتمشي شويه لومش عايزه براحتك
يارا بابتسامه:لاعادي ادخل خمس دقايق ابدل هدومي بس واجي دخلت اوضتي غيرت هدومي وطلعت انا خلصت واتجهنا لخارج بعد فتره من السكوت انت مش مضايق من اللي عملته امبارح مش كدع
سليم بعفويه:لايا يارا مش مضايق لاني عارف انك كنتي مضايقه وبالنسبه للي بينا متقلقيش هيفضل زي ماهو
يارا بعفويه:كمان عايزه اعتذر عن اللي قاله بابا واللي عمله هو عمره ماكان كده بس معرفش ايه اللي اتغير بس غالبا مدام امل اللي ورا ده بتمني احيانا أن ماما كانت تبقي لسه عايشه أنا محتاجها
سليم بابتسامه:اكيد هي حسه بيكي اه الناس اللي بيسبونا بيوحشونا بس هما في مكان احسن بكتير
يارا بعفويه:اممم عارفه ربنا يرحمها أنا هرجع المستشفي بكره عادي
سليم بابتسامه:علي راحتك يا يارا
يارا بنبره غريبه:تفتكر بابا هيجي يوم ويسمع الحقيقه ويسامحني معتقدش ان ده هيحصل في وجود مدام امل كلام بابا جرحني اوي ياسليم حته انو مدنيش فرصه اشرح اي حاجه مصدقنيش تفتكر لدرجاتي كنت وحشه عشان بسعي اني احقق احلامي مكنتش متصوره ان كل ده يحصل
سليم بعفويه:بالعكس انا محترم رغبتك وسعيك انك تحققي حلمك ولواشتغلتي علي نفسك انا واثق انك هتبقي دكتوره ناجحه يا يارا متخليش حد يهز ثقتك بنفسك وعزيمتك لازم تفضل قويه
..............
تاني يوم،مريم:انجز ياسليم عشان هتاخر علي الشغل واستاذ هادي هيطلع عيني وانا مش ناقصه
سليم بعفويه:اديني عشر دقايق اجهز طيب هاخد شور واروح البس
مريم بتنهد:طيب قعدت مستنيه فلقيت الباب خبط اكيد يارا ففتحت الباب فلقيتها عمتي وبنتها فاتصدمت بس حاولت ملاطفه الموقف عمتو زينب
اتفضلي بعد مادخلت في نفسي ايه اللي جابها علي الصبح ديه انا ناقصه مصايب لاوسليم مبيطقهاش لوطلع دالوقتي ممكن يولعوا في بعض
زينب بعفويه:انتي لبسه ورايحه علي فين وامال اخوكي فين كمان
مريم بعفويه:كنت رايحه شغلي ياعمتو وسليم جوه تحبي تشربي ايه لقيتها بتحرك عينيها حضرتك بتدوري علي حاجه
زينب:اه يعني مشفتش مرات اخوكي
مريم بعدم استيعاب:مرات اخويا مين
زينب:متكدبيش عليا عشان انا عرفت ان سليم اتجوز ومن فتره كمان
مريم بضحك:حضرتك اكيد فاهمه غلط لقيت سليم خرج علي الصوت
زينب بجديه:يعني عديت فكره انك اتجوزت من فتره من ورانا رغم انك كنت المفروض متفقين انك تخطب ياسمين لكن كمان خايف علي مراتك الحلوه ومش عايزنا نتعرف عليها منكونش هناكلها مثلا
سليم:......
يتبع
أنت تقرأ
العروس الهاربه
Ficción Generalعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
