العروس الهاربه

البارت الرابع وثلاثون

امير بضيق:قولي ياحور
حور بابتسامه:مش هقولك دالوقتي خليها لبكره عشان محتاجه اتكلم مع سليم ويارا عمتا الوقت اتاخر خلينا نروح حسيت بمضايقته بس مش في أيدي حاجه اعملها رجعنا البيت بعد فتره اتجهنا لغرفتنا انا خدت هدوم ودخلت الحمام غيرت هدومي عقبال مارجعت الاوضه لقيته مطفي النور ونايم نمت علي الطرف التاني فكان مديني ضهره امير ملقتش رد فقربت منه وحضنته من ظهره وسندت رأسه علي زراعه امير متعملش نفسك نايم انت ملحقتش يعني عارفه انك مضايق جدا مني ومن اللي بيحصل وحقك بس انا مش عايزاك تنام وانت مضايق
امير بجمود:حور أنا عايز انام مش حابب اتكلم في حاجه
حور بعفوية:تمام بس انا مش هسيبك تنام غير ماتسمعني ياامير ليلي مش من مصلحتها ترجع البيت حاليا لقيته لفلي
امير بضيق:تمام عرفت بس راعي أن ده مش سهل عليا أن أعرف أن اختي عايشه وتخيلي يوم مالقيها بعد سنين مش قادر اخدها في حضني حته عشان انا بالنسبالها ولاحاجه مجرد شخص بتشتغل عنده وانتي اكيد شايفه طبعا أني مكبر الموضوع 
حور بنبره خافته:أنا مقولتش انك مكبر الموضوع ياامير ليه مصمم تفهمني غلط بس انا كان قصدي ان لازم تتحكم في مشاعرك شويه لمصلحتك ولمصلحه ايات قصدي ليلي فيها حاجه مش طبيعيه أنا مش فاهمه هي ايه غالبا ممكن تكون فاقده ذاكرتها وده السبب الوحيد المقنع أنها معرفتكش طول الفتره ديه لأن حته لوقولنا ان شكلك اتغير شويه طيب واسمك يعني هي مكنتش صغيره لدرجه تنسي اسمها خالص وتعيش علي انها ايات بنت عايشه في مكان شعبي وبتحاول توفر الفلوس عشان تعيش وتصرف علي نفسها وعلي مامتها بس عايزه اتاكد من اللي حصلها وقتها فعشان خاطري اصبر الفتره ديه
امير بضيق:اتعدلت وقعدت هو اللي انتي قولتيه ممكن بس اني اتحكم في مشاعري صعب ياحور مابين اني عايش حياتي هنا وبين اللي كنت بعمله طول حياتي بعد الحادثه وفي نفس الوقت معرفش هي كانت عايشه ازاي في المكان ده واتعرضت لايه خلاها صعب أنها توثق في الناس أنا مكنتش اخ كويس لاني مدورتش عليها كويس وصدقت موتها في فتره زي الكل لولا أنها جت عشان الشغل مكنتش عرفت انها عايشه من الاصل
حور:قربت منه وحضنته ومسحت علي خصلات شعره فلقيته دفن وجهه في عنقي فحسيت بتساقط دموعه امير اهدي انت ليه بتشيل نفسك حاجه ملكش ذنب فيها بعدت عنه شويه واحتضنت وجهه بين كفي امير انت حاولت كتير بس اكيد فيه سبب محدد احنا منعرفوش انك مقدرتش تلقيها وقتها وانك لقتها صدفه حاليا لاتنهد تفتكر لوكنت لقيتها وقتها كانت هتعيش سعيده هنا بين كل المشاكل ديه لا طبعا متعرفش حكمه ربنا في كده ايه بس اكيد فيها خير حته لو انت مش شايف ده وانا واثقه أن كل حاجه هتتصلح لأنظر إليه وبعدين لازم تبقي اقوي من كده انت احسن اخ وصديق وزوج وحبيب ياامير مش زي مانت شايف نفسك اوبتحاول تقلل من نفسك
امير بابتسامه حزينه:بس انا مش شايف ده فعلا ياحور تصبحي علي خير لانام واعطيها ظهري
                        ...........
شهد بقلق:لقيتها بتقفل الباب ومتجهه نحوي دكتوره يارا بتعملي ايه
يارا بابتسامه:ولاحاجه ياشهد أنا لسه معملتش حاجه مش محتاجه القلق ده كله عمتا خلينا نكلم بهدوء اشربي قهوتك
شهد بقلق:نتكلم في ايه خليني اروح اشوف شغلي لوحاولتي تعمليلي حاجه الكاميرات هتصور ده
يارا بضحكه خبيثه:خبطت علي كتفها تفتكري اني هتفوتني حاجه زي كده وقربت من أذنها وهمست انا طفيت الكاميرات زي مانتي عملتي انتي واللي بيساعدك أو مسحتوا التسجيلات
شهد بإنكار:انتي بتقولي ايه أنا ممكن اصرخ لقيتها جابت مشرط وحطته علي عنقي دكتوره يارا انت اتجننتي
يارا بجمود:كانت معايا مريم لاانا كل ده بتعامل بهدوء من غير جنان فكري تعلي صوتك مش هيحصلك طيب كنتي فكراني هسيبك بعد مااتبليتي علي دكتور سليم اللي هو جوزي بانوا حاول يتحرش بيكي
شهد بخوف:أنا متبليتش ولاحاجه ده اللي حصل وقتها
يارا بجديه:شهد لوبتكدبي بسبب الشخص اللي اداكي فلوس ومهددك أنا ممكن اعمل الاسوء زي ماشوهتي اسمه وكنتي سبب في خروجه من المستشفي أنا ممكن اعمل معاكي حاجه تخليكي تطردي من هنا واشوه سمعتك وممكن اوصل لعائلتك برضو
مريم بجديه:احنا ممكن منعملش معاكي حاجه مقابل مبلغ كبير تاخديه بس تعترفي باللي عملتيه ومين ساعدك لكن لوفضلتي علي انكارك فااحنا مقدمناش غير الطريق اللي قالت عليه يارا
شهد بخوف:الاعائلتي ابعدوا عنهم بس انا لوقولت الحقيقه مش هيسبوني
مريم:هنديكي مبلغ ونخليكي تبعدي عن هنا مقابل الحقيقه
يارا بابتسامه:هااا ياشهد قرري حياتك وحياه عائلتك ولاالحقيقه فكري كويس لارد بسخرية لان محدش هيفكر فيكي سواء احنا أو هما مصلحتنا اهم وانتي اللي ياعيني  هتتظلمي في النص
شهد بدموع:لابلاش عائلتي أنا اسفهانا هقول علي كل حاجه  بس هي هددتني وخلتني اعمل كل ده بالاجبار عشان عائلتي وبعد ماخلصت ادتني مبلغ دكتور سليم مقربش مني حته والفكر يبصلي وكل اللي قولته كان كدب بسببها هو طول حياته كان شخص محترم مشفناش منه حاجه وحشه ولااتعرض لااي ممرضه كان بيعاملنا كاخواته لما بنحتاج حاجه أنا اسفه لتنهمر الدموع من عيناي انا خوفت علي عائلتي يادكتوره يارا ارجوكي متأذهمش
يارا بجديه:مش هعمل حاجه بس مين اللي اجبرك تعملي كده وهددك بعائلتك
شهد:دكتوره هايدي هي اللي خلتني اعمل كده عشان اشوه سمعته ويتحقق معاه وبكده يخرج من المستشفي لسوء أخلاقه وأهماله في عمله قبلها أنا قولت كل حاجه اعرفها بس سبوني امشي انتوا وعدتوني
مريم بعفويه:واحنا عند وعدنا ياشهد ده شيك ب١٠٠الف وتذاكر لسفرك انتي ومامتك واختك الصغيره الرحله بكره الصبح لوخايفه علي حياتك ابعدي
شهد بخوف:يعني انتوا مش هتاذوني
يارا بجديه:لوكنت عايزه ائذيكي كنت عملت ده من ساعت اللي عملتيه كل اللي عايزاه كانت الحقيقه وانا سجلتها بس لوحد عرف باي حاجه او حذرتي هايدي بانك قولتيلي حاجه مش هيحصلك خير وهتشوفي أنا ممكن اعمل فيكي ايه
شهد:لالالا مش هعمل حاجه واللهي أنا اسفه وليفكوا يدي لتخرج سريعا خوفا منهم أن يرجعوا في كلامهم لاتجه لبيتي عشان الم حاجتي قبل الصباح
مريم بابتسامه:عاش يايارا من أمتي وبقيتي كده قدرتي تبرأي سليم من اللي حصل بس هو يعرف باللي بتعمليه
يارا بتنهد:قعدت علي الكرسي بتاعي لا ميعرفش حاجه والدليل ده هيفضل ناقص طالما ملقتش دليل أن هايدي برضو اللي غيرت الادويه بس فيه لقطه من اللقطات خدتها من غير ماحد يحس بتدل أنها غيرت الروشته بس مش باين الشخص وده هيفدني اني اقدر ارجع سليم لشغله واسمه ومسمعته اللي حاولت هايدي تشوههم وأنها تقلل من احترامه كل ده عشان رفضها بس انا هوريها قيمتها الحقيقيه وهرجع كل حاجه زي ماكانت واحسن وهخلي خطه هايدي تتقلب ضدها وهي اللي تطرد
مريم بجديه:حته لوسليم ميعرفش اللي بتعمليه بس هيكون فخور بيكي بجد اخويا محظوظ انك في حياته وانك مستعده تعملي اي حاجه عشانه بس مكنتش متوقعه انك تسيبي شهد بالسهوله ديه
يارا بعفويه:اه هي كانت السبب في ائذيه سليم بس مش السبب الأساسي كانت تحت تهديد وبعدين عقابها أنها تعيش في خوف وان هي هتخسر شغلها هنا وهتضطر تسافر وتبتدي حياتها من اول وجديد وده بيبقي صعب حته لومعاها فلوس كمان امها واختها ملهمش ذنب
مريم بضحك:لاصدمتيني بقلبك الكبير عمتا خلي بالك من نفسك عشان اللي في بطنك
يارا بابتسامه:متقلقيش أنا مخليه بالي يلاخلينا نمشي خرجنا من المستشفي وبعد فتره وصلنا البيت بس لقيناها في وشنا
زينب:يعني مش فهماكي يامريم انك لسه صلتك قويه بيارا بعد مشاكلها مع اخوكي يعني لوسليم شافك معاها هيضايق اكيد
مريم بابتسامه:متقلقيش أنا شخص حيادي سليم عارف كويس أن يارا صديقتي من قبل ماتكون مراته وحوار المشاكل اللي بينهم ديه حاجه تخصهم مليش ادخل فيها يلاعن اذنك وسبتهم واتجهت لغرفتي
زينب:واضح انك بتحبي اخت جوزك اوي يايارا
يارا بضيق:لامبحبهاش بس بحاول اخلي علاقتي بيها كويسه عشان اقدر اوصل لأخبار سليم واوصلهالك ياعمتي مش ده اللي انتي عايزاه برضو وانا بقوم بشغلي كويس لاتقلقي
زينب بنبره غريبه:اممم عندك حق عمتا قريب جدا هنحقق اللي احنا عايزينه ونرتاح ومش هتضطري تمثلي علي حد
يارا باستنكار:يعني ايه
زينب بعفوية:اممم هتعرفي وقتها يلاتصبحي علي خير وسبتها ورحت لغرفتي
                        .............
ماهر:مالك راجعه متعصبه ليه من بره مش كنتي رايحه تجيبي مايه فين هي هدي انتي كويسه
هدي بضيق:لامش كويسه سمعت كلام يارا وزينب بالصدفه ياماهر
ماهر:تاني ياهدي الموضوع ده
هدي:اسمعني بس وحكتله عن اللي سمعته يارا متفقه مع زينب علي سليم ياماهر أنا كنت فكراها كويسه بس هي بتخطط من ورا سليم ازاي تدمره وكمان بتلعب علي مريم مكنتش أتخيل أن توصل معاها لدرجاتي كله الا ولادي ياماهر وان حد يأذيهم أنا مش هقدر اخسرهم كمان زي ماخسرت اخواتي كمان بابا مش هيتحمل ده اتكلم معاهم احذرهم ولااعمل ايه يارا المفروض متفضلش هنا ولارد بسخريه ويمكن حور كمان متفقه معاها علي امير ماهر انت سامعني لالف له فلقيته هادي مش مدي رده فعل ماهر لارد بانفعال انت بجد غريب بحكيلك عن مخاوفي وعن ولادنا وانت ساكت كده ولاهما عشان مش ولادك الحقيقين لاصمت اثر قولي ذلك فأنا ماذا اقول
ماهر بنظره حزينه:خلصتي ياهدي انتي عارفه كويس معزتهم عندي رغم اني عارف كويس أنهم مش ولادي الحقيقين وان ربنا مرزقناش بأولاد بس من ساعت مااتجوزنا وانا كنت بعتبرهم اكتر من أولاد ليا مبخلتش عليهم بحبي ولاباي حاجه
هدي بندم:أنا اسفه ياماهر اتعصبت ومكنتش عارفه بقول ايه سامحني
ماهر:عادي ياهدي اتعودت بس حاولي تمسكي اعصابك شويه عشان متجرحيش اللي حواليكي ومتخليش خوفك عليهم يعميكي عن الحقيقه عمر مايارا أو حور هيأذوا سليم أو امير عارفه أن المشاكل الاخيره غيرت رايك في يارا وخلتك شيفاها وحشه بس هي بجد مش كده هي بتحب سليم فعلا سيبك من ماضيها كلنا بنغلط ياهدي ويمكن كنتي تعملي زيها لوحد جبرك تسيبي احلامك وترتبطي بحد مش بتحبيه كنتي هتنسي قيمك ومعاييرك اللي بتكلمي فيها وهتفكري في نفسك وبس وممكن تبصي من ناحيه تانيه أنها لو مكنتش عملت كده عمرها ماكانت قابلت سليم اللي هو نصها التاني كان هيفضل ابنك حياته تعيسه من بعد ماحصل من سبع سنين وعمره ماكان رجع هنا تاني
هدي:انت ازاي بتفكر كده ياماهر طيب لو قولنا كلامك صح وسيبنا من حوار ماضيها وحاليا ياماهر وكلامها ده يدل انها بتحب سليم ولو ذره لاصمت اثر صوتها
يارا:كان الباب مردود وكنت متجه لغرفتي فسمعت كلامهم فخبطت علي باب بخفه ممكن ادخل ياعمي
ماهر:اتجهت لباب وفتحته اكيد اتفضلي ياحبيبتي تحبي اسيبكم
يارا:لا خليك ياعمي
هدي:خلاص أنا اللي همشي وكنت متجه لباب فلقتها مسكت ايدي
يارا:قفلت الباب اسمعيني ياماما قصدي طنط هدي أنا سمعت كلامكم بالصدفه وانا رايحه اوضتي ولأن صوتكم عالي كمان فممكن تسمعيني لاخر مره وانتي حره في رايك فيا اكيد
ماهر:هدي حبيبتي جربي تهدي وتسمعيها يمكن تهدي لتوافق وتقعد
هدي:قدامك خمس دقائق لومقولتيش حاجه مقنعه هتمشي ومش هنتكلم تاني
يارا بتنهد:تمام حكتلها علي كل حاجه وخطتنا واللي عملته أنا ومريم لحد كلامي مع عمتي لأنظر إليها فاضلي دقيقه أنا عارفه حبك لسليم بس صدقيني أنا عمري ماائذيه هو كل حاجه في حياتي انا قدرت القي نفسي معاه هو بيكملني أنا ممكن اعمل اي حاجه عشانه أنا بعمل كده عشان تبعد عننا شويه لابتسم وانظر إليها يمكن غلط زمان بس انا مش ندمانه لاني عرفتكم أنا مش مضايقه منك لاني عارفه انك خايفه علي ابنك وده حقك لاقترب منها وامسح دموعها ولاخفض صوتي وبعدين بعد فتره مش هتبقوا ام واب بس هتبقوا جد وجده قمرات
هدي بعدم تصديق ممزوجه بفرحه ودموع:انتي حامل!!لتبتسم وتهز راسها حبيبتي لأخذها في حضني أنا اسفه بجد اني فهمتك غلط سامحيني يا يارا أنا اسفه اني ضربتك وان ائذيتك وقولتلك كلام يجرحك ومردتش اسمعك من الاول بس بلاش طنط ديه قوليلي ماما
يارا بابتسامه:حاضر ياماما وانا مش مضايقه منك فمتعتذريش كل اللي ضايقني اني خسرت حبك وحضنك الدافئ اللي بيفكرني بماما اللي يرحمها لابتسم بعد كده اساليني وانا هجاوبك ومش هخبي عنك حاجه
ماهر بعفوية:خلاص ياهدي بقي انتي ماصدقتي تعيطي امك دراميه اوي خلي بالك
يارا بضحك:اه لاحظت ياعمي
هدي:انتوا بتتريقوا عليا وعلي مشاعري😐
ماهر بضحك:فكي بقي مش كده لتضحك عايزه تقولي ايه يايارا
يارا بابتسامه:دائما فاهمني ياعمو مش عايزه حد يعرف بالموضوع الا لما الامور تتحسن عشان مضمنش يحصل ايه ممكن ليهزوا رأسهم بنعم ولاضمهم هما الاثنين فأنا ابتديت احل بعض الأمور واحد تلو الآخر
                           ................
تاني يوم الصبح،ماجده:حبيبتي عايزه اقولك حاجه قبل ماتروحي شغلك
ايات:في ايه ياماما خير
ماجده:متزعليش مني بس بلاش تتقربي لحور اوي عشان انا مش مرتحالها ولاحته لجوزها
ايات بابتسامه:بس ياماما هي معملتش حاجه فليه مش مرتحالها ولابتحبيها حته لاتنهد بحزن انتي عارفه اني مليش اصدقاء يعتبر فأنا الصراحه بحبها رغم اني معرفهاش من فتره طويله حته مستر امير بيعاملني كاني أخته الصغيره مش مساعدته
ماجده بتنهد:بس انا مش مرتاحه لاسالتها الكتير عن حياتك وتقربها منك بالمنظر ده يعني اشمعنا انتي ياما هي بتشك في جوزها فقالت تتصاحب عليكي عشان تعرف تحركاته مثلا أو ناويه تستغلك في حاجه
ايات بضحك:ياماما ايه الحوارات السينمائيه ديه كلها يعني ممرش علي جوازهم غير كام شهر ده غير أن حور بتحبه فمستحيل تشك فيه وكمان هتستغلني علي ايه ياحسره مفيش حاجه هفيدها بيها عمتا ياماما شيلي خوفك الغريب ده واهدي كده وبطلي مسلسلات عربي كتير أثرت عليكي ويلا باي عشان اتاخرت علي شغلي قربت منها طبعت قبله علي خدها ونزلت بعد فتره كنت وصلت لشركه بس اتاخرت شويه بسبب زحمه الطريق فخبطت الباب ودخلت أنا اسفه جدا يامستر امير بس الطريق كان مقفول
امير بعفوية:عادي مفيش مشكله يعني بتحصل مع أي حد كله علي بعضه تأخير عشر دقائق مش ازمه
ايات باستغراب:بجد افتكرت أن حضرتك هتبهدلني وتخصملي من مرتبي
امير بابتسامه:لامش هعمل كده لاني عارف انك ملتزمه ياليلي وان اكيد فيه حاجه حصلت مش بايدك
ايات بعفوية:تمام شكرا لحضرتك بس انا اسمي ايات مش ليلي واضح أن لغبت بيني وبين موظفه تانيه هنا
امير بحزن يخفيه بداخله:أنا آسف ياايات أنا قولت الاسم بالغلط من غير مااخد بالي بس ليلي ديه اختي اللي قولتلك عليها قبل كده فيها شبه منك مش موظفه
ايات بابتسامه:اممم واضح انها وحشتك ووجودي بيفكرك بيها
امير بعفوية:عندك حق وحشتني كتير بتمني أن اقابلها لمجرد لحظات بس ده طبعا مستحيل
ايات:اكيد هي حسه بيك ومش حابه تشوفك مضايق لأنها بتضايق هي كمان
امير بنبره غامضه:تفتكري أنها حاسه بيا ياايات
ايات:اكيد عمتا هروح اعمل القهوه لحضرتك
                        ............
حور:حكتله اللي انا اعرفه أنا قولت نتكلم امكن ياسليم تفيدني بحاجه تخص الحادثه وكده
سليم بصدمه:يعني ليلي عايشه بس انا مشوفتهاش ليه لما روحت الشركه
حور بعفوية:مش كل الوقت بتبقي في الشركه ياسليم عشان كليتها ومحاضرتها وكده فهي بتبدل هي وبنت تانيه عمتا انا جيت اتكلم معاك بخصوص اللي حصل من سبع سنين بالظبط ومكان الحادثه ولو في المنطقه ديه فيه مستشفيات قريبه
سليم:كل اللي قولته ياامير يخص الحادثه ده اللي
أنا كمان اعرفه احنا عقبال ماوصلنا لمكان مكنتش ليلي موجوده وقتها الكاميرات اللي موجوده علي الطريق كانت متعطله دورنا في المستشفيات اللي قريبه من الطريق بس ملقنهاش
حور بجديه:فكر تاني ياسليم امكن نقدر نوصل لحاجه احنا قدرنا نعرف انها هي بس مش قادرين نعرف ازاي وصلت لعائله ديه
سليم بتنهد:مش عارف الصراحه لاشرد قليلا لاتذكر شئ بس افتكرت فيه مستشفي صغيره تعتبر علي الناحيه التانيه من الغابه قريبه من العنوان اللي بتقولي عليه وبعيده شويه عن مكان الحادثه ممكن تكون نقلوها لهناك أنا مش قادر اصدق ازاي عدت حادثه زي كده ديه شبه معجزه
حور بعفوية:طيب كويس جدا قولي علي عنوان المستشفي وانا هشوف الحوار ده
سليم بجديه:ليه امير مقاليش الفتره اللي فاتت انو شاكك في حاجه زي كده رغم انو عارف أن الموضوع ده يهمني زي مايهمه بس واضح أننا من كتر المشاكل معدناش زي الاول
حور بعفوية:لامش الموضوع كده ياسليم هو مرضيش يقول لحد عشان ميعلقكوش باامل ممكن ميكونش صح كان مستني يتأكد وحاليا هو في حاله اكتئاب وبيلوم نفسه انو كان السبب في الحاله اللي عايشاها ليلي حاليا وفي نفس الوقت هي مش فاكره اي حاجه غالبا فاقده الذاكره وانا حاولت كتير اتكلم مع امير ان ملهوش علاقه وإن ده كان قدر ومكتوب بس مفيش فايده متهيالي انو ممكن يسمع كلامك انت ياسليم وبعدين مش يارا كانت جايه فطست في الطريق
سليم:هحاول اتكلم معاه واحنا في الشركه،مش عارف اتاخرت ليه وكمان أنا حاسس ان اختك بتعمل حاجه من ورايا ومش عارف هي ايه لأنظر إليها اكيد انتي تعرفيها ياحور فقوليلي قبل ماتعمل مصيبه
حور بضحك:لاواللهي معرفش حاجه بس فعلا هي بتعمل حاجه مسيرنا نعرف قريب انت قلقان ليه
سليم:قلقان عليها لأن أي حاجه بتعملها حاليا فهي مخاطره كبيره بحياتها وانا مش عايز اخسرها ياحور
حور بابتسامه:لامتقلقش يارا معدتش زي ماكانت يعني يتخاف منها مش عليها وبعدين انا متاكده أنها فتره وكل حاجه هتعدي وترجع طبيعيه ياسليم وكلنا هنبقي كويسين ووقتها هنقعد نضحك علي اللي بنمر بيه حاليا
                     ...............
بعد مرور اسبوع،ساره بتعب:أنا تعبت كفايه كده انهارده
مهند بعفوية:بس احنا معملناش تدريبات كتير انهارده
ساره:هو انت موركش غيري يامهند روح شوف المستشفي اللي انت فيها ولاعيادتك وارحمني
مهند بضحك:لافاضي الفتره ديه موريش غيرك ياساره عمتا مش حابب اجهدك يعني نوعا ما شايف استجابه لو بسيطه انك بتحركي ايدك علي بسيط ومع الوقت هتتحسني اكتر ممكن اسال سؤال
ساره:اسال
مهند بعفوية:ايه مخطاطاتك بعد ماتتحسني وترجعي طبيعيه
ساره بضحك:ولااي حاجه الحقيقه ممكن اكمل دراستي واشتغل في أي مكان ده اقصي طموح ليا حاليا بتبصلي كده ليه
مهند:اصل افتكرتك هتقولي زي اي بنت في سنك احب وارتبط😅
ساره بتنهد:لابطلت افكر في الحوار ده عمتا انت اللي المفروض تسأل نفسك متجوزتش ليه لحد دالوقتي استني هتقول اصل شغلي خد كل وقتي ملقتش البنت المناسبه اللي تخطف قلبي
مهند بضحك:لادماغك عاليه بهرتيني لارتشف قليلا من القهوه ولاحاجه من اللي قولتيها أنا دكتور عايش حياتي علي الاخر وفي نفس الوقت مش مقصر في شغلي تخمينك غلط😂
ساره:يبقي تخميني التاني هو الصح
مهند:لا برضو أنا حبيت بنت كانت معايا في الكليه واتجوزنا بس انفصلنا بعد سنه
ساره:احم أنا اسفه لو ضايقتك
مهند بعفوية:لامضايقتش ولاحاجه ياساره مرتحناش مع بعض كنا مختلفين جدا عن بعض في حاجات كتير وده سبب مشاكل بينا لاتنهد بس كده وهي اللي قررت ننفصل عشان معدتش قادره تستحمل العيشه وكده هي حاليا متجوزه وسعيده وانا فرحان ليها أنها لقت الشخص المناسب ليها
ساره:انت ازاي مش مضايق رغم انك حبيتها
مهند:عشان محبتهاش كان مجرد اعجاب بشخصيتها وروحها وراح مع الوقت من المشاكل يلا معالنا ده علمني من وقتها أن مفيش حاجه تستاهل أننا نضايق نفسنا عشانها كله بيعدي وبيكون الصالح لينا
ساره:مش كل حاجه ممكن تكون صالح لينا من وجهه نظري يامهند
مهند بابتسامه:مع الوقت هتكتشفي أن كلامي هو الصح ياساره عمتا مهما ايه اللي كان مريتي بيه فلازم تتخطيه وتتعلمي منه وتكملي لاحرك يدي امام وجهها روحتي فين انا عارف اني شاطر وكلي حكم امشي كدكتور نفسي مع علاج طبيعي ولاايه😂
ساره بضحك:تبا لغرورك ياشيخ أنا شاكه اصلا انك دكتور شكلك ميديش
مهند بضحك:امال شكلي يدي ايه من وجهه نظرك😂
ساره بضحك:لو اكرمتك هقول محامي😅
مهند بعدم تصديق:لو اكرمتيني امال من غير إكرام ايه😕
ساره بضحك:واحد مجنون عاطل عن العمل😂
مهند بضحك شديد:ربنا يكرمك يابنتي اخوكي موصيكي عليا ولاايه😂
ساره:لاديه توصيه من عندي عشان بتتعبني في التمرينات يامهند😂
مهند:بقي كده ماشي هيطلع عليكي كل ده الفتره الجايه لاشرد في ضحكتها فكم هي جميله
ساره بضحك:اه اومال لاهدأ بتبصلي كده ليه🤨
مهند:احم لابعد نظري عنها سرحت في الاشئ مش اكتر يلا انا همشي بقي ومتنسيش تدربي علي التمرينات اللي قولتهالك أنا موصي هادي يفضل فوق راسك عشان متكسليش يلا سلام لاتجه لخارج فأنا لا اعرفها من فتره طويله بس هناك شئ يجذبني إليها لااعرف ماهو
                          .............
في الشركه،سليم بضحك:مش ناوي تعقل يابني وديت اكتئابك فين أنا قولتلك ياحور قبل كده امير والاكتئاب صعب يعيشوا مع بعض كتير
امير بعفوية:الحق عليا عشان بهزر معاكم وبفك الجو آخرها مش حاسين باحزاني وبتضحكوا عليها😕
حور بضحك:ايه ياعم ده انت كنت تنفع في التمثيل اكتر من انك تبقي دكتور وتسقط البشريه😂
امير باستنكار:أنا بسقط طيب بماني كده شوفي هتعدي من مادتي ازاي ياحور هكرمك علي قد كلامك ده🙄
حور:لااهدي ياامير مش كده كنت بهزر يسطا يرضيك بابا يعرف أن نجحت في المواد كلها وسقطت في الماده اللي بيديها جوزي هيبقي شكلك مش حلو وقتها😅
سليم بضحك:كفايه انتوا الاتنين هفطس منكم😂
امير:شوفت بقالك اقد ايه مضحكتش كده بس ايه رايك في قعده الشركه شوفت حلوه ازاي اللي فضلت طول حياتك تتهرب وترفض انك تيجي تشتغل فيها وعملت مشاكل قد كده وحاليا قاعد وبتضحك فيها
سليم بتنهد:منكرش عملت مشاكل كتير واتخانقت مع بابا كتير لان مكنتش عايز ادير الشركه لأن كان حلمي اني اشتغل دكتور في مستشفي بس هو مكنش متفهم ده ومع شويه عند مني الموضوع كبر بس غير حوار العند مع بابا  انا وقتها كنت شايف أن صعب اعمل الاتنين وان مش هقدر أوفق بينهم من غير مااثر في حاجه فيهم بس غالبا كنت غلطان اللي مريت بيه الفتره اللي فاتت خلاني اغير وجهه نظري يعني فضلت كذه سنه اشتغل في المستشفي وفي الاخر خرجت منها ازاي فعادي بقي
امير بعفوية:عمي لوكان عايش كان هيبقي فخور بيك ياسليم عمتا اقدر افهم من كلامك ده أن بعد ماتتحل مشاكل شغلك مش هتسيب الشغل وهتساعدني أنا وعمي ماهر
سليم:لوكان بقي عمتا لوحته اتحل عادي هستمر في شغلي هنا متقلقش همشي الاتنين مع بعض اوعدك بده كنا طالبين اكل ومشروبات بعد شويه كنا خلصنا
امير:هي يارا مش ناويه تيجي
سليم بتعب:زمانها في الطريق ابتديت احس بدوخه فقعدت هو أنا حاسس بدوخه شديده ليه لتبتدي الرؤيه تكون غير واضحه مفيش حاجه وفقدت الوعي
حور بقلق:لأنظر إليهم فالاثنين فقدوا وعيهم وجههم شاحب وانا كنت ابتديت احس بدوخه وتعب بمعدتي بس بحاول اسيطر عليها حاولت انادي علي حد بس شبه صوتي مش موجود لاحاول الوصول لهاتفي ولكن فقدت توازني ووقعت بس فضلت اعافر لحد ماوصلتله ورنيت علي يارا
يارا:الو ياحور أنا جايه في الطريق
حور بتعب شديد:كنت ممدده علي الارض لا اقدر علي رفع رأسي لاهمس بصوت خافت يارا اتصلي بالاسعاف وقبل مااكمل كلامي فقدت وعي ليتحول كل ماحولي لظلام قاتم
يارا:......
يتبع
محدش يوصل لنهايه ويستغرب نهايه الروايه الحاليه أنا بقالي فتره بعدل في الروايه عشان تبقي نهايه مناسبه لكل شخصيه وده طبعا بياخد وقت أن اعدل أو أضيف مشاهد أو اغير مشاهد بتمني أن الحوار ده ميضايقش اي حد بيقرا الروايه وشكرا جدا لاي حد عمل فويت أو كومنت❤️