بعتذر عن التاخير
سليم بعفويه:فهو مين يا يارا يبقي حبيبك
يارا بتنهد:لاامجد مش حبيبي ولاهيكون في يوم من الايام لاني بكرهه لانه آذاني كتير هو كان خطيبي وانفصلنا بسبب مشاكل بعد فتره قصيره من الخطوبه،في نفسي:انا ليه مقولتش الحقيقه انو كان هيبقي جوزي وانا هربت من الفرح ليه كدبت لالعن نفسي اوووف مني لله احم سليم الوقت اتاخر و انا عايزه اروح
سليم بعفويه:لاوافق بهدوء فأنا شعرت اني ضايقتها مكنش لازم اسال تمام بعد فتره كنا وصلنا تحت البيت للقطع الصمت لاتكلم يارا انتي اضايقتي من سؤالي بجد انا اسف
قطعتني بابتسامه:لاعادي ولايهمك انا مش مضايقه وسبته واتجهت لداخل بعد مادخلت الشقه وفتحت النور وقعدت علي الكنبه وغمضت جفوني وبفتحها اعاااااا ورحت جريت فلقيت سليم في وشي من غير مااحس روحت اتشعلقت في رقبته ولفيت رجلي رجلي حول خصره لادفن وجهي في عنقه بخوف
سليم بخضه:في ايه يامجنونه
يارا بصوت عالي:متقوليش مجنونه انا بخاف منه عندي فوبيا😲
سليم:هو ايه اللي بتخافي منه يا يارا وخلاكي تصرخي وتجري كده
يارا بتردد:بعدت عنه شويه فيه صرصار كبير في الصاله وممكن يكون بيطير كمان وانا بخاف منه لقيته بيضحك انت بتضحك علي ايه بقولك عندي فوبيا وبخاف وانت بتضحك عليا😣لحظت قربي منه فابتعدت
سليم بضحك:يعني انتي عامله كل ده عشان صرصار مش شايفه حجمك من حجمه ده زمانه خاف من اللي عملتيه😂
يارا بغيظ:شكلي مش هقتل الصرصار بس هقتل حد تاني عشان بيضحك عليا وبيتريق😒انشاء الله يطلعلك واحد بليل وتلقيه علي قفاك ياسليم عشان تتريق عليا تاني
سليم بضحك:ايه اللي انتي بتقوليه ده عمتا هروح اشوف استاذ صرصار راح فين واقتله عشان اخلص من صوتك اللي خرم ودني ده واروح انام
يارا:كنت واقفه علي الكنبه لحد مايلاقيه واخيرا بعد فتره لقاه وقتله وكان هيرجع بيته لقيت النور قطع اعااااا😰
سليم بخضه:في ايه سرعتيني وقطعتيلي الخلف بسبب صوتك ده النور قطع مش اكتر متقوليش انك بتخافي من ده كمان هنا النور بيقطع سعات بسبب الجو وبيفضل لصبح لقيتها مسكت في زراعي
يارا بخوف:بس انا فعلا بخاف من الضلمه وعندي فوبيا منها وبحس اني مش قدره اتنفس عدل
سليم بعفويه:تمام اهدي ورحت شديتها لحضني وقعدت امسح علي خصلات شعرها انا معاكي اهو
تمام اهدي ورحت مطلع الموبيل وفتحت الاضاءه بتاعته عندك شموع هنا
يارا:لامعنديش عشان مكنتش اعرف ان النور بيقطع هنا
سليم بتنهد:تمام هروح اجيب شموع من عندي واجي
يارا بضحك:لامسك زراعه هتسيبني لوحدي
سليم بضحك:طيب اعمل ايه ماهي الشموع مش هتيجي لوحدها لازم اروح اجيبها اديني خمس دقايق واجي سبتها بعد عذاب واتجهت لشقتي جبت الشموع ورجعت اضئتهم ورحت قعدت جنبها كده احسن
يارا بعفويه:اه شكرا انا اسفه علي اللي عملته يعني اصل مش متعوده علي كل ده في بيتي وسكت
سليم:سكتي ليه
يارا بعفويه:عشان معتقدش انو بقي بيتي ومعنديش غير البيت ده ولازم اتعوض علي الحياه ديه
سليم بجديه:مش حابب اتدخل في حياتك بس مش معني انك قررتي تستقري بعيد عن اهلك فبيتك القديم معدش ليكي مكان فيه يا يارا
يارا بضيق:بس انا مستحيل يبقي ليا مكان فيه بعد اللي عملته وهربت من فرحي وجيت هنا
سليم بصدمه:ايه..
.............
مريم بنفاذ صبر:مستر هادي انا عدلت التصاميم شوفها ورد عليا
هادي بجديه:تمام حلوه بس احنا لسه قدامنا بتاع عشر تصاميم لازم يخلصوا عقبال بكره الضهر
مريم بصدمه:عشره ليه ويخلصوا امتي دول
هادي بعفويه:ده عشان اولا شغلك عجبني وطلع كلام بابا صح عنك وكمان لان زميلتك اللي شغاله معاكي علي التصاميم ديه وكانت ماسكاهم ايديها اتكسرت
وفي المستشفي فلاسف هتستلمي شغلها لحد ماتتحسن ولازم الشغل ده يخلص
مريم بجديه:الشغل ده مستحيل يخلص عقبال بكره انا التصاميم ديه تعبت عقبال ماعملتها وخدت وقت
هادي بتنهد:مريم لو بطلتي رغي وابتديتي فيهم انا واثق انك هتخلصيهم عقبال الضهر يلا روحي علي شغلك لوخلصوا هتاخدي بقيه اليوم اجازه
مريم باستخفاف:مش شايف انو كتير اوي تديني بقيه اليوم اجازه يامستر هادي ده تبذير جامد اوي
هادي:لومسكتيش هسحب بقيه اليوم اللي مش عاجبك يامريم وبتتريقي عليه
مريم بضيق:سكت بس اديني بقولك اهو اللي انت بتقوله مستحيل يخلص لانه كتير والوقت قليل اوووف لسه جايه اتحرك اخرج من المكتب لقيت الباب مقفول ايه ده
هادي بعدم فهم:في ايه
مريم بجديه:الباب مقفول انت اللي قفلته مش كده
هادي بعفويه:لامقفلتوش انتي اللي مش عارفه تفتحيه اتجهت ناحيتها وحاولت افتحه بس لقيته فعلا مقفول فااتعصبت عليه فكسرت المقبض وطلع في ايدي
مريم باستخفاف:تؤتؤ عيب يامستر هادي معرفتش تفتحه لانه طلع مقفول وكسرته كمان عاش وحبستني هنا منك لله علي اليوم اللي جيت فيه هنا
هادي باستنكار:بتدعي عليا يامريم وانا مالي مكونش انا اللي قفلته وبعدين لمي لسانك متنسيش أني مديرك
مريم:مش انت اللي قفلته بس انت اللي كسرته مثلا
هادي:اوف بس رغي كتير افصلي شويه صدعت هتصل بحد يجي يفتحه مفيش حاجه ولقيت النور قطع كمان اهي كملت اتجهت لمكتب وفتحت الموبيل فملقتش شبكه عشان اكلم حد حته الله يخربيت النحس انتي السبب
مريم بضيق:انا السبب برضو ااه ياربي عملت ايه في حياتي عشان اتحبس مع الكائن ده لا وكمان معرفش امتي ممكن حد يجي ويفتح الباب انا عندي اقتراح ايه رأيك تكسر الباب بالمره ونخلص
هادي بنفاذ صبر:الباب ده صعب يتكسر يامريم مقدمناش غير نستني حد يجي ويفتح الباب من بره لان اكرته اتكسرت وهي كانت بايظه بتعلق اصلا وانا نسيت ده كان لازم تخليهم يصلحوها لأنها لما حد بيقفل الباب مبيتفتحش غير من بره
مريم بجديه:ولسه جاي تفتكر دالوقتي مابدري وبعدين كنت المفروض تصلحها ادينا اتحبسنا هنا بسببك،وفي نفسي:ياترا بتعمل دالوقتي ايه ياسليم اكيد نمت طبعا اعااا علي حظي الاسود😣
.................
سليم بصدمه:ايه معني كلامك دالوقتي يا يارا انتي مرتبطه انتي مش قولتي انفصلتي عن خطيبك
يارا بتنهد:ايوه بصراحه هو فيه حاجه كمان غير كده وحكتله علي اللي حصل انا هربت عشان حابه احقق احلامي وذاتي مش لمجرد اني ابقي جزء من البيت لان هتجوز واحد غني مضطره اتصنع تصرفات كتير قدام الناس واخد بالي من ده وده انا مش حاجه ممكن حد يتحكم فيها علاقتي باامجد كانت غصب من بابا جواز مصلحه نوعا ما وانا هربت من فرحي وبابا زمانه مضايق مني ومرات بابا امل مستحيل تخليني ارجع باي شكل لانها مش طيقاني وامجد لوعرف مكاني هتبقي مصيبه تانيه وحقيقي انا حياتي حلوه جدا معرفش انا عايشه ليه لاتنهد انا اسفه اني صدعتك
سليم بابتسامه:لاعادي صدعيني زي مانتي عايزه احنا اصدقاء مفيش مابينا كده بس ليه محاولتيش تكلمي باباكي
يارا بتنهد:جربت من يومين اكلم حور وتديله الموبيل بس هو رفض يكلمني او يسمع صوتي حته عارفه اني جرحته بس مكنتش هقدر اعيش كده عمتا هفضل احاول لحد مايكلمني
................
بعد مرور شهر علي ماحدث،رجل من الامن"استاذ عادل الظرف ده جيه لحضرتك
عادل بتنهد:تمام سيبه علي المكتب وامشي بعد ماخرج مسكت الظرف وفتحته وخرجت اللي جواه وكانت مجموعه صور ليارا مع شاب الصدمه احتلت ملامحي اكتر لما فتحت الورقه وقريتها اوووووف يا يارا واضح اني لازم اتصرف معاكي غلطت لما فكرت اتغاضي عن اللي حصل وكدبت كل اللي حواليا
امل بابتسامه خفيه:مش قولتلك وانت مصدقتنيش بنتك مطلعتش سهله هربت معاه وياترا كمان بينهم ايه مش عارفه ازاي قدرت تكسر ثقتك بالمنظر ده انا من رأي تروح ترجعها هنا وتقعدها في البيت كفايا اوي اللي عملته وحاول تكلم مع امجد وتهدي معاه المواضيع كمان يعني انت وقفت ضده عشان بنتك وطلع إن كان معاه حق وهي هربت مع حبيبها
عادل بجديه:بس انا لازم اتكلم معاها قبل مااخد قرار في حقها وامكن اكون غلطان ديه مجرد صور ياامل
امل بجديه:عايز اكتر من كده ايه ياعادل عشان تصدق لما الصحافه تعرف والخبر أو الصور ديه تنتشر في كل مكان انها هربت مع حبيبها وعلي علاقه معاه وبعدين اكيد هي كدبت لما اتكلمت علي امجد كده ياما هو معملهاش حاجه ياما هي عملت حاجه استفزته بيها بلاش قلبك يحن ياعادل مش بعد ماتعبت وخليت اسمك يعلي ويكون ليك سمعتك هي ببساطه تدمر كل حاجه وتدمر مستقبل اخوتها اللي اتنين كمان لومش هتعرف تتصرف وترجعها انا ممكن اعمل ده
عادل بجمود:انا هتصرف بكره الصبح هجيبها غصب عنها هنا وعندك حق كفايه اللي حصل بسببها الفتره اللي فاتت
امل بابتسامه انتصار:ياه شكل الايام الجايه حلوه جدا عليكي يا يارا اه هترجعي علي البيت وانا مكنتش عايزه ده بس هعرف اخلص منك خالص بطريقه حلوه عندي خطه لو مشيت هفرح جدا
...................
مريم بعفويه:احلي حاجه واللهي انك انتي وسليم بطلتوا تتخانقوا يااه علي الهدوء
يارا بضحك:مين قال كده لسه متخانق معايا امبارح في المستشفي عمتا الاحلي اني بقي عندي صديقه قمر كده بجد انا مبسوطه اني جيت هنا والامكنتش هقابلك يامرموره
مريم بضحك:مبسوطه انك جيتي هنا واتعرفتي عليا مش قصدك علي حد تاني مثلا😂
يارا بتوتر خفي:لاانا بتكلم جد انا بعتبرك زي اختي حور
مريم بتساؤل:ملكيش اخوات تاني
يارا بعفويه:لاانا عندي حور وهادي وساره بس هما مش اخواتي الشققه هما يبقوا ولاد مرات بابا بس انا بحبهم وبعتبرهم اخواتي لاننا اتربينا مع بعض هادي ماسك شغل بابا وحور لسه بتدرس
مريم بعفويه:وساره
يارا بتنهد:معرفش عنها حاجه هي مبتحبنيش زي مدام امل مرات بابا عمتا سيبك ديه عائلتي الصغيره واخبار جدو خالد ايه
مريم بضحك:كويس بيسلم عليكي
يارا باستغراب:هو لسه فاكرني
مريم بعفويه:اه لسه فاكرك وانك مرات سليم تصدقي حاجه غريبه لانه فعلا بينسي كتير احيانا بينسي اني حفيدته بس الواضح انو حبك واعتبرك كنته هو شايف انك انتي وسليم مناسبين جدا مع بعض لاول مره اشوفه فرحان من ساعت موت بابا وماما غير لما افتكرك انك مرات سليم امكن كانت نظرته صح وخياله يتحول حقيقه
يارا بدهشه:ايه انتي بتقولي ايه يامريم انا وسليم مستحيل نبقي مع بعض او نرتبط
مريم بعفويه:ماشي انا عارفه ان سليم عصبي شويه وامكن مش شخص مثالي زي ماتتمني بس بجد بحس بانسجام غريب بينكم حته لو انتم مش شايفين ده بسبب مشاكلكم اللي مبتخلصش
يارا بعفويه:بصي يامريم مش فكره شخصيه سليم نهائيا وانو عصبي وكده بس انا بعزكم انتوا الاتنين كاصدقاء ليا لان حبي لاي حد هيسببله مشاكل وانا مش عايزه ده انا كده كويسه يامريم وغيري السيره ديه بقي وياريت منكلمش فيها تاني
...............
امجد بابتسامه:هااا ايه الاخبار ياامل خطتنا نجحت
امل بعفويه:ايوه عادل سافر وعقبال بكره بليل هتكون هنا وانا هساعدك انك تخدها من هنا وانتقم او اعمل فيها اللي انت عايزه
امجد بجديه:طلعتي مش سهله ياامل استقليت بيكي وفكرتك كانت حلوه اننا زرعنا جواه الشك ناحيه يارا وكسرنا الثقه اللي بينهم ياه امتي تبقي تحت ايدي بس
امل بعفويه:كلها ساعات متقلقش بس انت عارف مكانها مروحتلهاش ليه جبتها من هناك او خطفتها
امجد بتنهد:كنت هعمل كده بس اللي وقفني وجود الدكتور واخته واللي هما اقرب ناس ليها هناك واصدقائها ومعظم الوقت الدكتور معاها وساكن قدامها ولوحاولت ممكن يعملي مشاكل
امل:بس انت بنفوذك تقدر عليه ورجالتك ممكن يخلصوا منه
امجد بجمود:مفيش داعي اعمل قلق عشان صورتي قدام الناس كفايه اللي عملته يارا مش هي هربت عشان تحقق احلامها بمجرد ماترجع هنا هدمر احلامها ومستقبلها هوصلها لمرحله انها تنتحر وتخلص من حياتها عشان مش هقدر تعيش مع الحاضر ده وفي نفس الوقت ولاهتجوزها ولاهسمح انها تجوز حد تاني لاني هاخد اللي انا عايزه منها وهرميها وده هيكون انتقامي منها بتمني تكوني فهمتيني
امل بحقد:اممم فهمتك عمتا ميهمنيش هتعمل ايه فيها انشاله تقتلها مش هتفرق المهم اخلص من قرفها وخلاص
امجد بابتسامه:متقلقيش هقوم بالواجب مش هقتلها بس هوريها ايام حلوه وبعدين ارميها في الشارع وتاكدي انها بعدها مستحيل تقدر ترجع علي البيت وسعتها هكون انتقمت منها ومن استاذ عادل اللي دربني كف علي وجهي وهاني قدام الكل مكنش يعرف ان تمن القلم ده غالي اوي وهتدفعه بنته اللي هربت من الفرح وعملت نفسها استرونج ومن وهي ولاحاجه هخليها تتمني الموت وتترجاني بس مش هنولهولها بالسهولة ديه
...............
سلمي باستغراب:مالك ياحور بقالك فتره ساكته ومش علي بعضك
حور بقلق:مش عارفه بس فيه احساس غريب عندي وان فيه حاجه مش حلوه هتحصل كلمت يارا وكانت كويسه بس برضو مش مرتاحه ربنا يعديها علي خير
سلمي بابتسامه مطمئنه:متقلقيش يارا كويسه ومعتقدش ان امجد ممكن يتجرأ ويقرب منها لانه كده هيوقع نفسه في مشاكل فااهدي كله خير اخبار عمي عادل ايه
حور بتنهد:كويس الحمدلله يارا حاولت تكلمه من يومين ورفض انا حسيتها اضايقت بس هي متكلمتش وقفلت معايا مش عارفه اساعدها ازاي بابا قدام ماما بيدافع عنها وكلمني علي اساس اروحلها ومسبهاش لوحدها وفي نفس الوقت مش قادر ينسي اللي عملته من شهر ولايسامحها كليا مش قادر يتخلي عن غروره شويه عشانها صدقيني هي مكسوره ومحتاجه حد معاها بس مفيش
سلمي بتنهد:اممم بقالي فتره مش قادره اكلمها ومشغوله مع ماما بس اتمني ان كل حاجه تتحسن مع الوقت واكيد عمي عادل هيسامحها بس هو محتاج وقت مش اكتر
................
تاني يوم الصبح،يارا:كنت بفطر معاهم طيب هروح ابدل هدومي عشان منتاخرش علي المستشفي وتقعد تقولي انا السبب كل مره
سليم بضحك:يعني ماهي الحقيقه انتي السبب في كل مره عمتا روحي عشان كمان هنوصل مريم الاول
يارا:يخربيت الظلم 😒
مريم بضحك:معلش روحي بقي عشان انا اللي هتهزق لو اتاخرت
يارا بضحك:لاجلك بس يامريومه هروح واتجهت لشقتي وجهزت وبدلت هدومي وكنت باخد كذه حاجه فلقيت الباب بيرن الجرس حاضر ياسليم متاخرتش كتير يعني مكنتش دقيقه تأخير مثلا يخربيت المواعيد المظبوطه ورحت جبت الجاكت والشنطه بتاعتي وفتحت الباب اديني خلصت اهو ياسليم بس كنت بعدل حاجه في الجزمه فملقتش صوت فبرفع راسي لاعلي فارتسمت الصدمه علي قسمات وجهي لاشعر بخوف وتوتر اثر نظراته لالفظ اسمه بصعوبه بابا.....
يتبع
أنت تقرأ
العروس الهاربه
Ficțiune generalăعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
