سليم بعصبيه:انا نفسي اعرف طلعتيلي منين بقالي اعرفك يومين مابتعرفيش تعملي حاجه من غير ماتخربيها وتقولي انا بتعصب ليه مهو بسببك يا يارا شوفي اسمك رقيق ازاي لكن انتي مصيبه و نزلت فوق راسي يوم مابقيتي جارتي وكمان الحظ الاسود خلانا نشتغل مع بعض
يارا بنبره خافته:هو فعلا يوم اسود يوم ماشوفت وشك ياسليم😒
سليم باستنكار:انتي بتقولي ايه
يارا بابتسامه:اللي انت سمعته زي مانت مجبر تشوفني انا مجبره اشوفك برضو واشتغل معاك لاسف
.................
حور بعفويه:بابا الفطار جاهز يلاعشان متتاخرش
عادل بجديه:مليش مزاج اكل دالوقتي بصي ياحور اقفلي الباب وعايز اتكلم معاكي في حاجه مهمه
حور:قفلته ورحت قعدت جنبه خير يابابا
عادل بتنهد:انا عارف انك عارفه مكان يارا وانك اللي ساعدتيها تهرب وامكن كلمتيها كمان انا يمكن قسيت عليها ومرضتش اسمعها وكنت السبب في كل ده بس كل اللي يهمني انها كويسه وتبقي بعيده عن هنا
حور بعفويه:متقلقش يابابا هي كويسه وكلمتني وسالت عليك كمان بس ايه الموضوع المهم
عادل بجديه:عايزك تبعدي عن هنا ياحور اخاف امجد يتجنن وياذيكي انا مش هستحمل ده وكمان مش حابب يارا تفضل لوحدها بعيده عن الكل فقررت علي اول الدراسه تروحيلها مش حابب اعرف هي فين طالما هي مش عايزه ده وتنقلي من كليتك وانتي عارفه ان بعلاقاتي كل حاجه بتتحل ايه رايك
حور بحيره:انا حابه اكون معاها ومسبهاش بس انت يابابا مش عايزه اسيبك انا وعدت يارا اني اخلي بالي منك وكمان ماما لوعرفت اني هروح ليارا مش هتوافق
عادل بجديه:بس انا كويس ياحور لكن مش هبقي مطمن علي يارا كفايه اني كنت السبب في كل ده وبالنسبه لمامتك فمش هقولها حاجه خليها مفاجئه وفي الاجازه هترجعي علي هنا عادي شوفي وردي عليا بقرارك النهائي ايه
...............
مريم:كنا قعدين بنفطر بس عم السكوت المكان بس ليست خاليه من نظرات سليم الغاضبه ليارا وتصنعها هي بعدم الاهتمام قطعت الصمت صدقوني ياشباب لو احنا في جنازه مش هنقعد كده
يارا بنبره خافته:عايزانا نعمل ايه عشان منبقاش في جنازه نكمل خناق مثلا
مريم بضحك:لاخناق تاني لأ وجعتولي دماغي وبالذات انت ياسليم منك لله
سليم بجديه:مش هرد عليكي اصلا يامريم لقيت الجرس بيرن روحي افتحي بقي
مريم باستغراب:مين هيجلنا علي الصبح محدش بيجلنا اصلا
يارا بتنهد:قومت مسكت الاطباق عشان ادخلها المطبخ بس واتحركت واتجهت لمطبخ حطيت الاطباق وكنت خارجه منه عشان اجيب الباقي بس مخدتش بالي من المايه اللي كانت واقعه فاتزحلقت وكنت هقع علي ضهري اعاا وغمضت عيني بس انا موقعتش ففتحت عيني لقيت ان سليم لحقني قبل مااقع كان قريب مني بدرجه كبيره يحاوط خصري بزراعه وانا من غير مااحس كنت ممسكه بطرف قميصه وانفتح زرارين منه من غير مااقصد
خالد بصدمه:سليم
سليم بخضه:فوقت علي اثر صوته فبدل مااعدلها سبتها تقع
لارا بصدمه ممزوجه بالم:اااه ياغبي ضهري انكسر منك لله لتساعدني مريم علي الوقوف اقتل اخوكي
مريم:لااهدي دالوقتي جدو يمشي واعملي اللي عايزاه
سليم:بعدت عنها حضرتك جيت امتي
خالد بعفويه:جيت وقت مانت كنت مشغول معاها بس يعني حد يعامل مراته كده سبتها تقع وكمان عندك اوضتك واعمل اللي انت عايزه مش في المطبخ كده
سليم بصدمه:نعم جدو حضرتك فاهم غلط يارا مش..
خالد بضحك:تبقي كنتي خلاص فهمت بس اسمها حلو اوي زيها ورحت شديته من ودنه ازاي متقوليش انك اتجوزت كل ده عشان تعبان شويه وكمان اعتذر لمراتك انك كنت السبب في أنها وقعت
مريم بدهشه:يانهار ازرق جدو بس استني افهمك يارا تبقي جارتنا وزميله سليم في الشغل مش مراته
خالد:بس غيره من مرات اخوكي يامريم ده حته هي قموره وكمان ابتدت قصه حبهم وهما جيران وزمايل في الشغل انا حابب اسمع اللي حصل منك يا يارا حبيتي في سليم ايه وكان حب من اول نظره ولاايه
يارا بعفويه:جدو حضرتك فاهم غلط انا وسليم بنشتغل مع بعض وجيران وبس ولابنحب بعض ولاهو جوزي كمان
خالد:يعني ايه اللي بتقوله ده ياسليم
سليم :الصراحه ياجدو اللي قالته يارا ده الحقيقه احنا مبناش اي حاجه
قطعني بجديه:مش معني انكم متخانقين شويه تنكروا انكم متجوزين وبتحبوا بعض بقالكم فتره انا مش هرضي باي حاجه دالوقتي غير انكم تتصالحوا وتحضنوا بعض وتنسوا كل الكلام اللي قولتوه وتحكولي قصه حبكم
مريم بعفويه:بس ياجدو
خالد:انتي تسكتي خالص اي ان كان اسمك مش فاكره يلا ياسليم اعتذر من مراتك واحضنها
مريم بتذمر:جدو لحقت نستني أنا اسمي مريم ياجدو حفيدتك واللهي زي سليم مش عارفه اشمعنا بتنسي اسمي انا وتفتكر سليم
سليم بنفاذ صبر:اسف يا يارا لسه كنت همشي لقيت جدو ناداني
خالد:ده منظر واحد بيصالح مراته ياسليم احضنها أو راضيها وابتسم علي الاقل
سليم بتردد:تنهدت حاضر ياجدو قربت منها وحضنتها وهمست باذنها اسف علي كل ده واني وقعتك ورحت بعدت عنها
خالد:احكولي بقي اتقابلتوا اول مره ازاي
يارا بعفويه دون تفكير:دلقت عليه القهوه اول مره شوفته ولاحظت اللي قلته فسكت
خالد بضحك:دلقتي علي حفيدي قهوه بس عادي ولايهمك هااا وبعدين
سليم بابتسامه:بصتلها وبعدين طلعت جارتي اللي سكنه قدامي ومعظم شغلنا مع بعض وبعدين حبينا بعض واتجوزنا صح يايارا ولانسيت حاجه
يارا بعفويه:لاهو ده اللي حصل ممكن تيجي يادكتور سليم قصدي ياسليم عايزاك في كلمتين بعد مابعدنا انت بتهبب ايه نفسي اعرف حبينا بعض وامتي وكمان اتجوزنا بتكدب علي جدك وتلبسني انا في الحيط
سليم بجديه:اديني فرصه اتكلم انا مش بكدب عليه ولاحابب ده بس جدو تعبان شويه ومن ضمن الامراض اللي بيعانيها الزهايمر فبيالف قصص وبينسي حاجات كتير ولما شافنا مع بعض افتكر اني اتجوزت من فتره ونسي اني متجوزتش اصلا وزي ماشوفتي مريم حاولت تقنعه وانتي قولتيله وهو مصدقش لانه حابب القصه اللي اخترعها وصدقها وعمتا هما كام يوم او ساعات وهينساكي يا يارا وكده تتحل الامور
مريم بجديه:وياريت يا يارا لوتفضلي هنا يومين ولما جدو ينام ابقي ارجعي بيتك براحتك لوحاولنا اننا نخليه يصدق الواقع وهو مش عايز هتدهور حالته وكمان شوفتيه فرحان ازاي فعشان خاطري انتوا الاتنين لو تبطلوا خناق لمده يومين وتمثلوا انكم بتحبوا بعض ممكن يا يارا
يارا بتفكير:بصراحه مقدرش ارفض لاني مش هقدر اكون السبب اللي ياذيه وبعدين جدو طيب مش زي ناس فرحانه بصوتها ولامسك ضهري ولامفتريه🙄 عمتا موافقه افضل هنا يومين لحد ماجدو ينام وارجع شقتي
سليم بغيظ:لسانك اطول منك يا يارا ربنا يصبرني عليكي😒
مريم:بس انتوا الاتنين عارفين لو اتخانقتوا انتوا الاتنين وجدو اضايق او تعب هتكونوا السبب وبمناسبه الممرضه بتاعته مش هتقدر تكمل ومحتاجين ندور علي ممرضه تانيه لاسف
................
علي الفطار،امل:سمعت كلام الناس علينا بسبب اللي عملته بنتك يارا مش عارفه اكلم صحباتي ولااقابلهم حته باي وش وهي هربت يوم فرحها مع عشيقها مكنتش اتصور انها تعمل كده
عادل بنبره عاليه:بنتي مهربتش مع عشيقها واسمعك تاني ياامل بتكلمي عنها بالطريقه ديه وبعدين فارقه معاكي ايه مانتي نفسك قولتيها بنتك طول حياتي بعتبر عيالك زي يارا بالظبط لكن انتي عمرك مااعتبرتي يارا بنتك ياامل واخرتها بتغلطي في اخلاقها
امل بتمثيل:انت فهمتني غلط ياعادل انا قصدت الناس بتقول كلها كده انا مالي وبعدين انا عملتها زي حور وساره وهادي وبعدين واضح انك سمحتها علي اللي عملته وهروبها وانها سودت وشنا قدام الكل
عادل باستخفاف:بجد طيب هسالك سؤال لو كانت حور مكان يارا وكانت هتجوز امجد كنتي هتوافقي ياامل
امل بتسرع:لأطبعا هو غني وكل حاجه بس هيبهدل بنتي فكنت هرفض ولوكانت الدنيا وقفت خالص كنت هساعدها تهرب
عادل بسخريه:هتساعديها تهرب ولما تعملي كده مش هيسود وشك قدام الناس علشان هربت ولما تسمعيهم بيتكلموا عليها وعلي اخلاقها كنتي هتكستي لاطبعا فهمتي الفرق ايه دالوقتي لاسف يارا فضلت بنتي لوحدي وانتي كل اللي همك كنتي تخلصي من وجودها في البيت واديكي خلصتي اسمعك تقولي كلمه غلط في حقها او اخلاقها وصدقيني هيبقي اخر يوم ليكي في البيت هنا وده اخر تحذير ليكي ياامل
................
يارا بتعب:مقدرناش نروح المستشفي فقضيت اليوم كله في البيت معاهم وقعدنا اتفرجنا علي فيلم وخلص جدو حضرتك مش هتدخل تنام يعني الوقت اتاخر
خالد:لاياحبيبتي انا قاعد مش جيلي نوم ادخلي
نامي انتي وجوزك
مريم:طيب ياجدعان تصبحوا علي خير انا هروح انام وانتوا روحوا ناموا في اوضتكم ونسيب جدو علي راحته
يارا بتذمر:اتجهت معاه لغرفه فلقيته قفل الباب قفلته ليه🤨
سليم بضحك:اهدي دماغك متودكيش بعيد بس عشان لوجدو مر علي الاوضه مش اكتر ورحت قعدت علي المكتب ورايا حاجات لازم اخلصها لوقتها امكن يكون جدو نام وترجعي بيتك
يارا بتنهد:فضلت قاعده مرت ساعات فغفوت وانا قعده من غير مااحس
سليم بعفويه:يارا يايارا
يار بخضه:ايه🥱
سليم:جدو زمانه نام وهو بيتفرج فتعالي اخرجك من هنا قبل مايصحي طلعنا من الغرفه وقبل مااوصل لباب سمعت صوته
خالد:رايحين فين الساعه3الفجر
يارا:هااا سمعنا صوت جاي من بره فقولت نشوف في ايه لحسن يطلع حرامي
خالد:بس انا مسمعتش حاجه عمتا يلاادخلوا ناموا بس يايارا انتي لسه لبسه لبس خروجك ليه
يارا بدهشه:هااا
سليم بضحك:معلش ياجدو هي غريبه شويه تعبت ونامت بلبسها عمتا تصبح علي خير واتجهنا لغرفه واضح كده يا يارا مضطريه تفضلي هنا لصبح
يارا بتذمر:يخربيت الحظ يعني كنت مستحملاك في المستشفي وانك جاري بالعافيه ودالوقتي مضطره ابات هنا لصبح في نفس الاوضه معاك مفيش اسوء من كده
سليم بتنهد:كلمه تانيه وهرجع في كلامي واسيبك تنامي علي الارض بدل السرير
يارا باستنكار:مش انت السبب في كل ده وكمان عايزني اتكسر اكتر وانام علي الارض مش كفايه انك وقعتني وحضرتك عايز كمان بعد كل ده تنام علي السرير وبعدين كمان عايزه هدوم مش هعرف انام بهدومي ديه مريم زمانها نايمه دالوقتي
سليم بتنهد:بااااس كفايه افصلي ورحت جبت تيشرت وبنطلون من الدولاب ينفعوا دول دالوقتي
يارا بتنهد:طيب بس اطلع بره عشان ابدل هدومي بعد ماطلع وبدلت هدومي وناديته
سليم بعفويه:تصبحي علي خير يامراتي العزيزه
يارا بغيظ:متقوليش كده ورحت جبت مخده من عندي وحدفتها عليه عارف لوبموت موافقش اكون مراتك في يوم من الايام مش ناقصه اموت بدري بسببك ياسليم
سليم:ده علي اساس مثلا شوفتيني اتجننت عشان افكر اتجوزك ده انتي مصيبه صعبان عليا واللهي اللي هيتجوزك هيروح ينتحر من اللي هتعمليه فيه
يارا بعفويه:مش هيلقي زي اصلا عشان انا متميزه والكل بيحبني علفكره بس الناس العاميه بس هي اللي مبتشوفش ده
سليم بنفاذ صبر:يارا نامي وبطلي رغي ورانا شغل الصبح ومش هنروح ننام في المستشفي
بعد ساعات،يارا:صحيت علي صوت المنبه اووووف جيت امد ايدي عشان اقفل المنبه وانا مش شايفه فخبطت في حاجه تانيه جيت الحقها معرفتش فطلعت كوبايه مايه كانت محطوطه وانا زقتها فادلقت المايه علي سليم بس لحقت الكوبايه قبل ماتوقع علي دماغه ينهار ازرق
سليم بانفعال:صحيت اثر المايه اللي وقعت عليا يرضي مين اللي عملتيه فيا ده يا يارا يابنتي سبيني يوم من ساعت ماجيتي اقضي صبح عدل بدل ماكل يوم خرباه بحاجه شكل
يارا:اكيد مكنتش اقصد يعني واسفه وبعدين انت اللي غلطت حد يحط كوبايه مايه هنا احمد ربنا ان لحقت الكوبايه قبل ماتكسر علي دماغك ونضطر نخيطها بقي يعني المايه صحتك من النوم ماذتكش
في حاجه دايما متعصب بلاهدف
سليم بنفاذ صبر:خدت هدومي يارب صبرني علي المصيبه اللي جت فوق دماغي ديه عملت ايه في حياتي عشان اتعاقب كده
يارا باستنكار:انا مصيبه ياسليم ماشي انا هقوم اوريك قومت علشان اروح اتخانق معاه ومشفتش الغطا اللي كان في الارض ولاسمعت انو قالي حاسبي
ففقدت اتزاني ومعرفش يلحقني فوقع علي الارض وانا وقعت فوقيه
سليم بالم:ااه ياضهري منك لله يالارا مبتشوفيش وحركتك كتير بهدلتيني وكسرتيني في خلال كام يوم
يارا بغيظ:انت دايما مش عجبك حاجه ياسليم وبعدين تستاهل مانت كسرتني امبارح وبعدين انت بتتعصب علي كل حاجه علفكره العصبيه مضره بالصحه يعني نسيت اني كنت قريبه منه جامد
سليم بجديه:مانتي السبب قومي من فوقي بقي
يارا:احم اسفه جيت اقوم لقيت السلسله شبكه في التيشرت بتاعه فحاولت افكها عشان اقوم ففكيتها وقومت ومديتله ايدي عشان يقوم فلقيته قام لوحدو
سليم:روحي بدلي هدومك في اوضه مريم بقي زمانها صحيت وسبيني في حالي شويه بس عشر دقايق تكوني جهزتي لواتاخرتي هسيبك وامشي
يارا بغيظ:انت بتهددني اعملها وهروح اشتكيك لجدو عادي خالص ولااقولك خليني اخلص منك شويه وامشي😊
سليم:مش هرد عليكي احسن عشان تعبت من الكلام
.............
امجد بعصبيه:يعني ايه دورتوا عليها ملقتهاش هتكون الارض اتشقت وبلعتها دورولي عليها
ولوفعلا كانت هربت مع حبيبها زي مامتخيل هتجبوهم الاتنين لحد هنا عايشين وانا هتصرف معاهم دوروا في كل حته انا عايزها في اقرب وقت ماهو مش معقول اسيبها تفلت مني بعد اللي عملته ده هكسرها وهخليها تتمني انها مكنتش تهرب يوميها نفذوا الاوامر
الرجاله:حاضر يافندم
..................
حور:كنت في النادي فجتلي مكالمه فرديت ايه طيب لوحصل اي جديد قولي
شخص:حاضر ياانسه وقفلت معاها
حور بقلق:........
يكمل
أنت تقرأ
العروس الهاربه
Genel Kurguعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
