زينب بجديه:يعني عديت فكره انك اتجوزت من فتره من ورانا رغم انك كنت المفروض متفقين انك تخطب ياسمين لكن كمان خايف علي مراتك الحلوه ومش عايزنا نتعرف عليها خايف ناكلها
سليم بجديه:اولا انا عمري ماقلت اني هخطب ياسمين ده كان كلام قديم بينك وبين بابا الله يرحمه لكن انا موافقتش تمام وبعدين ديه حياتي وانا حر
وهي مش موجوده هنا حاليا خرجت
زينب:ياخساره يعني مش هنقدر نتعرف علي مراتك الحلوه ده جدك قعد يمدح فيها كتير لدرجه ان اتشوقت اتعرف عليها
سليم بجديه:واللهي لوحضرتك كنتي ادتينا خبر قبل ماتيجي اكيد كنتي هتشوفيها بس انتي خلتيها مفاجئه وبعتذر منك لان ورايا شغل ولازم امشي
زينب بعصبيه:معني كلامك انك بتطردني ياسليم
سليم بجمود:مقولتش كده انتي فسرتيها كده براحتك
مريم في نفسها:لوشدوا مع بعض اكتر من كده هتقلب بخناقه اووف جالي مكالمه فخرجت بره البيت فاخبطت في يارا
يارا:هو في ايه صوت سليم عالي ليه
مريم بضحك:لابسيطه بيتخانق مع عمتي كالعاده جدو وصل خبر لعائله ان سليم اتجوز من فتره وهي عشان حشريه وفضوليه فجت تشوف هو اتجوز مين وفضلها عن بنتها بس عادي سليم هيتصرف معاها يلاتعالي ننزل نستناه تحت في العربيه ماصدقت هربت منها
يارا:طيب انزلي وانا هجيب حاجه وانزل دخلت اجيب شنطتي من جوه ولما طلعت سمعت كلامها لان صوتها كان عالي
زينب بسخريه:واللهي شكلك في الاخر كدبت علي جدك بانك اتجوزت واللي شافها ديه كانت حبيبتك بتقضي معاها وقت وخلاص وهي سابتك بسبب غرورك الزياده عن اللزوم واللي علي الفاضي طبعا امممم تفتكر لما جدك يعرف انك كدبت عليه هيعمل ايه لاوكمان ممكن يتعب بسببك ياسليم وحالته تسوء
يارا بابتسامه:كان الباب مفتوح فدخلت وقربت منه حبيبي لامسك يده وابتسمله انا جيت ورحت بصالهم بس معرفتنيش اننا عندنا ضيوف علي الصبح كده ياحبيبي
سليم بجديه:عمتو زينب وياسمين بنتها وهي
قطعتني بابتسامه:اممم وانا اسمي يارا مراته ياطنط زينب انا سعيده اني اتعرفت عليكم
زينب بعفويه:مراته اممم وياترا كنتي فين الصبح بدري كده
يارا بعفويه:نزلت اجيب حاجه بس ملقتهاش فرجعت عادي يعني عمتا تحبي تشربي حاجه ياطنط ولاانت عزمت عليها ياحبيبي
زينب بغيظ:لاشكرا نيجي في وقت تاني يلا يا ياسمين ومشيت وسبت البيت
يارا:بعدت عنه يلاعشان اتاخرنا
سليم بتساؤل:ليه عملتي كده يا يارا مكنش فيه داعي انك تعملي ده
يارا بعفويه:عمتك مش سهله كانت ممكن تقول لجدو الحقيقه ومعرفش ده تاثيره ايه عليه واكيد حابه مصلحته لاني بحبه وكمان قولت اساعدك ياسليم بناتنا اصدقاء مش اكتر وخلصتك من عمتك اهو
سليم بابتسامه:شكرا يا يارا بس كنت فاكرك هتضايقي لان وعدتك ان محدش يعرف بس حصل عكس ده
يارا بعفويه:فكره ان حد يعرف ولالا مش فارقه معايا ياسليم طالما ان الموضوع مش هيوصل لامجد وده لان مش حابه ادخلك في مشاكل
سليم بجديه:وهتفضلي لامتي خايفه من الماضي يارا ثقي ان مش هسمحله ياذيكي وكمان مسيره يعرف
يارا:أنا عارفه أن في أي وقت هيعرف بس اتمني ده ميحصلش لاني حابه ارتاح من المشاكل ياسليم كفايه اللي حصل امبارح وكمان مش هتحمل أن حد يتأذي بسببي
............
امجد بعصبيه:يعني ايه اتجوزت الدكتور فهميني ده مكنش اتفاقنا
امل بجديه:انا حكتلك كل اللي اعرفه بس يعني وجودها مع الدكتور ده اصلا عقاب لان يارا كانت مدلعه بزياده وصعب تستمر في المكان اللي هي فيه مسيرها ترجع
امجد:وانا لسه هستناها ترجع أو تزهق يعني انا عملت كل ده عشان اخربلها حياتها وترجع لهنا وانتقم منها ام طلع الدكتور ذكي اوهي ضحكت عليه واتجوزها
امل باستخفاف:زمانها وقعته في حبها عشان تستغله مش صعب عليها تعمل كده بس انت ناوي علي ايه
امجد بعفويه:استني وانتي تعرفي مستحيل اسيبها تكمل حياتها طبيعي بسببها خسرت صفقه مهمه وانا هخسرها حاجات كتير ولو الدكتور وقف في وشي مش هتردد اني اخلص عليه وقتها هتبقي ضعيفه ولوحدها ومش هتلقي حد يدعمها لسه الايام مابينا كتير يا يارا
...........
هادي:اتاخرتي يامريم ساعه عن معادك مش عادتك يعني وكمان مجتيش امبارح
مريم بعفويه:معلش يامستر هادي ظروف في البيت واكيد انت عارفها لولا كده كنت جيت في معادي وكنت جيت امبارح برضو
هادي بعدم فهم:وانا هعرف الظروف اللي كانت عندك في البيت ازاي مبحبش الهزار علفكره
مريم باستخفاف:معقول استاذ عادل مقلكش ان امبارح جيه بيتنا وحصلت خناقه وانتهت ان اختك يارا اتجوزت اخويا بسبب ان باباك مكنش عايز يسمع الحقيقه ومصمم ان بينهم علاقه
هادي بصدمه:ايه انتي بتقولي ايه يارا سايبه البيت من شهر ومنعرفش مكانها حته رقم تليفونها غيرته هتستفيدي ايه من اللي قولتيه عشان معملكيش حاجه بسبب تاخيرك وانك مجتيش امبارح
مريم:اتصل بااختك حور وانت تعرف كل حاجه انا مبكدبش وحطيت الملفات وخرجت
هادي بتنهد:اتصلت بحور وبعد فتره ردت
حور باستغراب:هادي غريبه يعني بقالك فتره مبتتكلمش بحجه انك مشغول ولافي كارثه حصلت مثلا
هادي:ايه اللي حصل في البيت ياحور ويخص يارا
حور بتوتر:مفيش حاجه حصلت يا هادي متشغلش بالك
هادي بجديه:حور انتي بتكدبي ايه اللي حصل مع يارا
حور بتنهد:حكتله اللي حصل وعمله بابا مع يارا
هادي بصدمه ممزوجه بانفعال:ازاي بابا يجوزها لشخص ميعرفوش وحته مرضيش يسمعها مستحيل يارا تكون هربت معاه انا عارف ان مفيش فايده في الكلام مع بابا بس عايز اشوف يارا واطمن عليها وانتي اكيد عارفه مكانها
حور بتنهد:هتلقيها في المستشفي دالوقتي وقلتله العنوان انا في اقرب وقت هاجي واسيب البيت ياهادي
هادي بتنهد:اعملي اللي يريحك ياحور سلام وقفلت معاها واتجهت لمستشفي
.............
يارا بتنهد:وصلنا المستشفي واتجهت انا وسليم ناحيه غرفه فقربت من السرير عامله ايه دالوقتي
لينا بعفويه:انا سمعت الكلام وخدت ادويتي كلها
فين بقي اللي اتفقنا عليه بقي يادكتوره يارا
يارا باتسامه:طلعت الشكولاته من جيبي ديه هديتك بس اولا توعديني انك تسمعي كلام مامتك وتاخدي ادويتك بانتظام
لينا بطفوله:ماشي اوعدك
سليم بعفويه:متنسيش كل شهر تيجي علي معاد فحوصاتك
لينا بطفوله:ماشي باي يادكتور سليم
سليم بعفويه:كنت فاكرك هتكوني نسيتي وقبل مااكمل لقيت الممرضه بتناديها
الممرضه"دكتوره يارا فيه واحد بيسال عن حضرتك وعايز يشوفك وقالي اقولك اسمه هادي
يارا بفرحه:بجد هو فين
الممرضه"قلتله يستناكي في الكافيتريا
يارا بابتسامه:طيب سبتهم واتجهت سريعا لكافيتريا فلمحته فااتجهت إليه وحضنته وحشتني كده متسالش عني كل الفتره ديه ليحضني لابتعد عنه وإنظر له بلوم مبتردش ليه
هادي بابتسامه حزينه:اسف يا يارا بجد كان لازم ادور عليكي بس كنت مشغول في الشغل اسف أن مكنتش معاكي وقت مااحتجتيني وحشتيني عامله ايه
يارا بعفويه:تمام ياهادي اتعودت أنا الحمدلله كويسه عرفت اني هنا منين
هادي بجديه:عرفت مكانك من حور مش مهم كل ده انا اصلا اتنقلت هنا من فتره ومسكت الشركه بتاعت بابا اللي هنا لواعرف انك جيتي هنا كنت جيت قابلتك انتي عارفه انك غاليه عليا
يارا بتنهد:عارفه ياهادي
هادي بجديه:يارا انا عرفت كل حاجه حصلت وايه اللي بابا عمله معاكي صدقيني هحاول اتكلم معاه اللي حصل ده غلط كبير في حقك كان المفروض يسمعك انا مصدق انك مستحيل تعملي اللي الكل قاله وبابا صدقه
يارا بابتسامه حزينه:كلامك مش هياثر ياهادي هتتعب نفسك علي الفاضي بابا مقتنع اقتناع تام باني هربت مع سليم وعلي علاقه معاه رغم اني اتعرفت عليه هنا وهو كان صديقي والدكتور اللي بيشرف علي تدريبي هنا بابا كسر قلبي ياهادي خلاني يتيمه مليش حد اتخلي عني وقالي مهما يحصل مفكرش ارجع لان معدش ليا مكان في البيت انت عارف ايه سبب هروبي صح ياهادي
هادي بنبره خافته:عارف يا يارا ان ده كله مش صح وهروبك كان احسن ليكي بس انا مش مرتاح لتوريطك بانك اتجوزتي شخص متعرفهوش
يارا بعفويه:متقلقش اه معرفوش غير من شهر بس هو شخص كويس وكمان مريم اخته صحبتي حاليا
هادي بضحك:اه عرفت منها
يارا باستغراب:انت تعرف مريم
هادي بعفويه:اه بتشتغل في الشركه عندنا مصممه وبعدين مش ناويه تخليني اتعرف علي سليم ولاايه
يارا بعفويه:معتقدش انو فاضي وقبل أن اكمل كلامي لقيته متجه نحونا
سليم بجديه ممزوجه بضيق لايعرف سببه بس زاد مع رؤيته لقربها منه:يارا متهيالي ان احنا ورانا شغل ممكن صديقك العزيز يقابلك في فتره الاستراحه
هادي بعفويه:اممم خليني اخمن انت دكتور سليم صح
سليم:ايوه خير
هادي بابتسامه:انا هادي ابقي اخوها مكنتش حابب اعطلكم بس لما عرفت انها هنا جيت اطمن عليها مش اكتر وانا سعيد ان اتعرفت عليك يادكتور سليم واسف علي تاخيركم
سليم بابتسامه:لاعادي ولايهمك وانا كمان اتشرفت بمعرفتك ياهادي
هادي بعفويه:لو موركوش حاجه بعد المستشفي نتعشي مع بعض برا ومن غير اعتراض
سليم بعفويه:انشاء الله
................
الممرضه:دكتور سليم
سليم:نعم
الممرضه:جد حضرتك تعب وفي غرفه6 الممرضه سألته ومشيت وطلبك انت ودكتوره يارا من وقتها كنت بدور علي حضرتك
سليم بقلق:تمام أنا هروحله اهو اتجهت أنا ويارا لغرفته ازيك ياجدو اخبارك ايه او حاسس بايه تعبك
خالد بابتسامه:أنا كويس طالما شوفت كنتي القمر
يارا بعفويه:حبيبي ياجدو واللهي بس حضرتك بتشتكي من ايه عشان نقدر نحل المشكله ومنبقاش قلقانين عليك
خالد:شوفت أسلوب يارا الحلو اتعلم من مراتك شويه
سليم بنفاذ صبر:طيب ياجدو شكرا علي المدح تحب اسيبك مع يارا وامشي وبعدين أنا شايف أن حضرتك كويس عملت ايه في الممرضه عشان تطفش ياجدو
خالد بعفويه:محبتهاش وبعدين عندي اقتراح احلي من موضوع الممرضه يعني فيها ايه لما حفيدي العنيد يوافق يرجع علي البيت وانا ارجع معاه وهو ومراته يهتموا بيا
سليم بجديه:جدو قولت لحضرتك قبل كده ده معدش بيتي أنا ومريم ومعنديش مشكله تعيش معانا بس المشكله ان الممرضه هتبقي موجوده معاك علطول لكن أنا ويارا معظم اليوم في المستشفي افرض حضرتك تعبت
خالد باستنكار:انت ليه عنيد زي ابوك ياسليم أنا حابب اقضي اخر ايامي بالبيت اللي عشت فيه معظم حياتي وفيه ذكرياتي حته لو مش فاكر منها كتير مش قادر انك تحقق طلبي ده ليه
سليم يتنهد:جدو الانفعال والمناقشة كتير غلط عليك فريح نفسك عشان متتعبش
خالد بجديه:أنا حر ديه صحتي في الاخر حته لو موت هتفرق معاك ايه
سليم بضيق:ياجدو بلاش السيره ديه بعد الشر عليك
أنا هخليهم يعملولك تحاليل نطمن بيها عليك وطلعت من الأوضه واتجهت لكافيتريا وجبت قهوه وقعدت بعد شويه لقيت يارا جت
يارا بعفويه:نتكلم كاصدقاء ليه مش عايز تريح جدو وترجع البيت ياسليم
سليم بتنهد:يارا رجوعي حاليا البيت هتضطري تيجي معايا لأن عمتي زمانها نشرت الخبر وكمان أنا عندي مشاكل كتير معاهم رجوعي صعب من ساعت موت ماما وبابا بشهر مرجعتش البيت عارفه ليه عشان انا صعب اعيش مع عائلتي واديكي شوفتي نموذج منهم الصبح
يارا بعفويه:ماشي فاهمه اللي بتقولوا بس فكر في جدو برضو ياسليم
الممرضه"دكتور سليم جدك تعب ومنعرفش ايه اللي حصله فاجاه
سليم بقلق:انا جاي حالا اتجهت لأوضته لافحصه فركبتله اوكسجين وعلقتله محلول فابتدت نبضات القلب ترجع طبيعيه ومعدل التنفس يتحسن حد يفضل معاه ولوحصل اي جديد يبلغني خرجت من الغرفه فلقيت مريم في وشي متقلقيش هو كويس
مريم بانفعال ممزوج بدموع:سليم انت السبب في الحاله اللي وصلها انت عارف انو مريض قلب وبينسي حاجات كتير انا عرفت انو طلب يتكلم معاك وعارفه اللي اكيد قاله وانت كالعاده رفضته من غير ما تفكر في حالته كفايه أن خسرت بابا وماما بسببك ياسليم مش حابه اخسر جدو كمان
سليم بتماسك عكس الذي يشعر به:اهدي جدو كويس ولما تبقي مستعده نتكلم يبقي في البيت مش هنا وصوتك تهديه لانك في مستشفي يامريم متنسيش ده وسبتها واتجهت لمكتبي
.............
يارا بعدم فهم:كانوا علي الاقل يتناقشوا مش لازم خناق
وائل يتنهد:لاده العادي أن يتخانقوا بس زمان سليم مضايق فأعتقد محدش هيقدر يهديه غيرك
يارا باستنكار:ليه واثق اني انا هقدر أهديه انت عارف أن بينا مشاكل كتير وكمان ده اسمه تدخل في حياته
ولا ايه
وائل بعفويه:كده انا واثق انو هيهدي شويه لو روحتيله وبعدين يا يارا اللي مش قدره تاخدي بالك منه انك بقيتي جزء من حياته حته لو ده حصل مش بمزاجك
يارا بجديه:بس انت عارف كويس انو مكنش بارادتي ومستحيل اكون جزء من حياته أو العكس حته احنا مختلفين عن بعض في حاجات كتير وصعب نكون مع بعض وديه الحقيقه
.............
عادل بجديه:رايحه علي فين ياحور
حور بعفويه:مسافره يابابا متهيالي انك عارف اني رتبت كل ورقي ورايحه اقعد مع هادي
عادل بجديه:بس انا قررت انك متسافريش وتفضلي هنا في نفس جامعتك
حور:يعني ايه بس ده مكنش كلامنا يابابا
عادل بجمود:زي اللي سمعتيه كده مفيش سفر هتفضلي هنا وعادي كملي في نفس جامعتك عايزاني اسيبك عشان تعملي زي اختك اللي اختارت طريقها و هربت مع الدكتور ده ومسيرها تندم بس انا نسيت أنها بنتي اصلا
حور بانفعال:لابجد يابابا أنا مش مجرد لعبه في ايدك تحركها زي مانت عايز شويه تفضلي هنا وشويه سافري أنا قدمت في الكليه اللي هناك وخلاص خدت قراري اني اسافر وبالنسبه ليارا فاللي حصل ليها ده ظلم كبير غلطت في حقها وهنتها وهي معملتش حاجه ولا كانت تعرف دكتور سليم بس حضرتك سمعت لكل الناس ورفضت تسمعلها وانا خلاص قررت اني اسافر يابابا وليا كامل الحريه في ده قبل مااخرج من البيت سمعت صوته فوقفت
عادل بجديه:استني ياحور لازم تعرفي حاجه قبل ما تمشي
يتبع
أنت تقرأ
العروس الهاربه
Ficção Geralعندما تتعارض احلامك وطموحاتك مع مايريده منك الاخرين،فأن تخليت عن احلامك فاصبحت شخص بدون هدف بما يعتبر جسد بلا روح،ومن الممكن في سعيك وراء احلامك وهروبك من الاخرين تعثر علي طريقك الصحيح ووجهتك دون ان تشعر .....
