Wala kang nakikita, Wala kang naririnig. Piringan ang mga mata, Busalan ang bibig.
Ito'y bansang demokrasya, Na mayroong hari't reyna. Bulok na tatsulok ang sistema, Kung saan pera ang namamahala't sinasamba.
Pakpak ay putulin na, Manatili sa hawla. Bansang malaya, Pero naka-kadena.
Karapatan mo ang magsalita Basta ba't i-filter ang bunganga. Kung ayaw mong kinabukasan Ay humandusay sa daan.
Ika nga'y kung ayaw madaan sa santong dasalan, Daanin mo sa santong paspasan. Kung 'di mananahimik Dila ay parusahan.
Iposas ang mga kamay Putulin ang mga paa. Takpan ang tenga, Wag na wag kakanta.
Yumuko, lumuhod Sa kanila ay sumunod Wag magkakamali Mga kamay ay itali
Ibaba ang sandata Wag ka nang lumaban pa Dahil sa giyerang ito ay wala kang pag-asa.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
