Hayaan mong imulat ko yaring bayan Sa sarili nitong kahibangan Dahil sadyang nakakasuklam ipagdiwang Ang kalayaang hindi naman natin nakamtan.
Pilipinas, nakalaya na nga ba? O ang lahat ay palabas lang ng medya? Marahil iyong posas ay nawala na Dahil ang ipinalit nga'y hindi nakikitang kadena.
Hindi alipin ng mga banyaga Ngunit alila ng sariling bansa. Gobyernong tanga kung mamalakad Mamamayang nagmamarunong wala namang ambag.
Ang sigaw mo'y 'bulok na sistema' Pero ang halaga ng iyong balota Ay limangdaan galing kay mayora.
Teka, narito rin ang mga pulitiko Na nangako ng pagbabago Pero nagka-amnesia't nabagok ata ang ulo
Teka, may pulis, may pulis sa ilalim ng tulay Anong puting gamot ang nasa kamay? At ngiti sa labi na animo'y nagtagumpay?
Eto ba ang bansang malaya? Dahil kung eto nga ang basehan ng kalayaan Ayaw ko nang maging malaya.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
