~~ Tulog sa umaga, Gising sa gabi. Ang ngalan ko'y Mariya Na mas kilala bilang Magda.
Pinandirihan, Nilait, hinusgahan. Isang puta, salot sa lipunan Dala'y halo-halong laway ng mga kalalakihan.
Kapit sa patalim Kung ito'y aking ituring Dangal ay handang dungisan Dahil sa matinding pangangailangan.
Ako'y hinusgahan Nang hindi man lang inaalam Ang aking dahilan At tunay na kalagayan
Hala, sige! Kembot Gumiling kahit na walang saplot Sa lugar na ang ilaw ay patay sindi At iba't ibang mga mata ang nagpi-pyesta sa maselan na parte
~~
Sa kabilang banda, Ako rin ay isang mariya Kilala sa kapurihang dala Kung tawagin ay Clara
Isang dalagang pilipina Dalisay mula ulo hanggang paa. "Tularan s'ya" ang sabi nila. Pero dapat nga ba?
"Tama na ang pagpapanggap Clarita!" Natatakpan nga ng mga makakapal na tela Pero hubo parin sa mata Ng mga nakakakilala.
Hanggang saan aabot ang kahibangan, Para sa pag-ibig na lumisan? Itinago ang sarili sa kumbento Para pagtakpan ang sariling baho.
Sa pagaakalang tuluyan na ngang lumisan Ang minamahal na kasintahan Hindi alintana ang bata sa sinapupunan Kinitil dalawang buhay ng walang alinlangan. ~~
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
