بقايا الماضي الجزء الثاني من حاضر مكمل للماضي بقلم( رفيقه الكلمات آيات محمود )

البارت السادس

( يا جماعه ملحوظه بس دالين ولاسي مبيعرفوش يتكلموا عربي كزيس بس لاني بكتب مش عارفه ازاي اكتب كلام مكسر عشان محدش يقول ازاي بقت بتتكلم عربي حلو كده علطول تمام انما رشاد مصري اصلا

☆☆☆☆☆☆☆☆☆☆

ⓐⓨⓐⓣ🌹

خرج من المسجد بعد ان أدى فرضه داعيا ربه ان يردها له سالمه ارتدى حذائه وغادر في سيارته الى حيث لا يعلم ظل يجوب شوارع الاسكندريه والبحر يحيط بالطرقات التي يسير بها فينعش روحه بالنسمات العطره والصافيه ..

توقف امام الشاطئ ليبتسم قائلا: النهر هيرتاح من الشكاوي شويه وهقرفك يا بحر هتسمعني ولا الف وامشي .

اقترب الموج وعلا وكأنه يقول له ان البحر سيد العشاق فتحدث واخرج ما بقلبك .
ابتسم بوهن وصورتها رسمت على الامواج السوداء اثر سواد الليل لتنيرها ببهجه اقتربت منه وقالت بترجي: ياسين انا تايهه محتاجالك .

قال بلهفه: انتي فين يا حلا ؟ انا بدور عليكي تعبت يا حلا تعبت بس ميأستش ومش هيأس .

ابتسمت والدموع حليفتها لتجيبه: وانا مستنياك انا معرفش انا فين انا تايهه يا ياسين حاسه اني في عالم مبهم مفيش فيه اي حاجه واضحه انا برده تعبانه ومحتاجه وجودك اوي .

قال بثقه: اوعدك لاوصلك حتى لو عشت حياتي كلها ادور عليكي لاني عندي امل اني اشوفك ولو لحظه وحده قبل ما اموت يا حلا .

اتسعت ابتسامتها واختفت من امامه ليفيق على ارض الواقع وهو يستنشق نسمات الحب الباقيه منها فيزداد قلبه توهجا بعشقها الخالد ..

قلبي للهوا مشتاق لضحكاتك ودمعاتك جنونك وهدوئك
اشتاق لأنفاسك صوتك وندائك لي
البحر يحكي لي عنكي والهواء يحمل رائحتك
الزهور تذكرني بجمالك ورقتك
لا بد من العوده مجددا عزيزتي لا بد من اللقاء
لا بد من أن نبقى سويا لا بد ان ينطفئ الاشتياق
أود ان نبقى معا أود ان نعود بسلام
وحين أراكي لن ادعكي حتى اخلد إلى الممات

#ياسين
بقلم آيات محمود ...

☆☆☆☆☆☆☆☆☆

في قصر الصهيونيه ☆☆ جناح فهد.

دلف إلى الغرفه وتبعته هي بخوف تأملها لبرهه وقلبه يتأمل ليصفعه عقله قائله: غبي انت نسيت عملت اي ده لو حد عرف هتبقى سمعتكم في الارض سيرتكم هتبقى على لسان الي يسوى والي ميسواش .

قلبه بحزن: انا مش مصدق الكلام ده يا فهد دي كانت ورده بريئه وبتحبك ليه تخسرها .