بقايا الماضي الجزء الثاني من حاضر مكمل للماضي بقلم( رفيقه الكلمات آيات محمود )

البارت السابع عشر

اولا قبل ما نبدأ البارت
للاسف انا بتعب كتير بس مش بلاقي تفاعل ولا كومنتات ولا اي حاجه تشجع ان الوحده تكمل بالرغم من أن ربنا وحده الي يعلم اد اي انا مشغوله بس بحاول متأخرش في الكتابه + الي كانو زعلانين مني لأني منزلتش البارت الي فات في موعده فحقيقي اسفه جدا والله
البارت ده مميز أوي عشان فيه اول خيط لقاء بين ابطالنا
عارفه اني اتكلمت كتير ورخمه سوري بقا😂😂

انجوي 😚
☆☆☆☆☆☆☆☆☆☆☆☆☆☆

ⓐⓨⓐⓣ🌹

في شقه ريتاج ☆☆

كانت في غرفتها مع حبيبه تتجهز لحفل خطوبتها وتساعدها فتاة متخصصه للتجميل بعد أن رفض أحمد وأمجد ذهابهم للبيوتي سنتر دخلت عليهم انتصار بابتسامه قائلا: الف مبروك يا حبيبه ماما عقبالك يا بيبه .

حبيبه: ان شاء الله يا طنط .

احتضنت ريتاج أمها بسعاده وقالت: حبيبتي يا ماما الله يبارك فيكي يا غاليه .

شعرت انتصار بالارهاق وحاجتها للمسكن فاستأذنت بسرعه وخرجت بخطواتها الواسعه حتى وصلت لغرفتها مما أثار الشكوك بداخل ريتاج
ريتاج لحبيبه: انا ليه حاسه ان ماما فيها حاجه بقالها فتره مش جبيعيه او من يوم ما وافقت على جوازي من أحمد صح ؟

حبيبه: الصراحه انا حاسه كده برده بس اطمني ان شاء الله خير.

اومأت لها لتحضر فستانها وترتديه وتساعدها فتاه التجميل على لف حجابها بطريقه جميله فكانت حوريه من الجنه بفستانها المخمري ( النبيتي) ذا اللمعه الفضيه وحجابها بنفس اللون وطوق الورد الأبيض وكذلك حبيبه ارتدت مثلها تماما فكانتا كالتوأم في رقتهما تذكرت حبيبه حلا في هذه اللحظه ودمع قلبها ينزف على فراقها لها بعد ان كانت سعيده بعودتها لهم اخيرا لتهمس لذاتها: ياريتك يا حلا كنتي هنا اكيد كانت حياتي هتبقى أجمل من كده .

رن جرس الباب فتحت انتصار لتجدها سهر وخلفها أحمد وأمجد
انتصار: اتفضلوا اي الحلاوه دي يا سوسو .

سهر: شفتي يا طنط طول عمرك زوقك حلو في الناس كده بس الاعمى الي معايا يفتح .

ضحك الجميع ليهتف احمد: طب ورحمه امي لاعرف الاعمى انه اعمى بقا .

سهر: لا لا والنبي قصر الشر يا احمد ده انا زي اختك .

ورد بطفوليه: أخته ازاي يا ماما انتي احلى منه .

حملها عنوه رغم تذمرها وقال: بقا كده ها هي احلى مني طب و..

وضعت ورد يدها على فمه قائله: بس بس ورحمه امك لتاخد بوسه صح بص عندك عروستك جوه خد منها .