روايه عشقت من دمر حياتي

الحلقه التاسعه عشر

في منزل سما وخالد
كانت سما تتحدث مع خالد بكل غضب وهو يحاول ان يفهم منها ما حدث شرحت له ما قالتله تلك الحرباء الملونة
سما بغضب:اتفضل بقي قولي يا سياده المقدم ايه اللي بيحصل
خالد بغضب:اوعي يا سما تصدقي الي اتقال ده وعد مني هخليها تيجي تحت رجليكي وتقولك انا اسفه انا كدابه وساعتها هتبقي في مكانها الحقيقي
سما بغضب:هتبقي بلطجي يا خالد علي اخر الزمن
خالد بوعيد:مش هي اللي بدأت اللعب انا بقي بحب اختمها
سما بغضب:اوعي يا خالد تعملها حاجه دلوقتي انت ايه دليلك انك متعرفهاش ولا عمرك شوفتها ما ممك......
خالد بغضب:ممكن تكون الحب القديم مش ده اللي انتي تقصديه
سما بغيظ:لا يا متسرع مش ده اللي قصدي عليه قصدي ان ممكن شوفتو بعض صدفه هي أعجبت بيك
خالد بغضب:وطبعا انا كلب وريلت عليها
سما بغضب:انت ليه بتقول كلام انا مقولتوش
خالد بغضب:عشان كلامك معناه كده
سما بغضب:خلاص يا خالد انا اللي وحشه وانا واحده شكاكه وبقول كلام غلط وانت لو مش عايز تكمل مش هجبرك انا عند ابويا لما ترجع شوف هتعمل ايه سلام
وأغلقت الخط وقلبها تأكله نيران الغيظ والغضب
........................................................................
وصل محمد برفقه سالي للمنزل ليدفعها للداخل بهدوء بسبب حملها ولكن يأكل قلبه الغيظ والغضب
سالي بغضب:ايه يا محمد انت مش شايفني حامل بتذقني ليه
محمد بغضب جحيمي:مين بقي يحيي حبيب القلب اللي كنتم بتقضو مع بعض وقت لطيف طيب بدل ما حبيب القلب موجود لييييييييه وافقتي تتجوزيني طيب بلاش ممكن اهلك جبروكي ليه دلوقتي حامل
سالي بغضب:انت بتشكك في اخلاقي يا محمد لا ده انت اتعديت مراحل الهبل بقي
محمد بغضب:لمي نفسك يا سالي
سالي بغضب:الم نفسي ازاي وانا شايفه ان جوزي حبيبي الي بقالنا شهرين وداخلين في الثالث متجوزين بيصدق كلام واحد مريض كل اللي قريبين منه بيعترفو انه مريض
محمد بإستفهام:قصدك ايه انه مريض
سالي بغضب:مريض بان اَي حاجه تعجبه لازم تبقي بتاعته ايوا دايقني كتير وعاكسني كتير بس انا كنت بصده
محمد بغضب:بجد اظن ان احنا مخطوبين وانتي في ثانيه وأظن اننا كتبنا كتابنا وانتي في ثالثه يعني كان ممكن يا هانم تقولي لجوزك او خطيبك مش مهم انا كنتي قولتي لبباكي  مش مهم حضرتك اكتفيتي بصده وبس ليه موقفتيهوش عند حده انتي بتستهبلي يا سالي
سالي بغضب:انت بتشك فيا يا محمد الكلام ده بيدل انك بتتهمني باني كنت مبسوطه وهو بيعمل كده
محمد بغضب:انا فعلا قصدي كده كويس انك فهمتي
سالي بغضب:يبقي خلاص يا ابن الحلال انت من طريق وانا من طريق انا ميرضنيش انك تعيش مع واحده مش محترمه يبقي تطلقني انا راحه لبيت ابويا
دلفت لغرفتها بينما ذهب محمد الي المطبخ يتناول المياه الباردة لتخفف من نار قلبه لينصدم عندما سمع صوت باب الشقه يقفل بعنف ليدفع الزجاجه التي كانت بيده لتتهشم كحال قلبه عندما سمع صوت قفل الباب
.....................................................................
في ألمانيا
سلمي بغضب:جااااسم خط احمر يا بنت......فاهمه ده ملكيه خاصه
وقامت بضربها مره اخري ليحاول جاسم فك الاشتباك ولكنه لم يستطع فعل ذلك من اول مره لينجح بعد عده مرات من الفشل اما سلمي فكانت تشد شعر لورا بغضب وتقطعه في يدها وتضربها في جميع أنحاء جسدها
جاسم بغضب:خلاص بقي يا سلمي
سلمي بغضب:سوري يا جاسم نسيت انك فرحان وهي في حضنك اشبع بيها جتكم الارف لايقين علي بعض وقامت بركل لورا التي مثلت الاغماء لاهتمام جاسم بها ولكنه لم يهتم بها وخرج خلف سلمي
لورا بخبث:وان لم انجح تلك المره سأنجح المره المقلبه يا عزيزتي
في السياره
جاسم بغضب:خلاص بقي يا سلمي اهدي
سلمي بغضب وغيره:معلش المفروض ابقي هادئه لما ألاقي واحده صفرا في حضن جوزي تحب نرجع نخدها معانا عشان حضرتك تتبسط
جاسم بابتسامه:بتغيري ولا ايه
سلمي بغيظ :وانا اغير عليك ليه يعني والله يا جاسم يا ابن وليد واسراء لو  موقف من ده او مشابه اتكرر انا هقتلك وهقتلها واخد رؤسكم غنيمه انت متعرفنيش اه انا مجنونه واعملها انا هسكت المره دي بس عشان شوفتك وانت بتتشد وهي بتحضنك وانت مش بتحضنها بس ده ميمنعش اني مدايقه دلوقتي
جاسم بابتسامه:أوعدك الموقف ده مش هعديه وهعاقبها
سلمي بضيق:لسه زعلانه
جاسم بتفكير:بتعدلي مودك ازاي
سلمي بتفكير:بشرب استار بوكس وبشغل اغاني
من حسن الحظ بان امام السياره مقهي استار بوكس ليبتسم بينما هي ايضا تبتسم عندما عرفت ما يخطط له
جاسم بابتسامه:بتشربي ايه
سلمي بهدوء:موكا فرابتشينو
جاسم بابتسامه:تمام ثواني هروح أجيبه
سلمي بابتسامه:ماتيجي نروح نجيب ليا وليك مع بعض ونقعد هناك
جاسم بابتسامه:عشان نشغل اغاني
سلمي بابتسامه:ماشي انت هتطلب بارد ولا سخن
جاسم بتفكير:هطلب سخن ودايما بشرب اسبرسو
سلمي بابتسامه:طيب روح جيب المشروبات عقبال اما اشغل اغاني
جاسم بتحذير:جهزي الوصله بس متشغليش اغاني فاهمه
سلمي بقلق:فاهمه
وبالفعل احضر جاسم المشروبات وفعلت سلمي ما اراده جاسم
جاسم بابتسامه :شطره بتسمعي الكلام اتفضلي يا ستي
أخذت سلمي مشروبها وقامت بتشغيل الأغاني بدات (بعمري شريك لاحمد خالد)
تسير السياره وهم يشربون ويستمعون للأغنية باستمتاع شديد
سلمي بابتسامه:لا كده مودي اتحسن نشغل بقي أغنيه جامده(بنت الجيران لحسن شاكوش)
كانت سلمي ترقص وتغني مع الاغنيه لينطفئ الكاست مره واحده لتجد وجه جاسم لا يبشر بالخير أبداً
............................................................
في منزل غاده
كانت غاده تحتضن ابنتها الباكيه سما تواسيها
سما ببكاء وغضب:فهم قصدي غلط انا مخنوقه يا ماما انا بجد مخنوقه ومش قادره أتحمل
غاده بهدوء:خلاص يا قلب ماما خلاص عشان اللي في بطنك
سما بغضب:هو انتي الي همك هو اللي في بطني يا غاده ومش هامك بنتك
كادت ان تجيب لتجد الباب يدق لتقوم بفتح الباب لتجد ابنتها الاخري تبكي بانهيار:ماما الحقيني انا هطلق
غاده بصدمه:مالك بس يا سالي
ركضت سما علي سالي وقامت باحتضانها وقامو بالبكاء
سما بغضب وبكاء:انا بنت المقشفه تقولي ان خالد حبيبها ذوقه حلو وأنه باع الغالي بالرخيص انا
سالي ببكاء وغضب:انا الحيوان ده يقول لمحمد ان قضيت مع مراتك وقت لطيف ابن الهبله مفكر نفسه ايه واحد مريض
غاده بغضب:لااااا انتم تفهموني كل واحده بالدور اتفضلي يا سالي
سالي ببكاء قامت بسرد احداث ما حدث لوالدتها
غاده بغيظ من يحيي:انتي غلطانه  يا سالي ومحمد غلطان هو كمان
سالي ببكاء:عارفه اني غلطانه لأني خبيت عليكي انتي وبابا ومحمد بس يا ماما احنا مش قد يحيي ده يحيي ابوه شغال في الشرطه
غاده بغضب:وماله يا سالي يا بنت بطني ما محمد جوزك في الشرطه
سالي ببكاء:ماما ابوه يبقي مدير محمد يعني كنت هعمل مشاكل كتيره
غاده بغيظ:غلطانه يا بنت غاده غلطانه وهو غلطان عشان انتم متعرفوش بعض من سنه او سنتين لا ده انتم بقالكم٦سنين يا بنتي انتم الاتنين غلطانين بس يا سالي لو فكرنا بطريقه تانيه واحد غريب بيقول لواحد تاني قضينا انا ومراتك وقت لطيف مع بعض  هيبقي زوج الهانم ايه رد فعله احنا نحمد ربنا انه متهورش هناك
سالي بغضب:بيقولي انتي اكتفيتي بصده بس اكيد كنتي فرحانه وهو بيعمل كده عايزه ايه تاني دي كفيله تدمر الحلو اللي في حياتنا
غاده بحزن:والله يا بنتي ما انا عارفه المهم دلوقتي روحي اغسلي وشك وارتاحي شويه عشان اللي في بطنك
سما بغيظ وبكاء:انتي كل اللي يهمك يا غاده العيل اللي في بطننا
غاده بغيظ:في مثل بيقول اعز الولد ولد الولد يا سما الكلب انتي احكيلي بقي ايه الي حصل معاكي
سردت سما أحداثها بغيظ من تلك الحرباء الملونة
غاده بغيظ:غبيه طول عمرك يا بنت غاده يعني كان هيجيلك داء في لسانك لو كنتي قولتيله بعد
ما يرجع من مهمته طيب بلاش دي كان لازم يعني تقوليله يمكن شوفتو بعض صدفه وهي أعجبت بيك
سما بغيظ:ما هو اللي متسرع يا غاده انا مالي كان يسمعني ويفهمني من وجهه اخري
غاده بغضب:لا يا حبيبتي خالد زي ابوكي زي محمد زي جوز اختك زي ابن الجيران كلهم نسخه واحده معني كده انك انتي اللي غلطي يا سما
سما بغضب:ما هو بيقولي معرفهاش امال هي بتطلع اَي مبني وتخبط علي اَي شقه وتقول كده ولا الرجاله كلها اسمهم خالد منزلش في السوق غير الاسم ده انا مكنش قصدي غير اني افكر معاه هي شافته فين او هو شافها فين
غاده بغيظ:بعدين انتي تقولي للبت ان الكلام ده مش هيآثر معاكي واعملي عكس اللي قولتيه كنتي حافظتي علي بيتك يا بت يا خايبه وبينك وبين جوزك  وقوليله وفكرو مع بعض
سما بغيظ:انا مغلطش انا ممكن تسرعت شويه بس الحربايه الملونة دي هي السبب
غاده بغيظ:طبعا السبب بس انتي بقي كنتي السبب الاكبر لانك نكدتي علي جوزك
سما بتفكير:اعمل ايه يا امي
ابتسمت غاده بفرحه
سما بغيظ:مالك
غاده بفرحه:اصلك قولتلي امي ومن زمان وانتي لسانك متبري منك وبتقوليلي يا غاده
سما بغيظ وغضب:احنا في ايه ولا في ايه يا غاده الله استغفر الله العظيم
غاده بغيظ:والله لولا حفيدي في بطنك كنت جيت جبتك من شعرك
وضعت سما يدها علي بطنها قائله بفرحه:حبيب ماما اللي مخلي باله منها حتي قبل ما يجي
غاده بغيظ:ماعلينا انتي تكلمي خالد دلوقتي وتقوليله ان مكنش قصدك اللي هو فهمه وان قصدك تفكري بصوت عالي هي عارفاه منين
سما بهدوء:حاضر والمطلقة اللي جنبي دي
سالي بغيظ:بعد الشر ان شاء الله الحربايه الملونة وكلب البحر
غاده باستغراب:كلب البحر مين يا بت
سالي بغيظ:هيكون مين طبعا غير يحيي زفت الطين
سما بابتسامه :تربيتي اَي حد مش عاجبك ارزعيه شتيمه من دي علطول
سالي بتعب:روحي يا بت كلمي جوزك وانا هروح ارتاح لأني تعبانه
سما بغيظ:صدق اللي قال الست الأجنبية ممكن تلف التراك وهي حامل في الثامنة خمس مرات والست المصريه اول ما تعرف ان هي حامل بصلي علي كرسي
سالي بغيظ:قومي يا غاده نسلي الشبشب الي في رجلك علي جتتها وإخلصي منها هي واللي في بطنها انا مش مستحمله سما واحده هستحمل سما وانجالها
سما بتمثل التعب:انا هدخل اوضتي يا غاده لان الواد مفرهدني واكلم لودي حبيبي وقره عيني
لفت للغرفه تفكر اهي اخطئت ام ماذا؟هي لم تقصد ما فهمه خالد ضمت بطنها وغطت في نوم عيمق
..................................................................
عند خالد
ظل يفكر اهو أخطئ؟هل فهم خطا ام ان سما كانت تفكر هكذا؟
تردد في الاتصال بها كثيرا ليقرر بانها هي من ستتصل لا يعلم بانها غطت في نوم عميق😂😂
..................................................................
في ألمانيا
دلفت سلمي الفيلا بغضب وخلفها جاسم الذي كان يسير ببرود
سلمي بغضب:مش فاهمه انت قفلت الأغاني  مره واحده وكسرت علي السياره اللي جنبك ونزلت ضربت فيهم لييييه
جاسم ببرود:وطي صوتك وانتي بتتكلمي معايا وبعدين احمد ربنا اني مقتلتهش
سلمي بغيظ:هتبقي قتال قتله (بسخريه)صح ماهو الي يحاول يقتل قبل كده ممكن يقتل مره تانيه
جاسم بغضب:يحاول انا عمري ما فكرت اقتل حد
سلمي بصريخ:والي عملته فيا
جاسم بغضب:وطي صوتك وانتي بتكلميني قولت انا محولتش اقتلك يا سلمي ربنا كان كاتب كده لقائنا هيبقي كده انا مالي هتعترضي علي الي ربنا كاتبه وبعدين انتي اصلا مكنتيش مركزه
سلمي بغضب:مش هعترض علي اللي ربنا كتبه بس يا جاسم متتكلمش عن ربنا وانت مش عارفه ولو انا مكنتش مركزه كان المفروض انت تكون مركز اووووبس(بسخريه)سوري يا جاسم نسيت انك مدمن زي ما بتقول علي نفسك
جاسم ببرود:كويس انك صدقتي اني مدمن كل ما تصدقي كل ما بتسهلي حياتنا
سلمي بغضب:انت صدقت الكدب مفيش مدمن وشه منور مفيش مدمن يقدر يعمل الشركه الي انت عاملها مفيش مدمن يقدر يعيش في فيلا سواء ايجار في ألمانيا او ملك في مصر انت كداب يا جاسم كداب وعمرك ما هتنجح في حياتك طول ما انت بتكدب الكدبه وتصدقها
جاسم ببرود:اطلعي اوضتك وانا كمان هطلع عشان تعبان
ذهب وتركها وقلبه تأكله النيران يشعر بالخنق والضيق فهي معها حق هو ليس مدمن بل كان مدمنا في السابق
.....................................................................
في منزل عاصم الخاص غير منزل تجمعه هو وأصدقائه او فيلا أهله
كتب عاصم رساله لشخص مجهول(قريبا النهايه)
ترك الهاتف وبدأ بلعب الرياضه
.....................................................................
في مكان اول زياره له في روايتنا
عز الدين بحب:مالك بس يا والدي
محي بضيق:انت ليه يا عز مطمن لبعد عاصم وجاسم عن بعض ما هما ممكن يتصافو مره تانيه
عز الدين بشر:متقلقش يا والدي جاسم عامل زي التيشيرت النبيتي وعاصم عامل زي البنطلون الأخضر يعني عمرهم ما هيليقو علي بعض او هيتفقو مع بعض
محي بهدوء:ايه الي يثبتلك ده
عز الدين بشر:البعد بينك وبين وليد النويري طول ما انت بعدين طول ما هما بعاد عن بعض
ابتسم محي بشر بينما بادله عز الابتسامه
الاب بتذكر:عملت ايه في البنتين
عز الدين:واحده ماتت والتانية هتموت قريبا
الاب بتفكير:هل ليهم علاقه بعمك وعياله
عز الدين بهدوء:زمان لا مجرد بنتين اشتغلو عندي واكتشفو شغلي وخلصت من واحده منهم قبل ما تحصل شوشره بس للأسفل التانيه انضاف لحسابها دخول لعبه النويري
الاب باستغراب :ليه
عز الدين بغيظ:التانيه تبقي مرات ابن عمي جاسم النويري
الاب بغضب:البت دي تخلص منها وحالا
عز الدين بهدوء: مش محتاج تقولي جاري التنفيذ
(اظن كده انتم عرفتم ان عز الدين يقرب لجاسم وعاصم ايه وعرفتم كمان ان البنتين شهد وسلمي)
...
استوووووب...الحلقه التاسعه عشر خلصت
اتمني ان تنال إعجابكم

توقعاتكم
ياتري شهد ماتت ازاي؟
ياتري عز الدين اكتشف شهد وسلمي ازاي؟
ياتري ايه هو سبب العداء بين وليد وأخوه ؟
ياتري ايه معني رساله عاصم(قريبا النهايه)؟
ياتري سما هتقتنع براي مامتها وتصالح خالد؟
ياتري سما غلطانه ولا خالد؟
ياتري سالي ايه الجديد في حياتها؟
ياتري مين الي غلطان محمد ولا سالي؟
ياتري هل برجوع ذاكره سلمي كل الألغاز هتتحل؟
اتمني ان تنال إعجابكم

عشقت من دمر حياتي
بقلم:مريم عماد

ومن هنا اقول لكم بان الروايه قد بدات للتو😂❤️