روايه عشقت من دمر حياتي

الحلقه التاسعه

اتصل عبدالله بخالد ليخبره بموافقه سما
عبدالله بابتسامه:السلام عليكم أزيك يا ابني
خالد باحترام:وعليكم السلام الحمد لله يا عمي حضرتك اخبارك ايه
عبدالله بابتسامه:نحمده ونشكره يا ابني انا بتصل عليك عشان اقولك ان احنا موافقين علي خيره الله مبروك يا ابني
خالد بفرح:الله يبارك فيك يا عمي
عبدالله بهدوء:منتظرك النهارده نتفق علي التفاصيل في امان الله السلام عليكم
خالد بهدوء:وعليكم السلام ورحمه الله وبركاته
قام باغلاق الخط ويخرج للصالون ليجد شركائه يجلسون علي الاريكه ويشاهدون مباره كره القدم ليجلس هو في المنتصف :ماتش ايه ده
مروان بحماس:الأهلي ضد الزمالك اكيد الزمالك هو الي هيفوز
عاصم بغضب:الأهلي بإذن الله
خالد ببرود:الحمد لله انا محايد بينكم لا بحب ده ولا ده انا بشجع اللعبه الحلوه
مروان بغضب:فاول يا عم الواد ده متخلف وهيتعبني معاها
عاصم بغضب:ما تسكت بقي ياض انت علفكره النتيجة لصالحنا لغايه دلوقتي
مروان بحماس:بإذن الله واحد احد هينصرنا عليكم
خالد بغضب:اخلص انت وهو بليل هنروح نتكلم في تفاصيل الجوازه
مروان بانتباه:هما وافقو
خالد بابتسامه جذابه:الحمد لله
عاصم بابتسامه:مبروك يا خالد ربنا يتمملك علي خير
مروان بغضب:ما تشوط يا عم ايه الارف ده
خالد بغضب:فصيل اوووي الكابتن ده
ضحك عاصم :خليه كده يتحسر علي نص مرتبه
ضحك خالد :هههههههه عملتها طيب كويس
مروان بغضب:وحياه امك لتفوز اشيخ فلوسي هضيع عليا منك لله انا كان مالي ومال ام الرهان الزفت ده
عاصم باستفزاز:اتفرج وانت ساكت يا مروانتي لوسمحت
مروان بغضب:قولتلك انا مش مروان حد انتم عايزين تستفزوني وبعدين انا مروح انهارده اصلا
عاصم بغمزا:متنساش تحط نص مرتبك في اوضتي يا اخ مروان
خالد بضحك:ههههههههههه فصلت انا هقوم يمكن النحس يتفك وعاصم يدفع بدل مروان
عاصم بهدوء:انا لو الزمالك فاز هعزمكم علي أكله جامده انهارده إنما الأخ هيدفع نص مرتبه
خالد وهو يدخل غرفته:هههههههههه حلو احسن تستاهلو هههههههههه
........................................................................
كان عبدالله يجلس في مكتبه فهو قد بداء العمل بعد ان وافق علي كلام وليد ليأتيه اتصال من رقم غريب
عبدالله بهدوء:السلام عليكم مين معايا
جاسم ببرود:عليكم السلام انا جاسم يا استاذ عبدالله
عبدالله بضيق:خير يا ابني
جاسم ببرود:خير انت قولت لابويا ان جوازي من بنتك هيبقي علي ورق وان مش هعملها فرح بص بقي لو انت عايز تقلل من بنتك فانا مش هوافق اقلل من مراتي هعملها فرح وهتجوزها بس مش الهبل الي انتم بتقولو عليه خالص هتبقي علي اسمي في بيتي مش هتطلع غير علي قبرها
عبدالله بغضب:انتم مفكرين نفسكم ايه بتبيعو وتشترو فينا ليه
جاسم بمكر:ما انت مينفعش تديني شوكولاتة وتقولي مكلهاش اكيد هضعف واكلها بنتك لو دخلت بيتي مش هتطلع منه وكلامك معايا مش مع ابويا بنتك هتجوزها ونسافر تتعالج  وبعدين نرجع نعيش هنا وطلاق مش هطلق وفرح وهعمل سلام
وقام باغلاق الخط
عبدالله بغيظ:وقح مش عارف هأمن مع بنتي ازاي
صديق لعبدالله وكان يجلس معه في نفس المكتب ويعرف قصه ابنته وذلك الشاب رجل حكيم ويدعي مينا
مينا بهدوء:مش يمكن دي رساله من ربنا انك تشوفه متمسك ببنتك
عبدالله بضيق:بنتي مفروضه عليه زي ما هو مفروض عليها يعني جوازه مش سليمه
مينا بهدوء:مش يمكن مش عايز يطلقها او متمسك بيها علشان مش مفروضه عليه
عبدالله بضيق:ويمكن مفروضه عليه من ابوه وهو عايز يدايق ابوه بيها
مينا بهدوء:وانت ليه مفترض سوء ما ممكن يحبها
عبدالله بضيق:ممكن بس مش اكيد
مينا بهدوء:انت مش قولت انك صليت استخاره انت ومراته وربنا دلكم علي الطريق ليه مدايق سيب بكره لبكره والقدر هيوقعهم في بعض
عبدالله بابتسامه:مع انك مش من ديني بس برتاح لكلامك اوووي
مينا بابتسامه:المسيحي والمسلم أيد واحده
................................................................
في شركه جاسم النويري
كانت شركه فخمه وجميلة من الخارج ومن الداخل كان شي خرافي  كان كل من يشاهدها من الخارج يتمني دخولها كان موظفينها يرتدون الزي الرسمي لتلك الشركه الفخمة التي كبرت في٥سنوات فقط لتصبح تنافس شركات كبري ولكنها مازالت داخل مصر لم تصبح شركه عالميا
كان يجلس جاسم علي مقعده يلعب بالقلم بين أصابعه باحترافيه شديده مسلط تركيزه الكامل علي تلك الصفقه يراجعها قبل ان يمضي عليها ليدلف عليه صديقه المقرب يامن بهدوء:انت لسه بتراجع الصفقه يا جاسم
جاسم بهدوء:اخر بند اهووو وبعدين في العجله الندامه وفي التأني السلامة ولا ايه
يامن بهدوء:طيب اسيبك انت تخلص الصفقه دي عقبال اما اروح اتمم علي المصنع
جاسم بهدوء:تمام