روايه عشقت من دمر حياتي

الحلقه الرابعه عشر

متبخلوش عليا بكومنت انا عايزه تشجيع❤️❤️

جاسم بغضب:كيف ذلك انا اريد رؤيتها
الممرضه باحترام:سيد جاسم اعتذر ولكن عليك التحدث مع الطبيب ليس معي
جاسم بغضب:أخبرتك أين الطبيب قولتي انك من ستساعديني
الممرضه بهدوء:اعتذر مكتب الطبيب جوزيف في الطابق الرابع
ذهب جاسم و تنظر لأثره بغضب دفين لتقترب منها ممرضه اخري يظهر علي وجهها الشماته والخبث تدعي كاندي :ماذا بكي يا لورا
لورا بغضب:ذلك الشاب المتعجرف
سمع ممرضه اخري كانت تتابع الحوار من البدايه تدعي نازيا :لورا انتي تعلمين انه من أصول عربيه وتعلمين ايضا بانه متزوج
لورا بغضب:وما شئنك انتي أيها الغبيه
كاندي بخبث:ما رايك باتفاق بيننا لورا من تستطيع لفت نظره هي من سيفوز به
لورا بحماس:موافقه يا عزيزتي
نازيا بضيق:ستظلون كما أنتما انا اسفه للحديث معكم بلا جدوى
وذهب وتركتهم بينما جلست الاثنين تفكران بكيفيه جذب نظر جاسم لها
.....................................................................
في الطابق الرابع
كان الطبيب الذي يدعي جوزيف يجلس علي مكتبه يراجع ملف احدي المرضي
ليدق الباب ليسمح جوزيف للطارق بالدخول دلف جاسم بهدوء متحدثا بالألمانيا
جوزيف بهدوء:مش محتاج تتكلم بالالماني انا اتحدث العر بية
جاسم بهدوء:تمام عندي اسئله كتير عن حاله سلمي عبدالله
جوزيف بهدوء:تمام اتفضل
جاسم بهدوء:ممكن تفوق امتي
جوزيف :في علم الغيب عند ربنا مش عندي
جاسم بعصبية :ممكن افهم ان دي اول عمليه تعملها والمفروض منتظراها عمليات تانيه فليه تدخل في غيبوبه إذا كان هتدخل في غيبوبه في كل عمليه يبقي عليه العوض ومنه العوض
جوزيف بهدوء:خلي عندك ايمان بربنا انه ينقذ روحك زي ما قولت وبعدين اول عمليه هي اللي صعبه فعشان كده دخلت في غيبوبه بس باذن الله ربنا يسترها ومش هتتكرر أبداً وبعدين الحمد لله بدل ما كنا نفقدها خالص دخلت في غيبوبه
جاسم بغضب:بس بردو في احتمال اني أفقدها انا بقولك اهووو يا حضره مراتي لو حصلها حاجه مش هيكفيني رقبتك مش مرات جاسم النوريي اللي الأطباء يتهاونو في علاجها
جوزيف:باذن الله مراتك هتبقي كويسه
كاد جاسم الذهاب ولكنه ينظر للطبيب مره اخري:هي فاقده الذاكره فهل الغيبوبه دي ممكن ترجعهلها
جوزيف بهدوء:مفيش حاجه مستحيله بس الذاكره بترجع لما بتحاولو تنشطها فأظن انها مش هترجع لمجرد دخولها في غيبوبه
تقدم خطوه وقام بالالتفات لجوزيف من جديد:ممكن ادخل لها العنايه يا دكتو......
جوزيف بهدوء:يوسف بس هنا بيقولولي جوزف ايوا تقدر تدخل لها بس لازم تعقيم هكلم الممرضه تجهزك لمقابلتها
قام يوسف او جوزيف بالنداء علي كاندي لتقوم بفعل اللازم ليقابل معشوقه فؤاده
ليقف امام غرفتها يستنشق الهواء ويحرره ليجد شخص يضع يده علي كتفه ويتضح بانها فتاه ليبتعد بسرعه ليجدها تلك الشمطاء التي تدعي كاندي ويظهر علي وجهها البرائه:اعتذر ان أفزعتك انا اريد فقط مواساتك فضياع الحبيب من اصعب الامور التي يشعر الإنسان بها
جاسم بجمود:مواساتي هل هذا يتضمن عملك ايضا (بسخريه لازعه)حبيبتي لن تتركني اتفهمين ستظل معي ولن اسمح بفقدانها اذهبي لا اريد رؤيتك مره اخري ولا تضعي يدك علي كتفي
دلف لمعزبه فؤاده فهو حتي لم يعترف لها بعشقه اما بالخارج نظرت كاندي لأثره بغضب وكره وغيظ فهي تمتلك جمال يجبر الجميع ان يخضع لها لتجد تلك الشمتاء الاخري لورا: امممممم اسفه لما حدث لكي عزيزتي تنحي جانبا لانه جاء دوري
كاندي بسخريه:انتي تعلمين جيدا بانني امتلك جمال لا تمتلكيه انتي فإذا فشلت انا فمن المحتم بانك ستخسرين انتي الاخري
لورا بسخريه:سنري ولكن اريد ان اعطيك نصيحه عزيزتي الرجل العربي القوي لايهتم بالجمال الخارجي وانا اشك انكي تمتلكين جمال اخر
ذهبت وهي تضحك باستفزاز بينما نظرت لها الاخري بغيظ وتوعد
.....................................................................
كانت مكالمه جماعيه بين غاده وعبدالله وسما وخالد وسالي ومحمد يتحدثون عن حال ابنتهم سلمي
خالد بهدوء:جاسم يا عمي قال انها دخلت في غيبوبه
شهقه هزت المكان من الفتيات وبكاء جحيمي يلحق بها شعرو بالاختناق والضيق والآلام
غاده ببكاء:عايزه اطمن علي بنتي اتصلو علي جاسم اعرف احوال بنتي ارجوك يا خالد انت ومحمد وعبدالله
محمد بحب:ترجونا ايه يا والدتي هندخله في المكالمة حاولو الاتصال به ولكنه لم يجيب لتزداد الدموع النواح بينما كان كل رجل يواسي معشوقته وقلبه يأكله النيران أحبو سلمي مثل أختهم بينما عبدالله كان بعالم اخر في هذا الوقت وعلم بانه سيجهز نفسه لفقدان صغيرته
.....................................................................
في مصر تحديدا في منزل يامن
رحمه بابتسامه صفراء:أيدا أيدا أيدا انتو تعرفو بعض
يامن بهدوء:رحمه دي مرات مهاب صاحبي  اللي حكيتلك عنه
رانيا بكره:عمري ما هنسي انت عملت ايه في صاحبك يا استاذ يامن لا وكمان بتقربو لابني ابعدو عنه عشان الصلات مقطوعة من زمان يلا يا نور
نور ببكاء قام بإمساك يد تميم وهذا كافي علي انه لا يريد ترك صديقه الذي احبه بشده
رانيا بغضب:يلا يا نور  وقامت بإمساك يده وأبعدتها عن يد تميم وأخذته وذهبت لينظر تميم لهم بحزن: كنت بدأنا ناخد علي بعض وهو يحبني وانا احبه بس شكلنا خلاص
رحمه بحب وامل:لا يا حبيبي انت ونور الي هترجعو بابا وانكل مهاب صحاب تاني انا واثقه فيكم
يامن بصوت جهوري:انتي بتهببي تقولي ايه للولد تمتم نور يتنسي خالص عندك عيال كتير تتعرف عليهم اتفضل علي اوضتك
رحمه بحب:حبيبي انا اقسم بالله مكنتش اعرف انها مرات مهاب النجار
يامن بجمود:ولا يهمك وياريت ما تاخدكيش الحماس وتقولي الكلام ده لابنك تاني
رحمه بحزن:حبيبي انا لغايه دلوقتي شايفه انه سوء تفاهم وكل واحد بعد عن التاني من دون ما تواجهو بعض
يامن بجمود:موضوع منتهي مهاب ملوش سيره في البيت ده اقفلي الموضوع انا اتخنقت وهنزل اتمشي شويه
رحمه بحزن:وتسيب رحمه قلبك لوحدها
يامن بتفكير:اجهزي انتي وتميم هنخرج كلنا نتعشي بره
رحمه بحزن:حبيبي حاول تاخد قرار لازم تواجه مش كل حاجه تنسحب
يامن بغضب:انا مش ضعيف عشان انسحب انا عمري ما كنت ضعيف
رحمه بحب:عارفه انك اقوي راجل في العالم كله ادخل اغسل وشك وغير هدومك يلا
يامن بحب:مش عارف انتي ازاي بتحوليني من غضبان وعصبي عاشق ولهان
رحمه بفخر:سر المهنه يا باشا
يامن بغيظ:بدأنا هبل
...............................................................
جني بتوتر:بابا...انا ...يعني...كنت...اقولك...يعني...عايزه
ابو محمد بضحك:حبيبتي اهدي كده في ايه
جني بتوتر:جواز...مروان...انا...مروان
ابو محمد بضحك:فهمت خلاص مروان طلب ايدك مني اصلا لما لقي انك اتاخرتي
جني بغيظ:كائن بارد صحيح
ابو محمد بضحك:حبيبي انا أديته معاد بكره
جني بهدوء:بابا انت موافق
ابو محمد بحب:طبعا ظابط قد الدنيا بيحب بنتي وبنتي بتحبه طيب دمه خفيف راجل يقدر يقف في وش اَي كلب هكون عايز ايه لبنتي اكتر من كده
جني بحب:انا بحبك با بابا ربنا يخليك ليا
ابو محمد:وانا بعشقك يا روح بابا ويخليكي ليا يا صغننتي
ام محمد بحب:مبروك يا قلبي وبعدين صغننتي ايه بقي ماهي متقدملها عريس وهتتجوز
ضحك الجميع وقامو بالمباركة لها
............................................................
كان الباشا يجلس في الظلام يقوم بشرب النبيز بفرحه كبيره
الباشا:مبروك عليك عز الدين النويري صفقه الهيروين الجديدة ههههههههههههه
.........................................................
كان جاسم يجلس امام سريرها يشعر بالتوهان نظر لها بحب ليستجمع نفسه يقوم بالاقتراب منها طابعا قبله رقيقه علي جبينها قائلا بحب مغلف بالحزن:قولتلك ان عندي كلام كتير اوووي وانتي لازم تسمعيه قولتيلي هحاول اتمسك بالحياه انا بقي بقولك حاولي تتمسكي بحبنا من الحاجات الي لازم تعرفيها اني بعشقك مش بس بحبك جاسم النويري مش جاسم النويري طول ما روحه بعيده عنه انا عايزك تتمسكي بالحياه وبحبنا اللي للاسف لسه مدخلش عالم العشاق أوعدك ان قصتنا هتتكتب في كتب التاريخ زي روميو وجوليت وعنتر وعبله هيبقي جاسم وسلمي ارجوكي نفذي وعدك ممكن اسيبك يوم يومين بس مش اكتر بحبك يا أغلي حاجه حصلتلي في حياتي بحبك يا سلمتي
قام بتقبيلها مره اخري علي جبينها بحب وذهب لمنزله ليغير ملابسه ويتناول طعام سريع ويرجع لحب عمره
............................................................
خالد بحب:سما تعالي نغير جو تعالي نقعد علي البحر
سما بحزن:مليش نفس يا خالد
خالد بحب:بدل قعده الجناح دي تعالي نقعد علي البحر نتكلم ونطمئن علي سلمي
وبعد إقناع كبير وافقت سما
...............................................................
علي البحر
سما بهدوء:الحمد لله انك جيت اتقدمتلي في اليوم إياه ده يا خالد
خالد بهدوء:بردو مش عايزه تحكيلي وتخلي الموضوع ده لغز ليه لغايه دلوقتي
سما بحزن:يوميها بابا حكي لمديره ظروفنا والمدير كان عارف كل حاجه عن بابا فقال لبابا انه ممكن ينقذ سلمي ويسفرها تتعالج بس بشرط ان المدير يتجوز اصغر بنت عند بابا والي هي انا
خالد بنرفزه:وطبعا حضرتك وافقتي علشان تنقذي اختك
سما بحزن:كل اللي فكرت فيه سلمي وبس
خالد بتماسك:انا مكنش المفروض افتح الماضي بس احب اقولك اللي انتي كنتي هتعمليه انانيه كبيره اوووي منك ليه مفكرتيش فيا طيب مش مهم ليه مفكرتيش في نفسك
سما بدموع:مكنتش اعرف انك بتحبني كنت مفكراك عادي بتعتبرني اختك كنت مفكرا حب من طرف واحد واكيد مش هتمسك بحب من طرف واحد بس انت جيت وانقذتني انت منقذي انا بحبك اوووي يا خالد
خالد بهدوء:وانا كمان يا سما بحبك جدا بس انتي متعرفيش يوميها انا حسيت بايه بصراحه هعترفلك بحاجه لما بتبقي زعلانه او هتعملي مصيبه او هتضيعي مني بحس ان قلبي عايز يخرج من مكانه فبصراحة اخر مره مقدرتش استحمل فجيت اتقدملك
سما بحب:ربنا كاتبنا لبعض يا حبيبي احنا نصيب بعض من اول يوم جينا الدنيا فيه
قضى الوقت سويا بكل حب وحنان وأيضا بعض الحزن
..............................................................................
خرج محمد من الحمام ليجد سالي توشك علي سقوطها علي الارض ركض نحوها بسرعه ليلتقطها قبل ان تسقط ارضا يضعها علي الفراش
محمد بقلق:مالك يا قلبي
سالي بتعب:دايخه شويه
محمد بغضب:اخر مره اكلتي او شربتي امتي
سالي بخجل:انبارح المغرب
تمالك محمد نفسه قبل الفتك بها ليضغط علي خصلات شعره بغضب ممتصا غضبه ذاك:خلال عشر دقايق ألقيكي لابسه فستان شيك وطرحه جميله ومن دون نقطه ميك اب واحده فاهمه هنتغدي وهنتمشي شويه
سالي ببكاء:قلبي مش مطاوعني اخرج وانا شايفه اختي في غيبوبه بطني رافضه اَي اكل يدخلها وكأنها عامله إضراب
محمد بحب:حاسس بيكي يا قلبي ومتفكريش اني مش حاسس بيكي لا سلمي اختي قبل ما تبقي اختك وانا حاسس بوجعك بس الإضراب عن الاكل او الشرب مش هيحسن حالتها بل هيسوء حالتنا احنا لازم نبقي أقويه عشان هي تبقي قويه لما تفوق
سالي بحب:ربنا يخليك ليا يا حبيبي
محمد بحب:ويخليكي ليا انا بحبك اوووي يا سالي
سالي بحب:وانا بعشقك يا روح سالي
محمد بحماس:اتفضلي يلا اختاري فستان جديد وحلو عشان الخروجه هتبقي جمده
سالي بتفكير:هتجبلي غزل البنات وايس كريم وشوكولاته
محمد بسخريه:صح نسيت انك داخله علي دور اكتئاب خليكي هنا انا نازل
سالي بغيظ:اثبت عندك انا هدخل اغير هدومي وهنزل ناكل ونتمشي ونجيب الي انا عايزه وعقابا ليك هجبلك ذيي اتفضل اقعد هنا عقبال اما خلص
محمد بضحك:هههههه اتفضل يا باشا هنتظرك طبعا عاقبيني زي ما انتي عايزه
ضحكت سالي وقامت بتغير ملابسها وقامت بالنزول من جناحها لتكمل يومها مع من اختاره قلبها ليتربع علي عرشه معلنا ملكيته لقلبها واستسلامها لملك قلبها
...
استوووب...الحلقه الرابعه عشر خلصت
اتمني ان تنال إعجابكم

توقعاتكم
ياتري سلمي ممكن تفوق امتي؟
ياتري لورا وكاندي هيسكتو ولا هيلفون اكتر علي جاسم؟
ياتري سلمي رد فعلها ايه لما تفوق وتلاحظ العقربتين دول بيلفون حولين جوزها؟
ياتري لورا هتستخدم سلاح ايه ؟
هل لورا ممكن تستخدم سلاح الجمال زي كاندي؟
ياتري ايه رأيكم في تصرفات خالد ومحمد تجاه مرتاتهم؟
ياتري ايه المشكلة الي بين مهاب ويامن
ياتري هل الباشا اسمه عز الدين ولا كان بيتكلم مع حد؟
اتمني لكم قراءه ممتعه

روايه عشقت من دمر حياتي
بقلم/مريم عماد