*فى كلية الطب تجلس بمفردها سارحة وحزينة عينيها مُثبتة على الأرض لا تتحرك وقفت مريم أمامها ولكن زينة لم تتحرك ايضاً فصاحت مريم: ايه !!! معقول سرحانة اوى كدا ؟
-معلش يا مريم مَكنتش واخدة بالى انك واقفة فى حاجة ولا ايه ؟
* اه فى ..بصى يا ستى انا بصُدفة واقفة مع شوية بنات لقيت ولد دخل علينا ..البنات كلها قعدوا يقولوا : قولنا شعر يا خالد عشان خاطرى وقعدوا يتحايلوا عليه لحد مقعد يتكلم ..قال شوية كلام حلوين اوى وانا واقفة بسمع جيتى فى بالى علطول فكرت فى فكرة حلوة تساعدك فى إنك توصلى لحلمك لانه مشهور اوى اوى يا زينة الجامعة كلها عرفاه.
-ابتسمت زينة "ثم رجعت بظهرها إلى الخلف لتستند على المقعد الذى تجلس عليه ثم أخذت تنهيدة طويلة" وقالت : انا مش هكتب تانى يا مريم .
مريم" بصدمة ": ايه إلى انتى بتقوله دا يا زينة انتى اتجننتى ولا ايه ؟!
-إهدى بس وانا هحكيلك الموضوع ياستى هو أن ماما عرفت انى بنزل على النت .
*ومين قالها ..مش انتى قولتى انها ملهاش فى النت ؟
- ايوا هى فعلا ملهاش فى النت واكيد يعنى عرفت من حد تانى .
* اخوكي اللي قالها ؟ طب ازاي مش قولتى أنه واقف جمبك ..هيقولها ليه ؟
-يا بنتي أهدى مش أخويا طبعا .
* امال مين ..اخلصي وقولى ؟
- علي.
* علي ؟ علي مين؟
-مش فاكرة قريبي اللى حكيتلك عليه ؟
* اه اه افتكرت ..طب هو ليه قال لمامتك؟
- مش عارفة ...كل الى انا عرفاه أنه إنسان مريض وبيكرهنى جداً ..مع انى مأذيتوش فى حاجة والله وكنت بعامله كويس بس انا مش عارفة ليه عايز يدمرنى !
*بقولك ايه يا زينة انتِ هتكتبى غصب عنك وعنه وهتنجحى وهتموتيه بحسرته ؛لان الاحباط اللى انتِ فيه دا هو دا اللى عايزه أوعى تستسلمى وتحققيله إلى بيتمناه .
- انا خلاص يا مريم شغفي مات .
"التقطت مريم يداها وسحبتها من على المقعد حتى وقفت أمامها" ثم قالت : انتى هتيجى معايا دلوقتى لخالد ، وهو هيصحيلك شغفك.
-يا مريم متحوليش ماما مش هتوافق .
* مش هنقولها دلوقتى .
"حتى توقفت مريم لتكمل" : استنى هنا هجيبه وأجى .
-وقفت زينة وهى بداخلها تريد أن تقف أمام علي بكل قوتها التى يسلُبها منها ببطئ حتى جاءت مريم ،ومعاها خالد و وقفوا أمامها .
"فبدأت مريم" : دا خالد يا زينة اللى حكيتلك عنه ودى زينة ياخالد إلى قولتلك عليهاواحنا جايين .
=أهلاً وسهلاً يا انسه زينة .
-اهلاً بحضرتك .
* خالد يا زينة مترددش لحظة أنه يجى معايا ويسمعك .
-شكرا ليك واسفة لو هتعبك .
=تعب ايه بس انا جاى اعمل حاجة بحبها جداً ..قوليلى بقا اتعلمتِ من حد ولا بتكتبى كدا ..قصدى يعنى عارفة القواعد كويس ؟
-الحقيقة لا انا بكتب إلى يجى على بالى .
= مفيش مشكلة احنا ممكن نقعد وانا هعلمك كل حاجة ..تسمحى ؟
-اه اكيد طبعا يلا .
__________
يتبع/....
#shahd soliman .
أنت تقرأ
قصة "جزء مني " _ شهد سليمان
Teen Fictionتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
