بعد ثلاث ايام جلست زينة على فراشها وبجانبها امها تطعمها فى فمها .
- كفايا يا ماما انا شبعت.
= ماشى يا حبيبتى.
- بس ايه يا ماما التغير الفظيع دا ؟
= تغير ايه بس يا بنتى انا بحبك وبخاف عليكى علطول بس هو كلام عمتك اللى كان عاميانى .
- ودلوقتى ؟
= لا دلوقتى انا هخليكى تكتبى وتعملى إلى انتى عايزاه .
-بجد ياماما ؟
= بجد ياروح ماما .
-شكرا يا احلى ام فى الدنيا .
فى مكان آخر يجلس خالد ومريم ليصيح خالد فى مريم : انا بقالى تلات ايام مش بشوفها ولا بتيجى الجامعة ولا معايا رقم ليها انا لازم اعرف حصلها ايه ؟
* يابنى أهدى وانا هكلمها اهو .
"تتصل مريم ب زينة لتجيب زينة" : الو .
مريم "بلهفة" : ايوا يا زينة انتِ بتهزرى تلات ايام معرفش عنك حاجة وقافلة موبايلك فى ناس هَنا هتموت وتعرف مالك ؟
-معلش يا مريم انا تعبت فجأة ونقالونى على
المستشفى و...لتقاطعها مريم" بصدمة": مستشفى ! مستشفى ايه قولى بسرعة وايه الى حصل ! مالك !
-يابنتى أهدى دايماً كدا متسرعة ..انا دلوقتى فى البيت كويسة الحمدلله وهنزل الجامعة من بكرة متقلقيش.
*طب انا جاية ليكى حالاً سلام دلوقتى .
"أغلقت مريم الخط ليسرع خالد ويقول" : مستشفى ايه ومالها زينة؟
* مش عارفة انا هروحلها وهعرف كل حاجة .
=طب انا جاى معاكى .
*جاى معايا فين ياخالد لا طبعا مينفعش تروح تزورها عادى كدا.
=امال هفضل قاعد كدا ومعرفش عنها حاجة !
*هو دا الحل الوحيد وانا نص ساعة وهاجى احكيلك كل حاجة .
=متتأخريش عليا يا مريم .
*حاضر حاضر .
*ذهبت مريم لها لتجلس بجانبها فى الفراش "وتقول فى لهفة" : مالك يا حبيبتي ايه الى حصل ؟
-متقلقيش كنت بتكلم مع ماما وشدينا مع بعض شوية جالى هبوط وأُغمى عليا ودخلونى المستشفى خلصت المحاليل إلى ركبوها وروحت علطول .
"تنهدت مريم ثم قالت" :وايه الى حصل مع مامتك ؟
- شافتنى يا ستى وانا بطلع الورق الشعر قولتلها كل اللى فى قلبى ومن الواضح انى زعقت شوية فحصل كدا .
* الحمدلله وهى دلوقتى عاملة ايه معاكى ؟
-لااااا دى اتغيرت خالص وبتشجعنى دلوقتى .
*كويس الحمدلله .
-عايزاكى معلش يا مريم تاخدى الورق دا وتوديه لخالد انهاردة ؛لانه كان طلبوا منى اخر مرة شوفتك فيها .
*دا قلقان عليكى اوى وكان عايز يجي معايا بس انا قولتلوا لا طبعاً .
-كويس إنك عملتى كدا .
*هو عايز الورق دا ليه ؟
-قال أنه عايز يقرأه .
*ماشى ..هروح انا بقا اديهوله عشان ألحق أروح ألف سلامة عليكى ياقلبى .
-الله يسلمك يا حبيبتى مع السلامة.
_____________
يتبع / ....
# shahd soliman .
أنت تقرأ
قصة "جزء مني " _ شهد سليمان
Teen Fictionتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
