وها هي ذا تجلس في غرفتها المُظلمة منعزلة عن البشر رفيقتها الوحيدة هي دموعها التي تنهمر على وسادتها كل يوم ، محطمة من الداخل، هاشة لا تقوى على فعل أي شيء ، بداخلها صراخ تود أن تبوح به إلى العالم أجمع لكنها ضعيفة ، مُستسلمة ، جالسة على فراشها تضم قدميها إلى صدرها يدور داخل ذهنها: "لماذا؟ لماذا يسخرون منى؟
هل لأني مريضة؟ نعم ؛ فضعف النظر مرض."
يقطع حديثها مع نفسها دخول شقيقها ليقول: * زينة لو نايمة أصحى يلا علشان تذاكرى.
ثم يتجه إلى مفتاح النور ويفتحه ليرى أنها جالسة في هذا الوضع.
*زينة أنتِ كويسة؟
•"قالها بخضة وهو يتجه إلى فراشها".
-انا كويسة متقلقش.
•"قالتها وهي تمسح دموعها".
"أدهم بِود" :لو أحتاجتى تحكى أنا موجود.
'فى المدرسة الإعدادية المشتركة لغات '
-احنا كدا خلصنا الحصة، حد محتاج أي سؤال !؟
•"قالتها مس مُنى وهى تغلق دفترها".
"ترفع زينة يدها قائلة" : لو سمحت يا مس عندي سؤال.
وقبل أن تجاوب المُعلمة عليها جاء صوت من الخلف قائلا: "كشافاتوا عايزة تسأل".
ليضحك كل من في الفصل ثم تجلس زينة على مقعدها وقد شُلت حركتها.
" تقف المعلمة قائلة" : إيه إلى أنتَ بتقوله ده يا علي اعتذر لزميلتك ومتتكررش تاني .
علي: "لا مش هعتذر لحد" .
"المعلمة بضيق مصاحب زعيق" : أطلع برا يا علي.
وقف علي واتجه إلى الباب ونظر لها نظرة نارية لا تدل على خيرًا أبدًا فقد وصل إلى ذروة غضبه.
ترقرقت الدموع في عين زينة، وكادت أن تصرخ ولكن المعلمة كانت أسرع منها، ومسحت الدمعة التي كانت على وشك الهبوط من عينيها.
*بتعيطي ليه بس ياحبيبتي أنتِ أحسن منهم كلهم أنت بأربع عيون وهما بإتنين بس، ربنا مميزك بحاجة عنهم كلهم، ومينفعش نعيط من ممُيزاتنا.
- عارفة يا مس ده يبقى مين؟
*مين ياحبيبتى ؟
-"قد أنهارت من البكاء قائلة " : ابن عمتي.
*طب هو ليه بيعمل معاكي كده؟
"-ببكرهني، بيكرهني وقالها ليا في وشى".
"*ما هو لازم يكرهك، عارفة ليه؟"
"-ليه؟ "
" *عشان العين مش بتكره غير الأحسن منها، وأنت ما شاء الله عليكي ذكية ،وشاطرة وجميلة، أنا مش عايزاكي تفكري بسلبية تاني، شوفي الموضوع من الجانب الإيجابي، توعديني يا زينة؟"
"-أوعدك يا مس".
عادت زينة إلى منزلها، وقررت بداخلها أن تتخطى كل الإحباطات التي تعوق طريقها قررت أن تهزم علي وأمثاله، وأن تضع عبارات معلمتها ،وبذات عبارة "العين مش بتكره غير الأحسن منها "هذا هو المبدأ التي سوف تبدأ به طريقها من الجديد، وأن تضع حد لهذه المهزلة .
_______________
يتبع /....
#shahd soliman .
أنت تقرأ
قصة "جزء مني " _ شهد سليمان
Novela Juvenilتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
