يبتسم خالد ابتسامة واسعة ويشاور بيده لشخص يقف بعيد يجلب له كتاب يأخده خالد ثم يقول : انتى يا ستى فى معرض الكتاب ودلوقتى هتوقعى على أول ديوان ليكى .
لتقف زينة وقد فتحت فمها بصدمة ثم يقف بجانبها شقيقها ويربت على كتفيها ويقول: مبروك يا احلى شاعرة فى مصر .
"زينة ومازالت مصدومة" : عشان كدا طلبت منى الشعر كله ؟
=بظبط .
ثم يعطيها خالد الكتاب بين يداها نظرت زينة للكتاب بتمعن ، وبكت ثم نظرت لخالد قائلة : حقيقى مش عارفة اشكرك ازاى انت حققتلى حلمى ..انا بجد بحبك.
"ليصيح ادهم قائلاً ": ايه احنا هَنا.
ثم تقول امها : مبروك ياحبيبتى .
-الله يبارك فيكى يا ماما.
ثم فجأة ظهر ما لم يكن فى الحُسبان يتقدم إليهم قائلاً : مبروك يا بنت خالي مش كنتى تقوليلى أجى احضر معاكى الأحتفال الجميل دا بدل معرف من برا !
"قالها علي وهو يبتسم بأستفزاز "
- جاي هنا ليه يا علي ..هه جاي تتريق عليا زى كل مرة ! ..بس مش هتعرف المرة دي عارف ليه ؟ عشان أنا بحب كل حاجة بعملها وهعملها وعملتها ومتصالحة مع نفسي جداً مش مريضة زيك ،وعمري مهسمع ليك أى حاجة تاني عشان جنبي اللى بيشجعني ،ويقولى دايما أنك حقود ومبتحبش إلا نفسك ،وعلى فكرة تقدر تقولي يا كشافاتوا عادي جداً انا حبيت اللقب الصراحة؛ عشان النضارة دى جزء منى ،وهى سبب من الأسباب اللى مخلياني واقفة بوقع أول ديوان ليا، وأنت كل السنين اللي فاتت دي كل اللي عملته انك تتريق عليا لحد منجحت ،وفشلت أنت.
بدأ علي التحدث، وترقرت في عينيه الدموع قائلاً: عندِك حق في كل كلمة قوليتها أنا فاشل في حياتى، واللى انا كنت شايفها فاشلة بقت أحسن إنسانة في الدنيا أنا آسف يا زينة وأوعدك انى مش هضايقك تانى
" ومسح دموعه من على وجنتيه ثم عاد التحدث مرة أخرى" : بس ممكن طلب أخير ؟
-عايز أيه؟
*ممكن أتصور معاكي قبل متتشهرى بقا وكدا ؟
"ضحكت زينة على سخافته وقالت": ممكن.
* ممكن طلب كمان ؟
زينة"بنافذ صبر" : قول يارب نخلص !
*ممكن نبدأ صفحة جديدة، وأنا والله مش هعمل حاجة تضايقك تاني ،ولو عايزاني ابعد عن حياتك هيحصل .
-ممكن يا علي .. بس أنا عايزة أشكرك برضه .
*على خيبتى ولا أيه؟
"زينة بضحكة منتصرة ": لا على أنك سبب من أسباب نجاحى .. بسبب تنمرك عليا أنا مكنتش بقيت حاجة عارف ليه يا علي؟!عشان اللي حصل دلوقتى كنت عارفة أنه هيحصل ، وكنت مستنياه.
*يعنى مش زعلانة منى خلاص؟!
"زينة بأبتسامة : بالعكس أنا مُمتنة ليك يا علي.
#تمت.
#جزء مني .
#shahd Soliman .
أنت تقرأ
قصة "جزء مني " _ شهد سليمان
Novela Juvenilتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
