**وبعد مرور شهر كانت زينة تعرض محتوى يليق وجيد وممتع وأصبح لها جمهور كبير وأشخاص ينتظرون ما تقدمه بفارغ الصبر ولكن هل هذا سوف يدوم عندما يكون هناك حاقدين ؟ ..هناك مَن يرصُدها وينتظر لها خطأ واحد لوقوعها؛ للأنتقام منها ..أنه علي أخبر امه بما تفعله زينة وأنها ناشرة الشعر على الانترنت وان هناك من يتحدث معها ويعجب بشِعرها حتى شحن امه بكلاماً لا يليق .
وعندها حدث اتصال بين ام علي "عمة زينة" وام زينة حدث التالى :
* ايوا يا هانم يا مرات اخويا إللى سايبة بنت اخويا على حل شَعرها ..شِعر ايه يا اختى ومسخرة ايه اللى بتكتبها دى لا و كمان بتنزل على النت والى رايح والى جاى يعاكس فيها ولا عشان اخويا مات مش عارفة تُحكميها لومعرفتيش تربيها هتيهالى وانا اعلمها الأدب ثم يتم غلق الهاتف فى وجه ام زينة.
لتصرخ الأم بعد انغلاق الخط : زينااااااة
لتأتى زينة مهرولة من غرفتها الى غرفة أمها ويأتى ادهم أيضا على صوت امه
لتبدأ الام الحديث قائلة : انتى رجعتى تكتبى الكلام الفاضى دا تانى ؟
- أأأصل أأأأ بصى يا ماما مع احترامى الكامل ليكى بس أنا بصراحة كدا مقدرتش ابطل .
= وايه حكاية الصفحة إلى انتِ عملتيها دى ؟
ليأتى صوت ادهم من الخلف قبل أن تتكلم زينة قائلاً : انا يا ماما الى عملتها ،وانا اللى قولتلها تنزل اللى بتكتبه فيها .
لتقاطعه أمه قائلة : كتابة ايه وزفت ايه دى مسخرة وقلة ادب .
* لا ياماما لو سمحت ..انا اختى مش قليلة الادب ولا إلى بتكتبه دا مسخرة دى موهبة ربنا زراعها فيها المفروض أن إحنا نطورها مش نقف قدام حلمها ونعجزها ونحطمها وبعدين لحظة واحدة !..حضرتك عرفتى منين ؟
= عرفت من بختى الاسود عمتك كلمتنى دلوقتى وادتني كلمتين فى جنابى .
- اكيد علي إلى قالها عمتو مالهاش فى النت ..انا مش عارفة هو بيعمل معايا ليه كدا .."ثم بدأت تتحدث بهدوء وبكاء" : طول عمره بيكرهنى ..واحنا فى إعدادى كان بيتريق عليا فى الراحة والجايا دا كان بيقولى يا كشافاتوا عشان النضارة وفى الثانوى انا دخلت ثانوى عام وهو لا بقا يسلط عليا بنات عشان يضايقونى ويتريقوا عليا ولما دخلت كلية الطب برضه مسبنيش فى حالى .
خرجت من هذه الغرفة إلى غرفتها المُظلمة مرة أخرى وقررت عدم المحاولة فى الكتابة مرة أخرى .
________
يتبع/....
#shahd soliman .
أنت تقرأ
قصة "جزء مني " _ شهد سليمان
Teen Fictionتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
