-بعدها بأسبوعين فى كلية طب يجلس خالد وزينة فى الكافتيريا لتقول الأخيرة : بقالك أسبوع واخد الورق ولسه مقولتش رأيك ولا جبتهولى تانى انتَ ركَنته ولا ايه !
=اه ركنته فى قلبى .
-قول يا خالد يلا فين الورق ؟
=شوية بس هخلصه واجيبه مش هاكله متقلقيش .
-ماشى يا عم لما نشوف .
"ارتسم على وجه خالد الجدية ثم قال ": كنت عايزك فى موضوع مهم؟
"نصتت زينة باهتمام": قول بسمعك !
" ابتسم خالد وقال": انا عايز اجى اتقدملك ..اظن كفايا كدا بقى ولا ايه !
ضحكت زينة" بسعادة" : ليه محسسنى انى انا اللى رافضة انك تيجى دا ياريت .
=طب حدديلى معاد مع اخوكى بقا .
-ماشى .
**فى منزل زينة تذهب الى غرفة شقيقها تطرق بابه فى تردد ليصبح : ادخل .
تقول زينة وهى تفرك يداها فى بعضهم : فاضى؟
*فاضى ..تعالى .
-كنت عايزة اقولك على حاجة ؟!
*قولى!
-أأأأأأ....
*مالك يا زينة متوترة ليه كدا !
"قالت زينة فجأة" : فى واحد عايز يقابلك عشان يتقدملى ثم وضعت يداها على وجهها خوفاً.
ليقول ادهم "بضحك": عريس يعنى !
لتُنزل يداها من على وجهها فى بطئ وهى مُتعجبة من ردة فعله الهادئة .
* ايه مالك!
- مش هتزعق ؟
"ابتسم ادهم ثم قال" : وانا من امتى بزعق ليكى يا زينة !
-محصلش فعلاً .
*وبعدين هزعق ليه دا واحد شكله محترم وجه من الباب .
-يعنى مش ممانع يجي يقابلك ؟
* وامتنع ليه بس اهم حاجة تروحى تقولى لماما وخليه يجى يوم الخميس الساعة تسعة. "وقفت زينة تقفز من الفرح ثم قالت": حاضر حاضر.
___________
يتبع/....
#shahd soliman.
أنت تقرأ
قصة "جزء مني " _ شهد سليمان
Teen Fictionتنمروا على جزء منها ،و لم يفقهوا ان التنمر سوف يكون يوماً سر نجاحها، فاتحدى يصنع المعجزات قصة جزء منى بقلمى شهد سليمان قرأة ممتعة 💘
